ព័ត៌មានអន្ដរជាតិ

លោក ពូទីន ថា កំហុសក្នុងការប្រកាសកែនទ័ពគួរតែកែតម្រូវ

បានផុស

២ years មុន

នៅ

ថ្ងៃសុក្រ ៣០ កញ្ញា ២០២២

ដោយ

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយថា កំហុសទាំងអស់ដែលបានធ្វើឡើង ក្នុងអំឡុងពេលនៃការប្រកាសកែនទ័ពបម្រុងមួយផ្នែកក្នុងប្រទេសសម្រាប់ប្រតិបត្តិការយោធានៅអ៊ុយក្រែន គួរតែត្រូវបានកែតម្រូវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បានធ្វើអត្ថាធិប្បាយនៅក្នុងកិច្ចប្រជុំក្រុមប្រឹក្សាសន្តិសុខរបស់រុស្ស៊ីកាលពីថ្ងៃព្រហស្បតិ៍ថា កាលពីសប្ដាហ៍មុន មនុស្សចាស់ និងអ្នកដែលមានអាយុចូលបម្រើការងារត្រូវបានកែនមកបំពេញកាតព្ចកិច្ចជាយោធា ។

លោកបន្តថា រាល់កំហុសត្រូវតែកែតម្រូវ ហើយអ្នកដែលត្រូវបានកែនដោយគ្មានហេតុផលសមរម្យគួរតែត្រូវបានត្រឡប់ទៅផ្ទះវិញ ។ លោកសង្កត់ធ្ងន់ថា អាជ្ញាធរនឹងចាត់វិធានការឲ្យបានឆាប់រហ័សដើម្បីដោះស្រាយស្ថានការណ៍នេះ ។

ជាក់ស្តែងលោក ពូទីន សង្ឃឹមថានឹងបញ្ចៀសភាពចលាចលបន្ថែមទៀត បន្ទាប់ពីការតវ៉ាប្រឆាំងនឹងការកែនទ័ពមួយផ្នែកនៅតែបន្តនៅទូទាំងប្រទេស ខណៈជនជាតិរុស្សីរាប់ពាន់នាក់បាននិងកំពុងភៀសខ្លួនទៅកាន់ប្រទេសជិតខាង ដើម្បីគេចពីសេចក្តីព្រាងច្បាប់នេះ ។

គួរបញ្ជាក់ថា ពលរដ្ឋរុស្ស៊ីបានសម្រុកចេញពីប្រទេស បន្ទាប់ពីប្រធានាធិបតីលោក វ្ល៉ាឌីមៀរ ពូទីន កាលពីថ្ងៃពុធសប្ដាហ៍មុនបានប្រកាសពីការកែនទ័ពមួយផ្នែកនៅក្នុងប្រទេស ដែលនឹងប៉ះពាល់ដល់មនុស្សប្រហែល ៣០ ម៉ឺននាក់ដែលមានអាយុចន្លោះពី ១៨ ទៅ ៥០ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ RT ផ្សាយថា អាមេរិក និងអឺរ៉ុប កំពុងអស់អាវុធឲ្យ អ៊ុយក្រែន ហើយ