ក្រុមបាតុករចេញមកគាំទ្ររដ្ឋាភិបាល អ៊ីរ៉ង់ វិញពាក់ព័ន្ធការស្លាប់នារីវ័យក្មេង

ក្រុមអ្នកតវ៉ាប្រឆាំងអ៊ីរ៉ង់បានប្រមូលផ្តុំគ្នានៅទូទាំងប្រទេសក្នុងការបង្ហាញការគាំទ្រដល់អាជ្ញាធរ បន្ទាប់ពីផ្ទុះការតវ៉ាប្រឆាំងរដ្ឋាភិបាល និងភាពចលាចលជិត ១ សប្តាហ៍ជុំវិញការស្លាប់របស់នារីវ័យក្មេងម្នាក់ដែលត្រូវបានចាប់ខ្លួនដោយប៉ូលិសសីលធម៌ ។

មនុស្សពីរបីពាន់នាក់បានចូលរួមការប្រមូលផ្ដុំមួយកាលពីថ្ងៃសុក្រក្នុងរដ្ឋធានីតេហេរ៉ង់ជាកន្លែងដែលក្រុមអ្នកគាំទ្របានគ្រវីទង់ជាតិអ៊ីរ៉ង់ ខណៈបាតុកម្មស្រដៀងគ្នានេះក៏ត្រូវបានធ្វើឡើងនៅក្នុងទីក្រុងផ្សេងទៀតផងដែរ ។

យោងតាមប្រព័ន្ធផ្សព្វផ្សាយរដ្ឋបានឲ្យដឹងថា បាតុករគាំទ្ររដ្ឋាភិបាលបានស្រែកប្រឆាំងអាមេរិក និងអ៊ីស្រាអែល ខណៈរដ្ឋាភិបាល​បាន​អះអាង​ថា ការ​ធ្វើ​បាតុកម្ម​នេះ​គឺ​ធ្វើ​ឡើង​ដោយ​ឯកឯង ។

ក្រុមបាតុករប្រឆាំងរដ្ឋាភិបាល និងកងកម្លាំងសន្តិសុខបានប៉ះទង្គិចគ្នានៅក្នុងទីក្រុងធំៗជាច្រើនក្នុងភាពចលាចលនយោបាយធ្ងន់ធ្ងរបំផុត ចាប់តាំងពីឆ្នាំ ២០១៩ នៅពេលដែលក្រុមសិទ្ធិមនុស្សនិយាយថា មនុស្សរាប់រយនាក់ត្រូវបានសម្លាប់ ចំពេលមានបាតុកម្មប្រឆាំងនឹងការដំឡើងថ្លៃប្រេងសាំងដែលគ្រប់គ្រងដោយរដ្ឋ ។

គួរបញ្ជាក់ថា បាតុករ និងប៉ូលិសចំនួន ២៦ នាក់ត្រូវបានសម្លាប់ ចាប់តាំងពីការតវ៉ាបានផ្ទុះឡើងកាលពីថ្ងៃសៅរ៍សប្ដាហ៍មុន បន្ទាប់ពីពិធីបុណ្យសពរបស់នាង Mahsa Amini អាយុ ២២ ឆ្នាំបានស្លាប់ ក្រោយការចាប់ខ្លួនរបស់ប៉ូលិស ៕

ប្រែសម្រួលដោយ ៖ ជីវ័ន្ត

ប្រភព ៖ TRT World

ចុចអាន ៖ ចិន ថា អាមេរិក បញ្ជូនសញ្ញា “ខុស និងគ្រោះថ្នាក់ខ្លាំង” អំពី តៃវ៉ាន់