វប្បធម៌ ជំនឿ

ត្រី ៦ ប្រភេទ គេមានជំនឿខ្លាំងថា ជួយនាំហិរញ្ញវត្ថុ និងឆាប់រកឃើញស្នេហាពិត

បានផុស

៣ years មុន

នៅ

ថ្ងៃចន្ទ ១០ តុលា ២០២២

ដោយ

ការរៀបចំផ្ទះតាមគោលការណ៍ហុងស៊ុយ នឹងជួយលើកកំពស់ទិដ្ឋភាពផ្សេងៗ ហើយក្នុងនោះក៏គេមានជំនឿខ្លាំងក្លាលើការចិញ្ចឹមត្រី ដែលជួយបង្កើនភាពរុងរឿងដល់ផ្ទះផងដែរ។

ត្រីគឺជាសត្វមួយប្រភេទ ដែលមនុស្សភាគច្រើន ចូលចិត្តនាំយកទៅក្នុងផ្ទះ។ ព្រោះក្រៅពីស្អាត វាក៏ជួយផ្នែកហិរញ្ញវត្ថុ ការងារ ស្នេហាផងដែរ។ ខាងក្រោមនេះ ជាជាប្រភេទត្រីដែលជនជាតិចិនមានជំនឿយ៉ាងមុតមាំថា ជួយផ្នែកហុងស៊ុយខ្លាំងក្លា។

១ ត្រីនាគ (បន្ថែមផ្នែកការងារឲ្យកាន់តែរីកចម្រើន)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមជំនឿរបស់ជនជាតិចិន ការចិញ្ចឹមត្រីនាគនឹងលើកកម្ពស់ការងារនិងសេចក្ដីថ្លៃថ្នូរកាន់តែរីកចម្រើន។ ដូច្នេះ មនុស្សនិយមចិញ្ចឹមពពួកត្រីទាំងនេះ ដើម្បីលើកកម្ពស់ការរីកចម្រើនរបស់ពួកគេនិ ងកាន់តែមានស្ថិរភាពក្នុងការងារ។

២ ត្រី Swan (បន្ថែមសំណាងល្អ)

ត្រី Swan គឺជាត្រីដ៏ស្រស់ស្អាត ដែលងាយស្រួលចិញ្ចឹម។ គេនិយមចិញ្ចឹមដើម្បីផ្ដល់លាភសំណាង ហើយគេជឿថាការចិញ្ចឹមត្រីប្រភេទនេះ នឹងជួយបង្កើននូវលាភសំណាង។ លើសពិនេះ ជីវិតនឹងមិនងាយធ្លាក់ចុះ តែងតែមានមនុស្សគាំទ្រមុខក្រោយជានិច្ច។

៣ ត្រីប្រាក់ ត្រីមាស (អាហារបំប៉នហិរញ្ញវត្ថុ)

ត្រីប្រាក់ ត្រីមាស ត្រូវបានគេនិយមយកមកចិញ្ចឹម ដើម្បីបំពេញបន្ថែមនូវបញ្ហាហិរញ្ញវត្ថុ។ គេជឿថា វាប្រៀបដូចជាមានទ្រព្យសម្បត្តិនៅក្នុងផ្ទះ លុយនឹងហូរ ហើយនឹងជួយលើកស្ទួយអាជីវកម្ម ការរកស៊ីតូចតាចណាក្ដី ឲ្យកាន់តែរីកចម្រើនទៅមុខលើសមុន។

៤ ត្រីគល់រាំង (បង្កើនទ្រព្យសម្បត្តិ)

ត្រីគល់រាំង ប្រជាជនចិនហៅវាថា «យូ លី» ដែលត្រូវនឹងពាក្យ «ទ្រព្យសម្បត្តិ» លើសពីនេះពាក្យ «លី» ក៏មានន័យថា«ចំណេញ» អាជីវកម្មជួញដូរ តែងទទួលបានផលចំណេញលើសពីការរំពឹងទុក។

៥ ត្រី Betta (បង្កើនស្នេហាសម្រាប់មនុស្សនៅលីវយូរឆ្នាំ)

ត្រី Betta ជាត្រីដែលគេងាយស្រួលនិយមចិញ្ចឹមខ្លាំងបំផុត។ ម្យ៉ាងទៀត វាមានពណ៌ដ៏ស្រស់ស្អាត ដែលតំណាងឲ្យការប្រយុទ្ធតាំងចិត្តតស៊ូដើម្បីស្នេហា។ ដូច្នេះហើយ ចិញ្ចឹមវាក្នុងផ្ទះឬទីតាំងសមស្របណាមួយ ដើម្បីលើកកម្ពស់ប្រធានបទនៃសេចក្តីស្នេហា និងបន្ថែមភាពភ្លឺស្វាងមានដល់ជីវិត។

៦ ត្រី Midas Cichlid (ពង្រឹងសុខភាពឲ្យកាន់តែរឹងមាំ)

ត្រី Midas Cichlid ជាប្រភេទត្រីដែលកំពុងតែពេញនិយម ដោយសារតែវាមានរូបរាងប្លែក និងស្រស់ស្អាត ជាពិសេសនោះគឺ ពណ៌ភ្លឺថ្លានិងស្នែងមួយនៅលើក្បាលរបស់វាតែម្ដង។ លើសពីនេះ ទៅតាមជំនឿរបស់ជនជាតិចិន ត្រី Midas Cichlid ត្រូវបានគេចាត់ទុកថាជានិមិត្តរូបនៃសុខភាពល្អ កម្លាំងខ្លាំង និងអាយុយឺនយូរថែមទៀតផង៕

គ្រូ ណុប

ចុចអាន៖រូបភាពហុងស៊ុយទាញលាភសំណាង ៦ ប្រភេទ គួរតាំងលម្អក្នុងផ្ទះ ឬហាងលក់ដូរ

ចុចអាន៖៣ យ៉ាង មិនគួរមានក្នុងផ្ទះ ព្រោះអាចទាញទ្រព្យសម្បត្តិ មិនឲ្យហូរចូល