ផ្ទុះឆេះបំពង់បង្ហូរប្រេងក្រោមទឹកនៅរដ្ឋមួយរបស់ អាមេរិក (មានវីដេអូ)

ការផ្ទុះបំពង់បង្ហូរប្រេងក្រោមទឹកបានបង្កឲ្យមានភ្លើងឆេះយ៉ាងសន្ធោរសន្ធៅនៅ​បឹង Lery ជិត​កោះ Delacroix ក្នុង​រដ្ឋ Louisiana សហរដ្ឋអាមេរិក ។

ឆ្មាំឆ្នេរសមុទ្រអាមេរិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា “បំពង់បង្ហូរប្រេងដែលឆាបឆេះនេះត្រូវបានពន្លត់ បន្ទាប់ពីមានការឆ្លើយតបពីសំណាក់ឆ្មាំឆ្នេរជាមួយនឹងការផ្ទុះដ៏ធំមួយនេះ” ។

ឆ្មាំឆ្នេរសមុទ្របានឲ្យដឹងទៀតថា មូលហេតុដែលបង្កឲ្យមានការផ្ទុះនេះឡើងគឺដោយសារតែកប៉ាល់ដឹកទំនិញមួយគ្រឿងបានបើកបុកបំពង់បង្ហូរឧស្ម័នធម្មជាតិ ប៉ុន្តែពុំ​មាន​អ្នក​រង​របួស​ណា​ម្នាក់​ត្រូវ​បាន​គេ​រាយការណ៍​ក្នុង​ហេតុការណ៍​នេះ​ឡើយ ។

យោងតាមលោក Patrick Courreges អ្នកនាំពាក្យនៃនាយកដ្ឋានធនធានធម្មជាតិរបស់រដ្ឋ Louisiana បានឲ្យដឹងថា បំពង់បង្ហូរប្រេងនេះគឺជាបំពង់បង្ហូរប្រេងអន្តររដ្ឋ ហើយជាកម្មសិទ្ធិរបស់ក្រុមហ៊ុន High Point Gas Transmission ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ដាក់ទណ្ឌកម្មក្រុមហ៊ុន អ៊ីរ៉ង់ ចំពោះការផ្ដល់យន្តហោះដ្រូនឲ្យ រុស្ស៊ី ប្រើនៅ អ៊ុយក្រែន