អង់គ្លេស ឲ្យប្រជាជនអាហ្វ្រិករងភាពអត់ឃ្លាន បរិភោគដង្កូវ កណ្ដូប និងរុយ ជាអាហារ

ជនជាតិអាហ្វ្រិកដែលរងការគំរាមកំហែងដោយភាពអត់ឃ្លានកំពុងត្រូវបានលើកទឹកចិត្តឲ្យបរិភោគសត្វល្អិតពីគំនិតផ្តួចផ្តើមជំនួយរបស់ចក្រភពអង់គ្លេស ។

សត្វដង្កូវអាហ្រ្វិក កណ្តូប និងរុយក្បាលខ្មៅ ស្ថិតនៅក្នុងបញ្ជីអាហារសម្រាប់ទទួលទានក្រោមគំនិតផ្តួចផ្តើមរបស់អង់គ្លេសដែលធ្វើឡើងនៅប្រទេសហ្ស៊ីមបាវ៉េ និងសាធារណរដ្ឋប្រជាធិបតេយ្យកុងហ្គោ ប៉ុន្តែអ្នកស្រុកកំពុងបដិសេធការផ្តល់ជូននេះ ដោយសារតែរសជាតិ និងវប្បធម៌ ។

លោកវេជ្ជបណ្ឌិត Alberto Fiore សាស្ត្រាចារ្យផ្នែកគីមីវិទ្យា និងបច្ចេកវិទ្យាអាហារនៅសាកលវិទ្យាល័យ Abertay ក្នុងទីក្រុង Dundee បានណែនាំថា វានឹងមានរសជាតិឆ្ងាញ់ ប្រសិនបើជនជាតិអាហ្វ្រិកយកសត្វល្អិតទាំងនោះទៅធ្វើជាបបរលាយជាមួយគ្រាប់ធញ្ញជាតិ រួមទាំងអង្ករដំណើរ និងគ្រាប់មីឡេត (Millets) ។

ជាចុងក្រោយលោកបញ្ជាក់ថា សត្វល្អិតដែលអាចបរិភោគទាំងនេះត្រូវបានចាត់ទុកជាប្រភពប្រូតេអ៊ីនដែលមានប្រសិទ្ធភាពខ្ពស់ ដោយសារតែពពួកវាគឺមានតម្រូវការតិចជាងសត្វពាហនៈធម្មតាផ្សេងទៀត ៕

ប្រែសម្រួលដោយ ៖ ជីវ័ន្ត

ប្រភព ៖ The Guardian

ចុចអាន ៖ សម្ព័ន្ធមិត្ត ពូទីន ថា លោកខាងលិចកំពុង “លេងអុកមរណៈ” ជាមួយ រុស្ស៊ី