ព័ត៌មានអន្ដរជាតិ

ឥណ្ឌូណេស៊ី បញ្ជាក់ថា លោក Putin និងលោក Zelensky នឹងចូលរួមកិច្ចប្រជុំ G20

បានផុស

២ years មុន

នៅ

ថ្ងៃសៅរ៍ ៨ តុលា ២០២២

ដោយ

ប្រធានាធិបតីរុស្ស៊ី លោក Vladimir Putin និងសមភាគីអ៊ុយក្រែន លោក Vladimir Zelensky នឹងធ្វើដំណើរទៅកោះបាលីក្នុងខែវិច្ឆិកាខាងមុខ សម្រាប់កិច្ចប្រជុំកំពូល G20។ នេះបើតាមការបញ្ជាក់ពីអ្នកការទូតឥណ្ឌូណេស៊ី ប្រាប់កាសែត The National របស់អារ៉ាប់រួម។

ប្រសិនបើជាការពិតមែននោះ កិច្ចប្រជុំកំពូលនេះ នឹងក្លាយជាព្រឹត្តិការណ៍ដំបូង ដែលមេដឹកនាំទាំងពីរចូលរួម ចាប់តាំងពីប្រតិបត្តិការយោធារបស់រុស្ស៊ីនៅអ៊ុយក្រែន ចាប់ផ្តើម។

លោក Husain Bagis ឯកអគ្គរដ្ឋទូតឥណ្ឌូណេស៊ី ប្រចាំប្រទេសអារ៉ាប់រួមបានប្រាប់កាសែត The National កាលពីថ្ងៃសុក្រទី០៧ខែតុលាថា “មេដឹកនាំទាំងពីរ បានយល់ព្រមចូលរួម”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទទួលស្គាល់ថា “ស្ថានការណ៍មិនងាយស្រួលទេ ដោយសារតែសង្គ្រាមអ៊ុយក្រែន-រុស្ស៊ី។ រដ្ឋាភិបាលរបស់លោក បានរៀបចំផែនការរួចហើយ ក្នុងការគ្រប់គ្រងការមកដល់របស់មេដឹកនាំទាំងពីរ។ យើងកំពុងសម្រេចចិត្តថានឹងដាក់សណ្ឋាគារមួយណាសម្រាប់លោក Putin និងមួយណាសម្រាប់លោក Zelensky”។

លោក Bagis បានប្រាប់ The National ថា ប្រទេសឥណ្ឌូណេស៊ី មានគោលបំណង ធ្វើឲ្យកិច្ចប្រជុំកំពូល G20 ក្លាយជាវេទិកាសម្រាប់សន្តិភាព មិនមែនជម្លោះទេ។

លោក Vladimir Putin (ឆ្វេង) និងលោក Vladimir Zelensky

មុននេះ ប្រធានាធិបតីអាមេរិកលោក Joe Biden និងមេដឹកនាំលោកខាងលិចមួយចំនួនទៀត បានជំរុញឲ្យប្រធានាធិបតីឥណ្ឌូណេស៊ីលោក Joko Widodo កុំអញ្ជើញលោក Putin ទៅកាន់កិច្ចប្រជុំកំពូលនៅកោះបាលី។

ទោះបីជាយ៉ាងណាក៏ដោយ លោក Widodo បានប្រឆាំងនឹងយុទ្ធនាការដាក់សម្ពាធ ហើយបានអញ្ជើញមេដឹកនាំរុស្ស៊ីតាមការគ្រោងទុក៕

ប្រែសម្រួល៖ Vann Vann

ប្រភព៖ RT

ចុចអាន៖ ឥណ្ឌូណេស៊ី បង្កើនសន្តិសុខសម្រាប់កិច្ចប្រជុំកំពូល G20