ព័ត៌មានជាតិ
ខេត្តបាត់ដំបង កំពុងចុះស្រាវជ្រាវអ្នកជាប់ពាក់ព័ន្ធជាមួយស្ត្រីខ្មែរ២នាក់ ឆ្លងកូវីដ១៩មកពីថៃ
ប្រធានមន្ទីរសុខាភិបាលខេត្តបាត់ដំបង បានឲ្យដឹងថា ថ្ងៃនេះក្រុមការងារឆ្លើយតបបន្ទាន់នៃមន្ទីរសុខាភិបាលខេត្តបាត់ដំបង បាននិងកំពុងចុះស្រាវជ្រាវរកអ្នក ដែលបានប៉ះពាល់ផ្ទាល់និងប្រយោលជាមួយស្ត្រីខ្មែរ២នាក់ឆ្លងកូវីដ១៩ ដែលទើបមកពីប្រទេសថៃ។
លោកឱសថ បណ្ឌិត វឿង ប៊ុន រេត ប្រធានមន្ទីរសុខាភិបាលខេត្តបាត់ដំបង មានប្រសាសន៍នៅព្រឹកថ្ងៃទី៣១ធ្នូនេះថា«ថ្ងៃនេះនិងថ្ងៃជាបន្តបន្ទាប់ក្រុមការងារឆ្លើយតបបន្ទាន់ខេត្តបាននិងកំពុងចុះតាមដានស្រាវជ្រាវរកអ្នក ដែលបានប៉ះពាល់ផ្ទាល់និងប្រយោលជាមួយស្ត្រីខ្មែរ២នាក់ ឆ្លងកូវីដ១៩ ដែលទើបមកពីប្រទេសថៃ ដើម្បីទប់ស្កាត់ជំងឺនេះ កុំឲ្យឆ្លងរីករាលដាលជាបន្តទៀត»។
លោកបានបន្តថា ស្ត្រីដែលឆ្លងកូវីដ១៩ចំនួន២នាក់នោះ ទី១មានអាយុ ៣៦ឆ្នាំ រស់នៅភូមិអូរដា ឃុំបឹងរាំង ស្រុកកំរៀង ខេត្តបាត់ដំបង ធ្វើការនៅកាស៊ីណូខេត្តច័ន្ទបុរីប្រទេសថៃ មកកម្ពុជាតាមច្រករបៀងចាន់គីរីថ្ងៃទី២៨ ខែធ្នូ ឆ្នាំ២០២០ មិនមានចេញរោគសញ្ញា ត្រូវបានដាក់ឲ្យធ្វើចត្តាឡីស័ក នៅវិទ្យាល័យកំរៀង ស្រុកកំរៀង ខេត្តបាត់ដំបង និងបានយកសំណាកថ្ងៃទី២៩ធ្នូឆ្នាំ២០២០ និងដឹងលទ្ធផលវិជ្ជមានកូវីដ១៩ ថ្ងៃទី៣០ ខែធ្នូ ឆ្នាំ២០២០។ លោកបានបន្តថា អ្នកសម្រាកនៅក្នុងបន្ទប់ ២នាក់ជាមួយស្ត្រីនោះ ត្រូវតាមដានយ៉ាងហ្មត់ចត់ ដោយបានយកសំណាកម្ដងទៀតនៅ៤៨ម៉ោងក្រោយ។
ចំណែកស្ត្រីខ្មែរម្នាក់ទៀត មានអាយុ៣៣ឆ្នាំ នៅផ្សារព្រំឃុំស្ទឹងកាច់ ស្រុកសាលាក្រៅ ខេត្តប៉ៃលិន ជាអ្នកលក់ខោអាវនៅខេត្តច័ន្ទបុរីប្រទេសថៃ មកតាមច្រកអូរដានៅថ្ងៃទី២៩ ខែធ្នូ ឆ្នាំ២០២០ ត្រូវបានដាក់ឲ្យធ្វើចត្តាឡីស័ក នៅវិទ្យាល័យពេជ្រចិន្តា ស្រុកភ្នំព្រឹក ខេត្តបាត់ដំបង មិនមានចេញរោគសញ្ញាបានយកសំណាកនៅថ្ងៃទី២៩ ខែធ្នូ ឆ្នាំ២០២០។ លោកបានបន្ថែមថា អ្នកសម្រាកនៅបន្ទប់៦នាក់ជាមួយស្ត្រីនោះ ត្រូវបានតាមដានយ៉ាងយកចិត្តទុកដាក់ នឹងត្រូវយកសំណាកម្ដងទៀតនៅថ្ងៃទី១ ខែមករា ឆ្នាំ២០២១។ លោកបានបន្តទៀតថា រយៈពេល១០ថ្ងៃនេះ មានពលករមកពីថៃសរុបចំនួន ១២៦៦នាក់ ស្រី៥៣៧នាក់ ក្នុងនោះចូលតាមច្រកខេត្តបាត់ដំបងចំនួន៧៣១នាក់ ស្រី៣០៧នាក់ យកសំណាក់សរុប១០២០នាក់ ស្រី៤១៦នាក់ ក្នុងខេត្តចំនួន៦៤១ នាក់ស្រី២៥៦នាក់ ក្នុងនោះមាន២នាក់ មានឆ្លងជំងឺកូវីដ១៩កំពុងសម្រាកព្យាបាលនៅមន្ទីរពេទ្យបង្អែក ខេត្តបាត់ដំបង។
គួរបញ្ជាក់ថា គិតត្រឹមម៉ោង៧ព្រឹកថ្ងៃទី៣១ ខែធ្នូ ឆ្នាំ២០២០នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន៣៦៦នាក់ ក្នុងនោះព្យាបាលជាសះស្បើយសរុបចំនួន ៣៦១នាក់ និងអ្នកជំងឺ៥នាក់ កំពុងទទួលការព្យាបាលនៅមន្ទីរពេទ្យ៕
អត្ថបទ៖ សំអឿន
សូមចុចអាន៖ ក្តៅៗព័ត៌មានពីព្រំដែន ពលករខ្មែរមកពីថៃពីរនាក់ ឆ្លងកូវីដ ១៩
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ជីវិតកម្សាន្ដ១៨ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា