​ថៃ និង​វៀតណាម​ ​សហការ​គ្នា​ ​ដំឡើង​ថ្លៃ​អង្ករ ​ក្នុង​ទីផ្សារ​ពិភពលោក (មានវីដេអូ)

មន្ត្រីកសិកម្មថៃបាននិយាយនៅថ្ងៃចន្ទទី២៩ខែសីហានេះថា ប្រទេសថៃ និងវៀតណាម បានព្រមព្រៀងសហការគ្នា ក្នុងការដំឡើងតម្លៃអង្ករលើទីផ្សារពិភពលោក បន្ទាប់ពីកិច្ចពិភាក្សាអស់រយៈពេលជាច្រើនខែ ក្នុងគោលបំណងជួយលើកកម្ពស់ប្រាក់ចំណូលនៅតាមជនបទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Alongkorn Ponlaboot ទីប្រឹក្សារដ្ឋមន្ត្រីក្រសួងកសិកម្ម និងសហករណ៍ ថៃ បាននិយាយនៅក្នុងសេចក្តីថ្លែងការណ៍មួយ បន្ទាប់ពីកិច្ចពិភាក្សាជាមួយក្រុមមន្ត្រីវៀតណាមថា “នេះជាលើកទីមួយហើយ ដែលប្រទេសថៃនិងវៀតណាម បានយល់ព្រមសហការគ្នាក្នុងការដំឡើងតម្លៃអង្ករនៅលើទីផ្សារពិភពលោក”។

ថៃ​និង​វៀតណាម​ បាន​ចាប់ផ្តើម​កិច្ចពិភាក្សា​កាលពី​ខែឧសភា​។

អ្នក​នាំ​ពាក្យ​ថៃ ​បាន​និយាយ​ថា គោល​បំណង​គឺ​ដើម្បី​ដំឡើង​ថ្លៃ​ការ​នាំ​ចេញ​អង្ករ​របស់​ពួក​គេ, បង្កើន​អានុភាព​​នៅ​ក្នុង​ទីផ្សារ​ពិភពលោក និង​ជំរុញ​ប្រាក់​ចំណូល​របស់​កសិករ។

ប្រទេសទាំងពីរ បានរួមចំណែកប្រហែល១០%នៃផលិតកម្មអង្ករពិភពលោក និងប្រហែល២៦%នៃការនាំចេញសកល។ នេះបើយោងតាមក្រសួងកសិកម្មសហរដ្ឋអាមេរិក។

ទោះបីជាយ៉ាងណាក៏ដោយ គេ​មិន​ទាន់​ដឹង​ច្បាស់​ទេថាតើពេលណាទើប​ការ​ដំឡើង​ថ្លៃ នឹងត្រូវអនុវត្ត។

ស្របពេលជាមួយគ្នានោះដែរ សមាគមស្បៀងអាហារវៀតណាម និងក្រសួងកសិកម្ម និងអភិវឌ្ឍន៍ជនបទវៀតណាម មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយរបស់ Reuters ទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ បង់ក្លាដែស គ្រោងទិញអង្ករពីកម្ពុជា បំពេញតម្រូវការស្បៀងក្នុងស្រុក