ព័ត៌មានជាតិ
ថ្ងៃបុណ្យណូអ៊ែល ជិះម៉ូតូប្រញ៉ាប់យកកាដូជូនសង្សាជ្រុលទៅបុករថយន្ដ Rolls Royce ខ្ទេចផ្នែកខាងមុខ
យុវជនជាជាងសំណង់ម្នាក់ ព្រោះតែចង់បង្ហាញពីសេចក្ដីស្រលាញ់ចំពោះមិត្តស្រីរបស់ខ្លួន បានជិះម៉ូតូយកកាដូទៅជូនក្នុងថ្ងៃបុណ្យណូអ៊ែល តែបែជាជួបរឿងស៊យ ជ្រុលទៅបុករថយន្តសេរីទំនើបម៉ាក Rolls Royce តម្លៃរាប់សិបម៉ឺនដូល្លារ បណ្ដាលឲ្យរងការខួចខាតផ្នែកខាងមុខ តែដោយមានការអាណិតអាសូពីម្ចាស់រថយន្ដ ទើបម្ចាស់រថយន្ដសម្រេចមិនទាមទារសំណងអ្វីទាំងអស់។ ហេតុការណ៍នេះ បានកើតឡើងកាលពីរសៀលថ្ងៃទី២៥ ខែធ្នូ ឆ្នាំ២០២០ ស្ថិតនៅលើផ្លូវបេតុង ក្នុងភូមិអង្គរជ័យ សង្កាត់ស្នោរ ខណ្ឌកំបូល រាំជធានីភ្នំពេញ។
យុវជនខាងលើឈ្មោះ មាន តាំងលី អាយុ២០ឆ្នាំ មុខរបរជាងសំណង់ ស្នាក់នៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ជិះម៉ូតូម៉ាក Honda Dream C125 ស៊េរីឆ្នាំ២០០៦ ពាក់ស្លាកលេខភ្នំពេញ1H-4751។ ចំណែករថយន្តរងគ្រោះម៉ាក Rolls Royce ពណ៌ស ពាក់ស្លាកលេខភ្នំពេញ2AU-8888 ជាកម្មសិទ្ធិរបស់ឈ្មោះ មាន សុភ័ណ្ឌ ភេទប្រុស អាយុ៣១ឆ្នាំ ជានាយកប្រតិបត្តិCEO «បុរីលាភសំណាង» មានទីលំនៅភូមិអង្គរជ័យ សង្កាត់ស្នោរ ខណ្ឌកំបូល រាជធានីភ្នំពេញ។
តាមការរៀបរាប់ពីម្ចាស់រថយន្តបានឲ្យដឹងថា នៅមុនពេលកើតហេតុ លោកបើករថយន្តធ្វើដំណើរលើផ្លូវបេតុង ក្នុងទិសដៅពីលិចទៅកើត លុះពេលទៅដល់ត្រង់ចំណុចកើតហេតុ ក៏ឃើញយុវជនរូបនោះ ជិះម៉ូតូក្នុងទិសដៅបញ្ច្រាស់គ្នា យ៉ាងលឿនសម្ដៅមករថយន្តរបស់លោក។ បន្ទាប់ពីឃើញបែបនេះ លោកបានបើកអែបខាង និងឈប់រថយន្ត ដើម្បីគេចចេញដែរ តែនៅតែត្រូវយុវជននេះជិះម៉ូតូមកបុកទៀត បណ្ដាលឲ្យរថយន្តរងការខូចខាតផ្នែកខាងមុខ និងបែកកង់មុខខាងស្ដាំ។
ប្រភពដដែលបានបន្តថា ក្រោយពីកើ់តហេតុ លោកបានធ្វើការសួរនាំ ហើយយុវជននោះបានប្រាប់ថា រូបគេកំពុងជិះម៉ូតូយកកាដូជូនមិត្តស្រី ដែលធ្វើការងារនៅក្នុងបុរីលាភសំណាង របស់លោកនោះដែរ ហើយស្រាប់តែម៉ូតូជាប់ហ្គែរ ទើបជ្រុលមកបុករថយន្តបែបនេះ។
ដោយដឹងពីប្រវត្តខ្លះៗរបស់យុវជនខាងលើ គឺជាក្មេងកំព្រាដោយតាំងពីតូច ដល់ធំធ្លាប់ស្នាក់នៅក្នុងវត្ត ហើយសព្វថ្ងៃមានមុខរបរជាជាងសំណង់ទៀត ជាហេតុធ្វើឲ្យលោកមានការអាណិតអាសូរ ទើបលោកមិនបានទាមទារសំណងអ្វីឡើយ ខណៈដែលយុវជននេះលើកដៃសំពះទទួលកំហុស។
ហើយម្ចាស់រថយន្ដបានធ្វើការណែនាំដល់យុវជនរូបនេះ បើកបរឲ្យមានការប្រុងប្រយ័ត្នគោរពច្បាប់ កុំលឿនហួសហេតុ ចៀសវាងនូវការបង្កឲ្យមានគ្រោះថ្នាក់ជាយថាហេតុដល់ខ្លួនឯង និងអ្នកដទៃនៅពេលក្រោយទៀត៕
អត្ថបទ ៖ សុខុម
ការផ្ទេរអំណាចសន្តិភាពនៅអាមេរិក៖ ពីចូ បៃដិនទៅដូណាល់ ត្រាំ ខុសពី ដូណាល់ ត្រាំ ទៅចូ បៃដិន
នារីម្នាក់ត្រូវឃាតករសម្លាប់រួចចាក់សោរក្នុងបន្ទប់ជួលរហូតធុំក្លិនស្អុយទេីបបែកការណ៍
ស្នងការនគរបាលរាជធានី គ្រោងបង្កើតក្រុមសមត្ថកិច្ចចល័តដើម្បីតាមពិនិត្យអនុវត្តលើអ្នកដំណើរទាំងឡាយណា ដែលសមត្ថកិច្ចមានការសង្ស័យថាមានជាតិស្រវឹង
ពូទីន ប្រកាសចំហចរចាជាមួយរដ្ឋបាលដូណាល់ ត្រាំ ខណៈហុងគ្រីបរិហារអឺរ៉ុប
ក្រសួងប្រៃសណីយ៍កម្ពុជា និង ក្រសួងបច្ចេកវិទ្យាគមនាគមន៍នៃសាធារណរដ្ឋហ្វីលីពីនធ្វើសន្និសីទស្តីពីការផ្ទេរបច្ចេកវិទ្យាឌីជីថលឱ្យគ្នាដើម្បីជំរុញល្បឿននៃការធ្វើបរិវត្តកម្ម
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១២ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១៨ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤