ព័ត៌មានជាតិ

រាជរដ្ឋាភិបាលឧបត្ថមថវិកាគាំ ពារសុខភាពដល់យោធិនធ្វើលំហែមាតុភាពជិត២០នាក់ក្នុងខេត្តបាត់ដំបង

បានផុស

៤ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

នៅក្នុងឱកាសប្រគល់ថវិការឧបត្ថម្ភ នៅទីបញ្ជាការយោធភូមិភាគទី៥ នៅថ្ងៃទី៣០ ខែធ្នូ ឆ្នាំ២០២០នេះលោកជំទាវ ទឹម ដានិតឯកសំអូន ប្រធានកិត្តិយសយោធិននារី យោធភូមិភាគទី៥បានលើកឡើងថា ថវិការឧបត្ថម្ភដល់យោធិននារីចូលលំហែមាតុភាពទាំងអស់ខាងលើនេះ គឺជាផ្នែកមួយនៃកញ្ចប់ថវិកាគោលនយោបាយរបស់រាជរដ្ឋាភិបាលដើម្បីចូលរួមសម្រួលការលំបាកមួយចំណែកជាមួយយោធិននារីនៅក្នុងអំឡុងពេលសម្រាកធ្វើលំហែមាតុភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវបន្តថា ការចូលរួមនេះដែរក៏បានបញ្ជាក់ពីការយកចិត្តទុកដាក់និងគិតគូរសុខទុក្ខរបស់យោធិននៃកងយោធពលខេមរភូមិន្ទ នៅក្នុងអាណត្តិដឹកនាំរបស់ប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយករដ្ឋមន្ត្រីស្របច្បាប់ដែលកើតចេញពីឆន្ទៈពលរដ្ឋ។

លោកជំទាវបន្តថា ទឹកប្រាក់ឧបត្ថម្ភដែលបានផ្តល់ជូនយោធិននារីសរុបចំនួន១៨នាក់ក្នុងម្នាក់ៗទទួលបានថវិកាចំនួន៨០០.០០០រៀល បើទោះបីចំនួននេះមិនច្រើននិងគ្រប់គ្រាន់តាមភាពចាំបាច់ជាក់ស្តែង ប៉ុន្តែវាជាការចូលរួមនិងលើកទឹកចិត្ត ចំពោះគុណបំណាច់ដែលគ្រប់យោធិនបានខិតខំប្រឹងប្រែងបំរើការងារមិនគិតពីការនឿយហត់កាលពីកន្លងមក។

ក្នុងឱកាសនោះដែរ លោកជំទាវក៏បាននាំនូវការផ្តាំផ្ញើសាកសួរសុខទុក្ខពីសំណាក់ឧត្តមសេនីយ៍ឯកឯក.សំអូន មេបញ្ជាការយោធភូមិភាគទី៥ ចំពោះយោធិននារីទាំងអស់ស្របជាមួយការអបអរសាទរចំពោះយោធិនទាំងអស់ទទួលបានសមាជិកថ្មីបន្ថែមម្នាក់ទៀតនៅក្នុងក្រុមគ្រួសារយោធិននិមួយៗសូមឲ្យមាតានិងទារកមានសុខភាពល្អ៕

អត្ថបទ ៖ សៅ សារិទ្ធ