ព័ត៌មានជាតិ
អាជ្ញាធរខេត្តពោធិ៍សាត់ ព្រមានផ្លូវច្បាប់ចំពោះមន្ត្រី និងពលរដ្ឋទាំងឡាយណាឃុបឃិតគ្នាលក់ដីរដ្ឋ
អាជ្ញាធរខេត្តពោធិ៍សាត់ ព្រមានផ្លូវច្បាប់ចំពោះមន្ត្រីខិលខូច និងប្រជាពលរដ្ឋទាំងឡាយណា ដែលបានឃុបឃិតគ្នាលក់ដីរដ្ឋ ដើម្បីផលប្រយោជន៍ផ្ទាល់ខ្លួន។ ការព្រមាននេះ បានធ្វើឡើងកាលពីថ្ងៃទី ១៧ កញ្ញា ក្នុងឱកាសផ្សព្វផ្សាយ និងបញ្ជ្រាបការយល់ដឹងដល់ប្រជាពលរដ្ឋ ទាក់ទងនឹងការកាត់ឆ្វៀលដី នៅតំបន់ឃុំអូរសោម ស្រុកវាលវែងនៅបរិវេណសាលាបឋមសិក្សាអូរសោម។
លោក ចេង ឡៃ អភិបាលរងខេត្ត តំណាងលោក ជាវ តាយ អភិបាលនៃគណៈអភិបាលខេត្តពោធិ៍សាត់បានមានប្រសាសន៍ថាទាក់ទងនឹងអនុក្រឹត្យរបស់រាជរដ្ឋាភិបាល លើការកាត់ឆ្វៀលដីចេញពីតំបន់ការពារធម្មជាតិ និងរបៀងអភិរក្សជីវចម្រុះ ក្នុងភូមិសាស្ត្រខេត្តពោធិ៍សាត់ គឺសម្រាប់តែប្រជាពលរដ្ឋ ដែលរស់នៅអាស្រ័យផលជាក់ស្តែងយូរឆ្នាំ និងទុកជាដីបម្រុងរបស់ខេត្ត ដោយបែងចែកជាតំបន់ប៉ៃតង លឿង និងក្រហម។ លោកអភិបាលរងខេត្ត បានថ្លែងអំណរគុណដល់ប្រជាពលរដ្ឋ ដែលមានការគាំទ្រច្រើនលើសលប់ រហូតទៅដល់ជាង ៩២ ភាគរយ ជុំវិញការបោះឆ្នោតកន្លងទៅ និងសូមឱ្យបន្តការគាំទ្របន្ថែមទៀត ដើម្បីទទួលបានសមិទ្ធផលថ្មីៗ ជាប្រយោជន៍ដល់ប្រជាពលរដ្ឋក្នុងមូលដ្ឋាន។
លោកអភិបាលរងខេត្តបានបន្តថា « វ៉ារីអគ្គិសនីអាចដំណើរការទៅបាន គឺដោយសារយើងមានធនធានធម្មជាតិ ជាច្រើន(ព្រៃឈើ) ទើបបង្កើតបានជាទឹក ដូច្នេះបើបងប្អូននៅតែកាប់រានទន្ទ្រានដីព្រៃ និងព្យាយាមលុបដីបាតអាងបន្តទៀត នឹងខាតបង់ប្រយោជន៍រួម និងផលប្រយោជន៍ជាតិយ៉ាងធំ ព្រោះយើងត្រូវការរក្សាទុកព្រៃសហគមខ្លះ ដើម្បីជាប្រយោជន៍សហគមរស់នៅ»។
យ៉ាងណាក៏ដោយលោក អភិបាលរងខេត្តបានព្រមានដកហូតផ្ទៃដីបាតអាង នឹងចាត់វិធានការចំពោះមន្ត្រីខិលខូច និងប្រជាពលរដ្ឋទាំងឡាយណា ដែលបានឃុបឃិតគ្នាលក់ដីរដ្ឋ។ ដោយលោកបានអះអាងថា នឹងយកដីទាំងនោះមករក្សាទុកជាប្រយោជន៍សហគមន៍ ព្រមទាំងផ្តល់លទ្ធភាពសម្រាប់ប្រជាពលរដ្ឋ ដែលរស់នៅអាស្រ័យផលជាក់ស្តែងយូរឆ្នាំ និងទុកជាដីបម្រុងរបស់ខេត្ត ដោយបែងចែកជាតំបន់ប៉ៃតង លឿង និងក្រហម។
លោកអភិបាលរងខេត្ត ក៏បានជំរុញឱ្យអាជ្ញាធរមានសមត្ថកិច្ច ត្រូវបន្តពង្រឹង និងអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព ដើម្បីជាភាពសុខសាន្តរបស់ប្រជាពលរដ្ឋ ជាក់ស្តែងដូចជាករណីឆក់ត្រី ការកាប់ទន្ទ្រានដីព្រៃដោយខុសច្បាប់ ការជួញដូរមនុស្ស ការជួញដូរគ្រឿងញៀន និងល្បែងស៊ីសងជាដើម ត្រូវបង្ក្រាបឱ្យខាងតែបាន។
ស្របពេលគ្នានោះ លោក អេង គន្ធា អគ្គនាយករងអគ្គិសនីកម្ពុជា ក៏បានឧបត្ថម្ភថវិកា ១ លានរៀលប្រចាំខែ និងឧបត្ថម្ភកាណូតស្មាច់ ៣ គ្រឿង ជូនដល់រដ្ឋបាលឃុំ ប៉ុស្តិ៍នគរបាលរដ្ឋបាល និងកម្លាំងបរិស្ថាន ដើម្បីធ្វើការឆ្លើយតបជួយសង្គ្រោះប្រជាពលរដ្ឋបានទាន់ពេលវេលា និងចាត់វិធានការបង្ក្រាបចំពោះបទល្មើសដែលកើតមាន នៅក្នុងមូលដ្ឋាន៕
អត្ថបទ៖ សំអឿន
ថ្នាក់ដឹកនាំក្រសួងការងារ សម្តែងការកោតសរសើរស្មារតីតស៊ូរបស់នាយទាហានកងពលតូចអន្តរាគមន៍លេខ៧ ដែលបានការពារបូរណភាពទឹកដីកម្ពុជា
ស្ពានខ្ពស់ជាងគេតម្លៃ $២៥ លាន ចាក់បេតុងតភ្ជាប់នៅថ្ងៃនេះ អ្នកដំណើរអាចឈប់ថតរូបនៅចំកណ្ដាលស្ពាន
ផ្ទុះរឿងអាស្រូវផ្លូវច្បាប់ផ្ទួនៗ បវរកញ្ញាវៀតណាម Thuy Tien ប្រឈមដកហូតមកុដដ៏អាម៉ាស់
អតីតលំដាប់រងទី១ MQC 2023 ជា ដេវីណា ប្រកាសវិលមកដណ្ដើមមកុដ MUC 2025
វៀតណាមគ្រោងទិញទំនិញអាមេរិកបន្ថែម និងសុំពន្យារពេលពន្ធ ៤៥ ថ្ងៃ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
សេចក្តីជូនដំណឹង ស្តីពី ការងារសាងសង់ផ្លូវភូមិប្រភេទបេតុងអាម៉េ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា