ជីវិតកម្សាន្ដ

កន្លងផុតទៅ ១២ ឆ្នាំ តួសម្ដែងប្រុស-ស្រី ក្នុងរឿង ”First Love” មានស្ថានភាពបែបណាខ្លះ?

បានផុស

២ years មុន

នៅ

ថ្ងៃពុធ ៣១ សីហា ២០២២

ដោយ

បើនិយាយពីរឿងស្នេហាបែបយុវវ័យ កាលសម័យកាលឆ្នាំ ២០១០ ទស្សនិកជនប្រាកដជាស្គាល់ពីភាពយន្តថៃ ”First Love” ដែលចូលរួមសម្ដែងដោយតារាប្រុសMarioនិង Baifern មិនខាន។

យ៉ាងណាមិញ គិតមកដល់បច្ចុប្បន្នភាពយន្តស្នេហាក្មេងៗមួយនេះមានរយៈពេល ១២ ឆ្នាំហើយ។ តើតួសម្ដែងប្រុស-ស្រី ដែលបង្ហាញវត្តមានក្នុងរឿង ”First Love” មានស្ថានភាពបែបណាខ្លះទៅហើយ?

១ Shone សម្ដែងដោយ Mario Maurer

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយតាមត្រង់ ទោះប៉ុន្មានឆ្នាំកន្លងផុតទៅ Mario នៅតែរក្សាមុខមាត់ឲ្យក្មេងដដែល។ មិនថាពេលកន្លងទៅយូរឆ្នាំតែតារាប្រុសរូបនេះ នៅតែមានប្រជាប្រិយភាពក្នុងប្រទេស និងកាន់តែល្បីល្បាញក្រោយសម្ដែងរឿងនេះចប់។ បច្ចុប្បន្ន Mario ជាតារាសម្ដែងស្ថិតក្រោមទ្រនំប៉ុស្តិ៍លេខ៣ និងកំពុងសាងកេរ្ត៏ឈ្មោះឲ្យកាន់តែល្បីខ្លាំងជាងនេះ។

២ Nam សម្តែងដោយ Baifern Pimchanok

ពេលវេលាកាន់តែកន្លងផុតទៅ Baifern កាន់តែធំឡើងនិងក្លាយតារាស្រីមានផ្ទៃមុខស្រទន់ទាក់ទាញមន្តស្នេហ៍យ៉ាងខ្លាំង។ ក្រៅពីមានសម្រស់ស្រស់ស្អាត Baifern ថែមទាំងមានសមត្ថភាពពូកែមិនធម្មតា រហូតមានផ្សាយពាណិជ្ជកម្មនិង ភាពយន្តរង់ចាំនាងជាបន្តបន្ទាប់។

៣ Cheer សម្ដែងដោយ Paweena Rojinda Ngam

Cheer ជាក្រុមមិត្តនារីជាមួយ Nam អាចហៅថាជានារីដែលមានចរិតច្បាស់លាស់។ បច្ចុប្បន្ននាងធ្វើការជាគ្រូសិល្បៈនិងជានារីស្រស់ស្អាតដែលមានភាពជឿជាក់លើខ្លួនឯង។

៤ Ki សម្ដែងដោយ Nisa Boonsantia

បើសួរថាតួអង្គណាក្នុងរឿងមានការប្រែប្រួលជាងគេ? ប្រាកដជាពី Nisa មិនខានឡើយ ព្រោះអំឡុងនៅសម្ដែងភាពយន្តនេះ នាងជាក្មេងស្រីធម្មតា ខណៈពេលនេះ នាងបានក្លាយជាបុរសសង្ហាមួយរូបទៅហើយ។

៥ Nim សម្ដែងដោយ Sasiprapha Thanuchawwiwat

ក្មេងស្រីដែលជាសមាជិកចុងក្រោយ និងមានអត្តចរិតស្លូតបូត។ ពេលនេះនាងក្លាយជាយុវវ័យដ៏ស្រស់ស្អាត មើលសឹងមិនស្គាល់ទៅហើយ។

៦ Tukky Sudarat Butprom

ក្នុងសាច់រឿងនេះ អ្នកគ្រូអិនបានមកបង្កើតសំណើចឲ្យទស្សនិកជនសើចរហូតតាំងពីដើមដល់ចប់។ សព្វថ្ងៃ នាងក៏ជាពិធីការិនី និងកំប្លែងដ៏ល្បីម្នាក់ផងដែរ ។

៧ Jeab Phichittra Siriwetchaphan

អ្នកគ្រូ អន ជាអ្នកគ្រូវ័យក្មេងស្រស់ស្អាតម្នាក់ ដែលតែងតែចូលចិត្តប្រកួតប្រជែង ចង់ចែចង់ជាមួយបុរស។ សម្តែងដោយតារាស្រី Jeab Phichittra តារាសម្តែង និងជាតារាម៉ូដែលថៃ។ បច្ចុប្បន្ននាងបានរៀបការជាមួយតន្ត្រីករដ៏ល្បី Boy Peachmaker ដែលបើកអាជីវកម្មផ្ទាល់ខ្លួន ហើយក៏មានការសម្តែងក្នុងវិស័យសិល្បៈផងដែរ ៕

ប្រែសម្រួល៖ សាង ស្រីល័ក្ខ

ចុចអាន៖Kwan និយាយបែបណា ក្រោយធ្លាយពាក្យចចាមអារ៉ាមថា នាងឆក់ខ្សែភ្លើងស្លាប់

ចុចអាន៖តារា ថៃ ៥ រូប ក្លាយជាបុគ្គលមានប្រជាប្រិយភាពខ្លាំង ក្រោយសម្ដែងរឿងភាគចប់