កីឡា

សមាគមកីឡាបាល់ទាត់ថៃ ព្រមានអាជ្ញាកណ្ដាលដែលសម្ដែងការអបអរ ពេលសម្រេចការកាត់សេចក្ដី

បានផុស

២ years មុន

នៅ

ថ្ងៃសុក្រ ២ កញ្ញា ២០២២

ដោយ

គណៈកម្មាធិការវិន័យនៃសមាគមកីឡាបាល់ទាត់ថៃ បានចេញមកព្រមានអាជ្ញាកណ្តាលដែលនៅក្នុងបន្ទាប់វីដេអូជំនួយការអាជ្ញាកណ្ដាល (VAR Room) ក្នុងការប្រកួតរវាង Chonburi ជាមួយ Buriram ដែលបានបង្ហាញពីភាពរីករាយនៅក្នុងបន្ទប់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាចេញមកពីហេតុការណ៍ដែលលោក Witsawet Sangnakhon និង Phattaphong Kitsathit ជំនួយការអាជ្ញាកណ្តាលនៅក្នុងបន្ទប់ VAR បានសម្តែងការសប្បាយរីករាយរបស់ពួកគេ បន្ទាប់ពីអាជ្ញាកណ្តាលក្នុងទីលាន លោក Siwakorn Phuudom បានសម្រេចផ្តល់បាល់ប៉េណាល់ទី ទៅឱ្យក្លិប Chonburi FC ក្នុងការប្រកួតជាមួយ Buriram United កាលពីសប្តាហ៍មុន ទោះបីជាអាជ្ញាកណ្ដាលទាំងពីរនឹងចេញមកបំភ្លឺយ៉ាងណាក៏ដោយ។

យ៉ាងណាក៏ដោយ គណៈកម្មាធិការវិន័យ និងសុជីវធម៌ របស់សមាគមកីឡាបាល់ទាត់ថៃ ដឹកនាំដោយ លោក Amnuay Nimmano ជាប្រធាន បានកោះហៅអាជ្ញាកណ្តាលទាំងពីររូប មកបំភ្លឺជាផ្លូវការ ជាមួយនឹងការព្រមានជាលាយលក្ខណ៍អក្សរ និងពិន័យអាជ្ញាកណ្តាលពីររូបដែលប្រព្រឹត្តមិនសមរម្យ និងឱ្យប្រុងប្រយ័ត្ន ជាពិសេសក្នុងអំឡុងពេលបំពេញភារកិច្ច។

សូមបញ្ជាក់ថា នៅលីគកំពូលថៃ ត្រូវបានដាក់ឱ្យប្រើប្រាស់ប្រព័ន្ធវីដេអូជំនួការអាជ្ញាកណ្ដាល ប៉ុន្តែសម្រាប់តែកការប្រកួតក្រុមធំៗប៉ះគ្នាប៉ុណ្ណោះ៕

អត្ថបទ៖ មន្នីរ័ត្ន