ព័ត៌មានជាតិ

Update៖ មនុស្ស ១៩ នាក់នៅបន្ដបាត់ខ្លួន ខណៈស្លាប់ម្នាក់ ក្នុងករណីលិចទូក នៅខេត្តព្រះសីហនុ

បានផុស

២ years មុន

នៅ

ថ្ងៃសៅរ៍ ២៤ កញ្ញា ២០២២

ដោយ

គិតមកដល់ពេលនេះ ករណីលិចទូកនៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ បានជួយសង្គ្រោះមនុស្ស ២២ នាក់ហើយ ខណៈស្លាប់ម្នាក់ និងបាត់ខ្លួន ១៩ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ២៣ ខែកញ្ញា ឆ្នាំ ២០២២ ឯកឧត្តម គួច ចំរើន អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តព្រះសីហនុ បានដឹកនាំបញ្ជាផ្ទាល់ក្នុងប្រតិបត្តិការស្វែងរកជនរងគ្រោះ ដោយសារលិចទូក នៅចំណុចនិយាមកា ១០.២៥N ១០៣.១៦E នៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ ចំនួនសរុប ៤១ នាក់ ជាលទ្ធផលត្រូវបានជួយសង្គ្រោះ សរុប ២២ នាក់ (ស្លាប់០១នាក់) និងបាត់ខ្លួន ១៩ នាក់ ដោយសមត្ថកិច្ច និងក្រុមជួយសង្គ្រោះកំពុងស្វែងរកអ្នកបាត់ខ្លួនបន្តទៀត គិតត្រឹមម៉ោង ១៩ យប់ ថ្ងៃទី ២៣ ខែកញ្ញា ឆ្នាំ ២០២២ តុល្យការចុងក្រោយ។

ក្នុងនោះឯកឧត្តមអភិបាលខេត្ត បានដាក់ចេញនូវបទបញ្ជាដល់អាជ្ញាធរក្រុងស្រុក និងកងកម្លាំងដែលមានការពាក់ព័ន្ធទាំងអស់ឱ្យចេញប្រតិបត្តិតាមស្វែងរកជនរងគ្រោះកំពុងបាត់ខ្លួន និងបានប្រកាសផ្តល់ជូនថវិកាដល់ក្រុមជួយសង្គ្រោះ ឬទូកនេសាទ ក្នុងករណីសង្គ្រោះបានជនរងគ្រោះចំនួន ០១ នាក់ នឹងផ្តល់ជូនថវិកាលើកទឹកចិត្តចំនួន ២ លានរៀល៕