រុស្ស៊ី ថា អាល្លឺម៉ង់ បានឆ្លងកាត់ខ្សែបន្ទាត់ក្រហមហើយ

ឯកអគ្គរដ្ឋទូតរបស់ទីក្រុងមូស្គូ ប្រចាំនៅទីក្រុងប៊ែរឡាំងលោក Sergey Nechaev បាននិយាយកាលពីថ្ងៃចន្ទទី១២ខែកញ្ញាថា ប្រទេសអាល្លឺម៉ង់ បានឆ្លងកាត់ខ្សែបន្ទាត់ក្រហមជាមួយរុស្ស៊ីហើយ ដោយសារតែការបញ្ជូនសព្វាវុធទៅអ៊ុយក្រែន។

អ្នកការទូតបន្ថែមថា ការសម្រេចចិត្តនេះ បានធ្វើឲ្យខូចដល់ការផ្សះផ្សារយៈពេលជាច្រើនទសវត្សរ៍ចាប់តាំងពីការបញ្ចប់សង្គ្រាមលោកលើកទី២ និងការឈ្លានពានរបស់ណាស៊ី នៅសហភាពសូវៀត។

នៅក្នុងបទសម្ភាសន៍ជាមួយកាសែត Izvestia លោកនិយាយថា “ការពិតដែលថា អ៊ុយក្រែនកំពុងត្រូវបានផ្គត់ផ្គង់ជាមួយនឹងអាវុធដ៍សាហាវផលិតដោយអាល្លឺម៉ង់ ដែលត្រូវបានប្រើមិនត្រឹមតែប្រឆាំងនឹងសមាជិកយោធារុស្ស៊ីប៉ុណ្ណោះទេ ប៉ុន្តែថែមទាំងប្រជាជនស៊ីវិលនៃតំបន់ Donbass ផងដែរនោះ គឺបានឆ្លងកាត់ខ្សែបន្ទាត់ក្រហមហើយ”។

ទីក្រុង​ប៊ែរឡាំង​គួរ​តែ​​ដឹងឲ្យ​កាន់​តែ​ច្បាស់ ​ដោយ​ពិចារណា​លើ​ទំនួល​ខុស​ត្រូវ​ខាង​សីលធម៌ និង​ជា​ប្រវត្តិសាស្ត្រ ​ដែល​អាល្លឺម៉ង់​មាន​ចំពោះ​ប្រជាជន​របស់​យើង សម្រាប់​ឧក្រិដ្ឋកម្ម​ណាស៊ី។ ពួកគេបានឆ្លងកាត់ខ្សែបន្ទាត់ក្រហម ដែលមិនអាចបកក្រោយបាន។

ដោយបោះបង់គោលនយោបាយដ៏យូរអង្វែងរបស់ខ្លួន ក្នុងការមិនបញ្ជូនសព្វាវុធចូលទៅក្នុងតំបន់ជម្លោះប្រដាប់អាវុធ, ទីក្រុងប៊ែរឡាំង បានចូលរួមជាមួយសហរដ្ឋអាមេរិក និងសម្ព័ន្ធមិត្តណាតូផ្សេងទៀត ក្នុងការផ្តល់អាវុធដល់អ៊ុយក្រែន។ រដ្ឋាភិបាល​អាល្លឺម៉ង់​និយាយ​ថា ខ្លួន​មាន​ទំនួល​ខុស​ត្រូវ​ខាង​សីលធម៌​ក្នុង​ការ​គាំទ្រទី​ក្រុង​កៀវ ដូច្នេះ​អ៊ុយក្រែន​អាច​ការពារ​ខ្លួន​ប្រឆាំង​នឹង​រុស្ស៊ីបាន។

អាល្លឺម៉ង់ ក៏បានចូលរួមកិច្ចខិតខំប្រឹងប្រែងរបស់សហភាពអឺរ៉ុប ក្នុងការកាត់ផ្តាច់សេដ្ឋកិច្ចចេញពីប្រទេសរុស្ស៊ីផងដែរ។ អាជីវកម្មអាល្លឺម៉ង់ បានពឹងផ្អែកលើឧស្ម័នធម្មជាតិរុស្ស៊ីតម្លៃថោកអស់រយៈពេលប្រាំទសវត្សរ៍មកហើយ ចាប់តាំងពីមុនពេលសហភាពសូវៀតដួលរលំ៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ុយក្រែន វាយយកបានទឹកដី ៦០០០ គីឡូម៉ែត្រការ៉េ វិញ ពី រុស្ស៊ី