ព័ត៌មានជាតិ
ការអង្កេតកសិកម្មមានសារប្រយោជន៍ណាស់សម្រាប់រៀបចំគោលនយោបាយអភិវឌ្ឍន៍វិស័យកសិកម្ម និងសេដ្ឋកិច្ចនៅកម្ពុជា ឲ្យកាន់តែប្រសើរ
លោកទេសរដ្ឋមន្ត្រី កិត្តិសេដ្ឋាបណ្ឌិត ឆាយ ថន រដ្ឋមន្ត្រីក្រសួងផែនការ បានមានប្រសាសន៍ថា ការអង្កេតកសិកម្មកម្ពុជា ឆ្នាំ ២០២៣ ខាងមុខនេះ ពិតជាមានសារប្រយោជន៍សំខាន់ណាស់ ដើម្បីធ្វើជាមូលដ្ឋានគ្រឹះ នៃធាតុចូលសម្រាប់រៀបចំគោលនយោបាយអភិវឌ្ឍន៍វិស័យកសិកម្ម និងគោលនយោបាយអភិវឌ្ឍន៍សេដ្ឋកិច្ចបរិស្ថាន និងសង្គមនៅកម្ពុជា ឲ្យកាន់តែប្រសើរ។
ថ្លែងក្នុងកម្មវិធីបណ្ដុះបណ្ដាលគ្រូបង្គោលសម្រាប់ការអង្កេតកសិកម្មកម្ពុជានៅព្រឹកថ្ងៃទី ១០ តុលានេះ លោកទេសរដ្ឋមន្ត្រីបានបន្តថា កាអង្កេតកសិកម្មជាតម្រូវការចាំបាច់មិនអាចខ្វះបាន ដើម្បីធ្វើបច្ចុប្បន្នភាពទិន្នន័យកសិកម្មជាស៊េរី ឆ្លុះបញ្ចាំងអំពីទិន្នន័យព័ត៌មានផ្នែកបច្ចេកទេសកសិកម្មបរិស្ថានសេដ្ឋកិច្ច និងសង្គម កម្លាំងពលកម្មក្នុងវិស័យកសិកម្មព័ត៌មានសន្តិសុខស្បៀង នៃគ្រួសារកសិកម្មប្រភេទលក្ខណៈ នៃរចនាសម្ព័ន្ធកសិកម្ម ក្នុងគោលបំណងធ្វើបច្ចុប្បន្នភាពទិន្នន័យស្ថិតិកសិកម្មប្រចាំឆ្នាំសម្រាប់ឆ្លើយតបតម្រូវការទិន្នន័យចាំបាច់ដែលកើនឡើងជាលំដាប់របស់អ្នកប្រើប្រាស់ពីបណ្ដាក្រសួងស្ថាប័ន នៃរាជរដ្ឋាភិបាលកម្ពុជា សហគមន៍ជាតិ និងអន្តរជាតិ ដើម្បីធ្វើជាមូលដ្ឋានគ្រឹះ នៃធាតុចូលសម្រាប់រៀបចំគោលនយោបាយអភិវឌ្ឍន៍វិស័យកសិកម្ម និងគោលនយោបាយអភិវឌ្ឍន៍សេដ្ឋកិច្ចបរិស្ថាន និងសង្គមឲ្យកាន់តែប្រសើរ។
លោកទេសរដ្ឋមន្ត្រីបានបន្តថា ការអង្កេតកសិកម្មកម្ពុជាធ្វើឡើងតាមរយៈការប្រើប្រាស់ការអង្កេតតាមម៉ាស៊ីនកុំព្យូទ័រខ្នាតតូច ឬហៅថាម៉ាស៊ីន ថេបប្លែក ហើយសង្ឃឹមយ៉ាងមុតមាំថា គ្រូបង្គោលទាំងអស់ដែលបានទទួលការបណ្ដុះបណ្ដាលវគ្គនេះ នឹងយកចិត្តទុកដាក់ខ្ពស់ក្នុងការសិក្សា ដើម្បីអាចបង្ហាត់បង្រៀនបន្តក្នុងការផ្ទេរចំណេះដឹងចំណេះធ្វើ និងបទពិសោធន៍ឲ្យដល់មន្ត្រីសម្ភាសន៍នៅទូទាំង ២៥ រាជធានី-ខេត្ត សម្រាប់ចុះអនុវត្តជាក់ស្ដែងលើការងារសម្ភាសន៍ស្រង់ទិន្នន័យកសិកម្មនៅកម្ពុជាឲ្យមានប្រសិទ្ធភាព និងគុណភាពទិន្នន័យកាន់តែល្អប្រសើរឡើង។
រាជរដ្ឋាភិបាលកម្ពុជា នឹងកំណត់យកថ្ងៃទី ១ ខែមេសា ឆ្នាំ ២០២៣ ខាងមុខនេះ ជាកាលបរិច្ឆេទ ការរៀបចំ និងការប្រព្រឹត្តទៅ នៃជំរឿនកសិកម្មនៅព្រះរាជាណាចក្រកម្ពុជា។
ការធ្វើជំរឿនកសិកម្មនេះ ក្នុងគោលបំណងដើម្បីទទួលបាននូវព័ត៌មានគ្រប់ផ្នែកក្នុងវិស័យកសិកម្មនិងធ្វើជាទិន្នន័យមូលដ្ឋានសម្រាប់អ្នកប្រើប្រាស់ និងអ្នករៀបចំគោលនយោបាយ យុទ្ធសាស្ត្រ ផែនការសកម្មភាព និងគម្រោងនានា សំដៅពង្រឹង និងធ្វើឲ្យប្រសើរឡើងនូវប្រព័ន្ធស្ថិតិកសិកម្មដើម្បីជំរុញកិច្ចអភិវឌ្ឍន៍វិស័យសេដ្ឋកិច្ច និងសង្គមកិច្ច៕
អត្ថបទ ៖ សំអឿន
អាជ្ញាធរសុខាភិបាលអាមេរិកកំពុងតាមដានករណីសង្ស័យឆ្លងជំងឺផ្តាសាយបក្សីពីមនុស្សទៅមនុស្ស
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
សម្ដេចតេជោ សាទរលោក Shigeru Ishiba ដែលជាប់ឆ្នោតជាប្រធានបក្សប្រជាធិបតេយ្យសេរីរបស់ជប៉ុន
ស.ស.យ.ក ខេត្តសៀមរាប រៀបចំកម្មវិធីវេចនំអន្សមមហាគ្រួសារខ្មែរលើទឹកដីអង្គរ
ពលរដ្ឋត្រៀមខ្លួនជាស្រេច ដើម្បីជិះរថយន្តក្រុងឥតគិតថ្លៃរបស់រាជរដ្ឋាភិបាលក្នុងឱកាសបុណ្យភ្ជុំបិណ្ឌ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ