ព័ត៌មានជាតិ

ភ្ញៀវទេសចរក្នុងពិធីបុណ្យអុំទូកថ្ងៃដំបូង នៅខេត្តបាត់ដំបង មានជាង ៦ ម៉ឺននាក់

បានផុស

២ years មុន

នៅ

ថ្ងៃចន្ទ ១០ តុលា ២០២២

ដោយ

កាលពីថ្ងៃទី ០៩ តុលាម្សិលមិញ ជាថ្ងៃដែលខេត្តបាត់ដំបង បានប្រារព្ធពិធីបុណ្យអុំទូកជាថ្ងៃដំបូង ខណៈថ្ងៃបុណ្យនេះ បានប្រព្រឹត្តទៅរយៈពេល ២ ថ្ងៃ ចាប់ពីថ្ងៃទី ០៩-១០ ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ គេសង្កេតឃើញមានប្រជាពលរដ្ឋទាំងក្នុង និងមកពីបណ្ដាខេត្តផ្សេងផង បានចូលរួមយ៉ាងច្រើនកុះករ ប្រកបដោយក្តីសប្បាយរីករាយ ជាមួយនឹងបរិយាកាសដ៏ល្អ មានសន្តិសុខ សណ្ដាប់ធ្នាប់សាធារណៈ ល្អប្រសើរ។

ការចូលរួមក្នុងពិធីបុណ្យអុំទូកថ្ងៃដំបូងនៅខេត្តបាត់ដំបងយ៉ាងច្រើនកុះករនេះ ប្រធានមន្ទីរទេសចរណ៍ខេត្តបាត់ដំបង លោក អ៊ុច អ៊ុំភីនីស្សារ៉ា បានបង្ហាញរបាយការណ៍អំពីកំណើនភ្ញៀវឲ្យដឹង នៅថ្ងៃទី ១០ ខែតុលា ឆ្នាំ ២០២២ ថា នៅថ្ងៃទី ១ ត្រូវនឹងថ្ងៃទី ០៩ ខែតុលា ជាថ្ងៃប្រារព្ធពិធីអុំទូក ចេញព្រះវស្សា តាមស្ទឹងសង្កែ ក្នុងក្រុងបាត់ដំបង មានកំណើនភ្ញៀវចូលរួមកម្សាន្ត ៦១.២៧៨ នាក់ ក្នុងនោះភ្ញៀវទេសចរអន្តរជាតិ ៨៩ នាក់។

បន្ថែមពីនោះ ថ្ងៃទី ២ ត្រូវនឹងថ្ងៃបញ្ចប់ នៃពិធីនេះ លោករំពឹងថា នឹងមានកំណើនបន្ថែមទៀត តាមរយៈការបង្កបរិយាកាសយ៉ាងសប្បាយរីករាយបំផុត ដែលក្នុងមួយឆ្នាំមានតែមួយដង ខណៈការខកខានប្រារព្ធពិធីបុណ្យជាតិមួយនេះអស់រយៈពេល ២ ឆ្នាំកន្លងមកហើយ ដោយសារតែជំងឺកូវីដ- ១៩ បានរារាំងយ៉ាងកាចសាហាវ។