ការប្រឡងសិល្បៈ ៣ ទម្រង់ មាននៅក្នុង មហោស្រពសិល្បៈមហាជនខេត្តកណ្តាល ឆ្នាំ២០២២

មន្ទីរវប្បធម៌ និងវិចិត្រសិល្បៈខេត្តកណ្តាល នៅថ្ងៃទី២៧ ខែកញ្ញានេះ បានជូនដំណឹងដល់សិល្បករ សិល្បការិនី និងសាធារណជនទូទៅបានជ្រាបថា មន្ទីរវប្បធម៌ និងវិចិត្រសិល្បៈខេត្តកណ្តាល នឹងប្រារព្ធ មហោស្រពសិល្បៈមហាជនខេត្តកណ្តាល លើកទី៤ ឆ្នាំ២០២២ លើវិញ្ញាសាប្រឡង ៣ ទម្រង់។

វិញ្ញាសាទាំង ៣ នោះ មានដូចជា ចម្រៀនប្រពៃណី ចម្រៀងសម័យ (ទសវត្សរ៍ទី៥០ ដល់ ៦០), របាំ និងល្ខោនបាសាក់។ មហោស្រពនឹងប្រព្រឹត្តទៅ នៅថ្ងៃទី១៨-១៩ ខែតុលា ឆ្នាំ២០២២ នៅបរិវេណមន្ទីរវប្បធម៌និងវិចិត្រសិល្បៈខេត្តកណ្តាល។

លក្ខខណ្ឌចូលរួម​ គឺ បេក្ខជន បេក្ខនារី មានសញ្ញជាតិខ្មែរ, មានអាយុយ៉ាងតិច ១៨ឆ្នាំ, មានលំនោនៅខេត្តកណ្ដាល និងពុំមានជាបេក្ខជនជ័យលាភីលេខ១ នៃមហោស្រពសិល្បៈមហាជនលើកមុនៗ។

ទទួលពាក្យរៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ រហូតដល់ថ្ងៃទី១៤ ខែតុលា ឆ្នាំ២០២២ វេលាម៉ោង ៥:០០ នាទីល្ងាចជាកំហិត នៅការិយាល័យសិល្បៈទស្សនីយភាព នៃមន្ទីរវប្បធម៌ និងវិចិត្រសិល្បៈខេត្តកណ្តាល ស្ថិតនៅផ្លូវលេខ ១០៧ ភូមិតាខ្មៅ២ សង្កាត់តាខ្មៅ ក្រុងតាខ្មៅ ។

ព័ត៌មានបន្ថែម អាចទាក់ទង​៖

-លោក ស៊ឹម ទូច ៖ 012 857 917, លោកស្រី កែវ សុកាន្ត ៖ 012 775 998, លោកស្រី ឯម សុជាតា ៖ 098 778 946, លោកស្រី រឺ អារុណវុទ្ធី ៖ 015 848 949 ។