វប្បធម៌ ជំនឿ

យល់សប្ដិឃើញរថយន្ត ម៉ូតូកង់បី ឬ យានដ្ឋាន អត្ថន័យល្អឬអាក្រក់?

បានផុស

២ years មុន

នៅ

ថ្ងៃសុក្រ ២៦ សីហា ២០២២

ដោយ

តើអ្នកដឹងទេថា សុបិនអាចប្រាប់អ្នកពីអ្វីដែលនឹងកើតឡើងចំពោះអ្នកនាពេលអនាគត? ដូច្នេះតើសុបិនឃើញរថយន្ត មានន័យយ៉ាងណាដែរ សម្រាប់ជីវិតនៅខាងក្រៅនេះ។

សុបិនឃើញរថយន្តធម្មតា

អ្នកនឹងមានសំណាងក្នុងការធ្វើដំណើរ មានដំណឹងល្អពីញាតិមិត្តដែលមិនបានជួបគ្នាយូរមកហើយគេយករបស់ពិសេសមកឲ្យនាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញរថយន្តយោធា

អ្នកនឹងមានមនុស្សអញ្ជើញមកធ្វើការដែលមានគ្រោះថ្នាក់ ឬនឹងផ្លាស់ទីទៅកន្លែងថ្មី។

សុបិនឃើញរថយន្តសង្គ្រោះបន្ទាន់

អ្នកនឹងមានបញ្ហា ហើយសាច់ញាតិមិនជួយនៅទុក្ខវិបិត្តនេះឡើយ។ ប៉ុន្តែយ៉ាងណាក្នុងគ្រោះនេះអ្នកនឹងទទួលបានជំនួយពីអ្នកដទៃជំនួសវិញ។

សុបិនឃើញម៉ូតូកង់បី រឺម៉ក់ឬតុកៗ

បានន័យថាការរកស៊ីដែលអ្នកកំពុងធ្វើឬមានគ្រោះនាថ្ងៃខាងមុខនឹងជួបឧបសគ្គខ្លាំងក្លា ។ ដូច្នេះគួរតែត្រឡប់ទៅរកមូលហេតុ និងជួសជុលវាឡើងមកសិន។សឹមដើរបន្តទៅមុខទៀត។

សុបិនឃើញការបើកបរ ឬជិះឡានទៅកន្លែងផ្សេងៗ

មានន័យថាអាចនឹងមានការផ្លាស់ប្ដូរទំនួលខុសត្រូវការងារ ឬមានហេតុផលក្នុងការធ្វើដំណើរទៅកន្លែងឆ្ងាយពីផ្ទះបែកគ្រួសារបងប្អូន អាចថាមិនមានសំណាងនោះទេ។ចូរតោងប្រយ័ត្ន!

សុបិនឃើញកង់ ឬបានជិះកង់

អ្នកនឹងត្រូវធ្វើដំណើរផ្លូវឆ្ងាយ ឬបានផ្លាស់ប្ដូរទីលំនៅ ឬផ្លាស់ប្ដូរភារកិច្ចការងារទៅកន្លែងមួយទៀតដែលថ្មីសម្រាប់អ្នក។

សុបិនឃើញសំបកកង់រថយន្តនៅកណ្ដាលផ្លូវ

អ្នកនឹងទទួលបានដំណឹងពីញាតិមិត្តជិតឆ្ងាយឬនឹងមានការត្រូវធ្វើដំណើរទៅកន្លែងមួយឆ្ងាយផ្ទះ។

សុបិនឃើញមឈូស ឬជិះឡានឆ្លងកាត់ពិធីបុណ្យសព

ទំនាយនេះនាំឲ្យអ្នកនឹងទទួលបានដំណឹងល្អ ឬសំណាងពីចម្ងាយមានគេយកមកឲ្យ។

សុបិនឃើញយានដ្ឋាន

សុបិននេះមិនល្អទេចូរប្រយ័ត្នឲ្យមែនទែនអ្នកអាចនឹងមានមូលហេតុនាំឲ្យបាត់បង់ទ្រព្យសម្បត្តិ ឬគ្រោះថ្នាក់ បើមានគម្រោងធ្វើដំណើរគួរផ្អាកមួយរយៈសិននាពេលនេះ។

ទោះជាយ៉ាងណាក៏ដោយ ការទស្សន៍ទាយសុបិនគ្រាន់តែជាជំនឿផ្ទាល់ខ្លួននិងយោងតាមចាស់ៗដំណាលមកតៗគ្នាប៉ុណ្ណោះ។ ប្រសិនបើវាជាទំនាយ មានអត្ថន័យល្អ ត្រូវបានចាត់ទុកថាជាការលើកទឹកចិត្តដល់អ្នកក្នុងសុបិន។ ប៉ុន្តែប្រសិនបើអត្ថន័យមិនល្អ ត្រូវបង្កើនការប្រុងប្រយ័ត្នទ្វេគុណ ក្នុងការសម្រេចចិត្តលើរឿងអ្វីមួយ៕

គ្រូ ណុប

ចុចអាន៖យល់សប្ដិឃើញរថយន្ត បញ្ជាក់ពីសំណាងជោគលាភ និងប្រផ្នូលឲ្យដល់ជីវិត