វប្បធម៌ ជំនឿ

យល់សប្ដិឃើញទឹកជំនន់ ជាប្រផ្នូលប្រាប់ហេតុការណ៍មិនល្អ?

បានផុស

២ years មុន

នៅ

ថ្ងៃសុក្រ ២ កញ្ញា ២០២២

ដោយ

ឃើញទឹកជំនន់ក្នុងយល់សប្ដិ នោះជាសញ្ញាសម្រាប់ព្រឹត្តិការណ៍មួយចំនួន ដែលអាចនឹងកើតឡើងនៅពេលអនាគត។ ជាពិសេស សុបិនលិចផ្ទះ ឬផ្លូវដែលអាចធ្វើឲ្យមនុស្សជាច្រើនមានអារម្មណ៍ថប់បារម្ភបន្ទាប់ពីភ្ញាក់ពីគេង ។ ព្រោះវាជាសុបិនអំពីគ្រោះមហន្តរាយ។ តាមពិតឃើញទឹកជំនន់ វាមិនតែងតែមានន័យអាក្រក់ទាំងអស់ទេ ប៉ុន្តែមានទំនាយផ្សេងៗគ្នា អាស្រ័យលើធម្មជាតិនៃសុបិនដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញលិចផ្ទះខ្លួនឯង

ក្នុងរយៈពេលនេះអ្នកអាចមានដំណើរផ្លូវឆ្ងាយ ប្រហែលជាបានផ្លាស់ប្តូរទីតាំងទៅអាសយដ្ឋានថ្មី ឬត្រូវបានកែប្រែទៅការងារថ្មី។ ប៉ុន្តែកុំបារម្ភ ព្រោះវានឹងផ្លាស់ប្ដូរក្នុងទិសដៅកាន់តែប្រសើរវិញទេ។

សុបិនឃើញទឹកជន់លិចផ្ទះអ្នកដទៃ

ក្នុងពេលនេះចូរប្រុងប្រយ័ត្ន អ្នកអាចនឹងបាត់បង់ទ្រព្យ ហើយត្រូវប្រយ័ត្នសុខភាពអ្នកក្នុងផ្ទះផងដែរ។ ក្នុងអំឡុងពេលនេះពេលគិតថា ធ្វើអ្វីក៏ដោយគួរតែប្រយ័ត្នខ្លួនទុកមុន កុំមើលស្រាលព្រោះគ្រោះអាក្រក់អាចកើតឡើងគ្រប់ពេល។

សុបិនឃើញទឹកជំនន់នៅក្នុងផ្ទះ

ទស្សន៍ទាយថា សុបិននេះល្អប្រសើរទេ ព្រោះមានមិត្តនាំមកនូវសំណាងល្អ ដែលធ្វើជំនួញជាមួយគ្នា នឹងទទួលបានចំណែកដែលពេញចិត្ត។ ចំណែកអ្នករៀបការមានគ្រួសារ ហើយចង់បានកូន នឹងបានសម្រេចក្នុងពេលឆាប់ៗនេះ។

សុបិនឃើញទឹកជំនន់ផ្លូវ

ទស្សន៍ទាយថា នឹងមានញាតិមិត្តជិតឆ្ងាយមកលេង រួមទាំងអតីតគូស្នេហ៍ក៏អាចទាក់ទងមកសុំត្រូវគ្នាវិញ។ ក្នុងលក្ខខណ្ឌការងារវិញ អាចត្រូវដំឡើងឋានៈថ្មី។ ទោះបីជាអ្នកត្រូវហត់នឿយនៅកន្លែងធ្វើការក៏ដោយ។ ប៉ុន្តែលទ្ធផលប្រាកដជាជាទីពេញចិត្ត។

សុបិនឃើញលិចបន្ទប់គេង

ក្នុងអំឡុងពេលនេះ អ្វីៗហាក់ដូចជាជាប់គាំង។ អារម្មណ៍របស់អ្នកមិនល្អឡើយនាពេលនេះ អាចថាជួបរឿងអយុត្តិធម៌ ជួបរឿងលំបាកច្រើន ឬត្រូវបានស្តីបន្ទោសចំពោះការងារ។ ដូច្នេះ ចូរអត់ធ្មត់ ដើម្បីឆ្លងកាត់ពេលពេលវេលាអាក្រក់បែបនេះ។

សុបិនឃើញទឹកជំនន់ដ៏ធំ

វាជាសុបិនដែលទាមទារការថែទាំពិសេសពីខ្លួនអ្នក។ ក្នុងរយៈពេលនេះ ការបើកបរត្រូវមានស្មារតីប្រុងប្រយ័ត្ន ព្រោះអាចមានគ្រោះថ្នាក់កើតឡើងគ្រប់ពេលវេលា ប្រសិនបើអ្នកប្រហែសខ្លួន។ ក្នុងពេលនេះ វាជាការល្អបំផុតដែលគួរចៀសវាងការធ្វើដំណើរផ្លូវឆ្ងាយ។ ចំពោះបញ្ហាសុខភាព អាចកើតមានជំងឺភ្លាមៗផងដែរ។