ជីវិតកម្សាន្ដ

លែងលះជាង ៤ ឆ្នាំ Song Hye Kyo ទើបទម្លាយរូបថតស្រទន់មួយសន្លឹក ទាក់ភ្នែកអ្នកលេងអ៊ីនធឺណិត

បានផុស

២ years មុន

នៅ

ថ្ងៃចន្ទ ៣ តុលា ២០២២

ដោយ

ប្រព័ន្ធផ្សព្វផ្សាយកូរ៉េដ៏ល្បីល្បាញមួយ សរសេរចំណងជើងធំៗថា “Song Hye Kyo បានចំណាយពេលណាត់ជួបដ៏រីករាយ ជាមួយមិត្តភ័ក្តិរបស់នាង” ក្រោយលែងលះជាង៤ឆ្នាំ អ្នកគាំទ្រកម្រឃើញនាងបង្ហាញរូបភាពទន់ភ្លន់ណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីរូបនេះបានបង្ហោះរូបថតថ្មីមួយនៅលើបណ្ដាញសង្គម Instagram Story របស់នាង កាលពីថ្ងៃទី ០២ ខែតុលា ជាមួយនឹងខេបសិនយ៉ាងខ្លីថា “A happy meal” ខណៈរូបដែល Song Hye Kyo បានបង្ហាញគឺជារូបភាពដែលនាងញញឹមបន្តិច នៅពេលសម្លឹងត្រង់ទៅកាន់កាមេរ៉ា។ នាងហាក់ដូចជាកំពុងរីករាយនឹងការណាត់ជួបអាហារថ្ងៃត្រង់ ជាមួយអ្នកស្គាល់គ្នាជិតស្និទ្ធផងដែរ។

តារាស្រីរូបនេះ បញ្ចេញក្បាច់ថតរូបយ៉ាងសាមញ្ញនៅពេលស្លៀកអាវយឺតដៃខ្លី បូកផ្សំនឹងទម្រង់មុខដ៏គួរឲ្យស្រលាញ់របស់នាង បានទាក់ភ្នែកអ្នកលេងអ៊ីនធឺណិតយ៉ាងខ្លាំងនាពេលនោះ។

យ៉ាងណាមិញ Song Hye Kyo ថ្មីៗនេះ ក៏បានបញ្ជាក់ពីការបង្ហាញខ្លួនរបស់នាង នៅក្នុងស៊េរី Netflix “The Glory” ដែលនាងនឹងដើរតួជា Moon Dong Eun ដែលជាគ្រូបង្រៀននៅសាលាបឋមសិក្សាឯកជនមួយ ដែលបានសុបិនចង់ក្លាយជាស្ថាបត្យករ។ ប៉ុន្តែនាងបានឈប់រៀន ព្រោះនាងមិនអាចទ្រាំទ្រនឹងអំពើហិង្សា នៅសាលាបានទៀតទេ៕

ប្រែសម្រួល៖ សាង ស្រីល័ក្ខ

ចុចអាន៖ធ្លាយដំណឹងថា សមាជិកក្រុម BLACKPINK នឹងចូលរួមសម្ដែងក្នុងខ្សែភាពយន្ត Marvel

ចុចអាន៖Song Joong Ki ឈ្នះពានសម្ដែងល្អបំផុតក្នុងកម្មវិធី APAN STAR AWARDS ឆ្នាំ ២០២២