សេដ្ឋកិច្ច
កម្ពុជា និងអង្គការ ILO រួមគ្នាជំរុញការនាំចេញវិស័យឧស្សាហកម្មកាត់ដេរនៅកម្ពុជា កាន់តែប្រសើរថែមទៀត
កម្ពុជា បានបន្តអនុស្សរណៈ នៃការយោគយល់គ្នាថ្មីជាមួយអង្គការពលកម្មអន្តរជាតិខាងការងារ(ILO) រយៈពេល ៥ ឆ្នាំបន្ថែមទៀត ដើម្បីអនុវត្តគម្រោងរោងចក្រកាន់តែប្រសើរនៅកម្ពុជា សំដៅជំរុញការនាំចេញវិស័យឧស្សាហកម្មកាត់ដេរកម្ពុជាកាន់តែប្រសើរថែមទៀត។
ពិធីចុះអនុស្សរណៈយោគយល់ថ្មីនេះ ត្រូវបានចុះហត្ថលេខាដោយលោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ជាមួយលោក ប៉ាន សូរស័ក្ត រដ្ឋមន្ត្រីក្រសួងពាណិជ្ជកម្ម លោក Graeme Buckley នាយកការិយាល័យអង្គការ ILO ប្រចាំប្រទេសកម្ពុជា ឡាវ និងថៃ និងលោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា កាលពីរសៀលថ្ងៃទី ១០ ខែតុលា ឆ្នាំ ២០២២ នៅសណ្ឋាគារភ្នំពេញ។
ក្នុងពិធីចុះហត្ថលេខាលើអនុស្សរណៈ នៃការយោគយល់គ្នា ស្ដីពីគម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ ២០២៣-២០២៧ លោករដ្ឋមន្ត្រី អ៊ិត សំហេង បានមានប្រសាសន៍ថា ដោយសារតែគម្រោងនេះមានបេសកកម្ម និងកម្មវិធីការងារគាំទ្រនូវគោលនយោបាយ និងការប្ដេជ្ញាចិត្តរបស់រាជរដ្ឋាភិបាលក្នុងការសំដៅធានាការលើកកម្ពស់លក្ខខណ្ឌការងារ សិទ្ធិការងារ និងសេរីភាពអង្គការវិជ្ជាជីវៈ ទើបបានជាគម្រោងនេះទទួលបានការគាំទ្រយ៉ាងពេញទំហឹងពីរាជរដ្ឋាភិបាលកម្ពុជា តាមរយៈក្រសួងការងារ និងបណ្ដុះបណ្ដាលវិជ្ជាជីវៈ និងក្រសួងពាណិជ្ជកម្ម ហើយអាចដំណើរការបានយ៉ាងរលូនក្នុងរយៈពេល ២១ ឆ្នាំមកនេះ។ ភាពជោគជ័យ និងការអនុវត្តល្អរបស់គម្រោងនេះនៅកម្ពុជា ត្រូវបានក្លាយជាគំរូសម្រាប់បណ្ដាប្រទេសក្នុងតំបន់តាមរយៈការបង្កើតជា “កម្មវិធីការងារល្អប្រសើរ (Better Work)”។
លោករដ្ឋមន្ត្រីការងារ បានបន្តថា សម្រាប់អនុស្សរណៈ នៃការយោគយល់គ្នាថ្មី សម្រាប់ឆ្នាំ ២០២៣-២០២៧ នេះ ជាអនុស្សរណៈលើកទី ៨ ដែលនឹងត្រូវចុះហត្ថលេខា បានកែសម្រួលលក្ខខណ្ឌអនុវត្តគម្រោងមួយចំនួន ដោយបន្ថែមរយៈពេលអនុវត្តពី ៣ ឆ្នាំ ទៅ ៥ ឆ្នាំ ដើម្បីធានានូវនិរន្តរភាពរបស់គម្រោង និងនិមិត្តរូប នៃការគោរពលក្ខខណ្ឌការងារ ដែលជាការបញ្ជាក់នូវការប្ដេជ្ញាចិត្តរបស់រាជរដ្ឋាភិបាលកម្ពុជា។ ស្របជាមួយគ្នានេះ រាជរដ្ឋាភិបាល បានដំឡើងបដិភាគហិរញ្ញវត្ថុរបស់រាជរដ្ឋាភិបាលចំនួន មួយលានដុល្លារអាមេរិក ក្នុង ១ ឆ្នាំ ជាមួយកំណើន ដប់ម៉ឺនដុល្លារអាមេរិក ក្នុង ១ ឆ្នាំ សម្រាប់រយៈពេល ៥ ឆ្នាំ ដើម្បីធានាប្រសិទ្ធភាពការងារ និងអាចឆ្លើយតបទៅនឹងវិសាលភាពដែលបានដាក់បញ្ចូលវិស័យផលិតផលធ្វើដំណើរ និងកាបូប។
លោករដ្ឋមន្ត្រីការងារ បានបន្តថា រយៈពេល ៥ ឆ្នាំទៅមុខនេះ ភាគីកម្ពុជា និងអង្គការ ILO នឹងបន្តពង្រឹងប្រសិទ្ធភាពក្នុងការធ្វើការងាររួមគ្នា ដើម្បីធ្វើឲ្យប្រសើរឡើងនូវលក្ខខណ្ឌការងារក្នុងវិស័យវាយនភណ្ឌ កាត់ដេរសម្លៀកបំពាក់ និងវិស័យផលិតផលធ្វើដំណើរ និងកាបូប នៅកម្ពុជា។ កំណត់បែបបទការងារក្នុងការចុះវាយតម្លៃលក្ខខណ្ឌការងារក្នុងវិស័យផលិតផលធ្វើដំណើរ និងកាបូប។ ធ្វើការបណ្ដុះបណ្ដាលរួមគ្នារវាងគម្រោងរោងចក្រកាន់តែប្រសើរនៅកម្ពុជា វិទ្យាស្ថានជាតិការងារ នៃក្រសួងការងារ និងបណ្ដុះបណ្ដាលវិជ្ជាជីវៈ និងវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ។ កសាងផែនការសកម្មភាពការងាររួមគ្នារវាងក្រសួងការងារ និងគម្រោងរោងចក្រកាន់តែប្រសើរ ក្នុងគោលបំណងគាំទ្រការលើកកម្ពស់សមត្ថភាព និងភាពជាម្ចាស់របស់កម្ពុជា និងបន្តជំរុញការសហការជិតស្និទ្ធជាមួយបណ្ដាអ្នកបញ្ជាទិញអន្តរជាតិ ក្នុងការបន្តបញ្ជាទិញពីកម្ពុជា និងធានាបានថា ទំនិញដែលទិញពីកម្ពុជា ជាទំនិញដែលមានប្រភពស្អាតស្អំ ដោយគោរពតាមបទដ្ឋានការងារអន្តរជាតិ។
លោកបណ្ឌិត អ៊ិត សំហេង បានចាត់ទុកគម្រោងរោងចក្រកាន់តែប្រសើរនៅកម្ពុជា ពិតជាបានចូលរួមចំណែកយ៉ាងសំខាន់ក្នុងការជំរុញការនាំចេញក្នុងឧស្សាហកម្មកាត់ដេររបស់កម្ពុជា ដែលជាផ្នែកមួយក្នុងការជំរុញកំណើនសេដ្ឋកិច្ចកម្ពុជាផងដែរ។
ចំណែកកម្មករនិយោជិត និងនិយោជក នៃរោងចក្រកាត់ដេរ ដែលធ្វើការនាំចេញផលិតផលទៅក្រៅប្រទេស បានទទួលនូវអត្ថប្រយោជន៍ជាច្រើនអំពីការអនុវត្តគម្រោងនេះ ដោយអាចរក្សាបាននូវការងារដែលមានលក្ខខណ្ឌល្អប្រសើរ និងទទួលប្រាក់ចំណេញអាជីវកម្ម តាមរយៈការទទួលបានការបញ្ជាទិញពីអ្នកបញ្ជាទិញអន្តរជាតិ ដែលមានកំណើនជាប្រចាំ ជាមួយនឹងអនុលោមភាពតាមច្បាប់មានកម្រិតខ្ពស់។
លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម មានប្រសាសន៍ថា តាមរយៈការអនុវត្តគោលនយោបាយ នៃការផ្សារភ្ជាប់ពាណិជ្ជកម្ម ជាមួយនឹងបទដ្ឋានការងារ បានប្រែក្លាយកេរ្តិ៍ឈ្មោះរបស់កម្ពុជា ទៅជាប្រទេសឈានមុខគេក្នុងគោលនយោបាយពាណិជ្ជកម្មអន្តរជាតិ និងបានធ្វើឲ្យកម្ពុជា ក្លាយជាប្រទេសគំរូសម្រាប់ប្រទេសមួយចំនួនយកធ្វើជាបទពិសោធន៍ សម្រាប់យកទៅអនុវត្ត និងរៀនសូត្រតាម។
លោក ប៉ាន សូរស័ក្ដិ បានបន្តថា ការអនុវត្តគោលនយោបាយ នៃការផ្សារភ្ជាប់ពាណិជ្ជកម្ម ជាមួយនឹងបទដ្ឋានការងារ ក៏បានបង្កើនទំនុកចិត្តដល់អ្នកបញ្ជាទិញម៉ាកយីហោល្បីៗក្នុងការដាក់បន្ថែមការបញ្ជាទិញផលិតផលសំខាន់ៗ រួមមាន សម្លៀកបំពាក់ វាយនភណ្ឌ ស្បែកជើង និងកាបូប នៅកម្ពុជាពីមួយឆ្នាំទៅមួយឆ្នាំកាន់តែច្រើនឡើងផងដែរ។
រដ្ឋមន្ត្រីពាណិជ្ជកម្ម បញ្ជាក់ឲ្យដឹងថា ការនាំចេញរបស់កម្ពុជា ក្រោមប្រព័ន្ធអនុគ្រោះពាណិជ្ជកម្មទៅកាន់ទីផ្សារបរទេសនៅក្នុងរយៈពេល ៩ ខែ ឆ្នាំ ២០២២ ការនាំចេញមានទឹកប្រាក់សរុប ១៧ ៥៧៨ (ដប់ប្រាំពីរពាន់ ប្រាំរយចិតសិបប្រាំបី) លានដុល្លារអាមេរិក កើនឡើង ២៤.២៣ ភាគរយ ធៀបនឹងរយៈពេលដូចគ្នាក្នុងឆ្នាំ ២០២១ ក្នុងនោះការនាំចេញសម្លៀកបំពាក់ និងវាយនភណ្ឌ មានកំណើន ២៣.១៦ ភាគរយ និងផលិតផលធ្វើដំណើរ និងកាបូប មានកំណើន ៣៦.៣១ ភាគរយ។
លោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា លើកឡើងថា សមាគមពិតជាមានមោទនភាព ដែលបានក្លាយជាសមាគមវិស័យឯកជនទីមួយក្នុងពិភពលោក ដែលទទួលយកកម្មវិធីពិសេសរបស់អង្គការអន្តរជាតិខាងការងារនេះ ឲ្យមកតាមដានត្រួតពិនិត្យ ដោយឯករាជ្យលើរោងចក្ររបស់យើង និងធ្វើការរាយការណ៍ប្រកបដោយតម្លាភាពអំពីលទ្ធផលរកឃើញរបស់ពួកគេ។
សមាគម សូមគាំទ្រ និងមានសេចក្ដីរីករាយដែលបានបន្តអនុស្សរណៈ នៃការយោគយល់គ្នា ដើម្បីបន្តអនុវត្តក្នុងរយៈពេល ៥ ឆ្នាំទៅមុខទៀត។
លោក Graeme Buckley នាយកការិយាល័យអង្គការ ILO ប្រចាំប្រទេសកម្ពុជា ឡាវ និងថៃ បានសង្កត់ធ្ងន់ថា ក្នុងរយៈពេល ២០ ឆ្នាំចុងក្រោយនេះ ឃើញថា ការអនុលោមតាមច្បាប់ជារួមនៅក្នុងប្រទេសកម្ពុជា មានភាពប្រសើរឡើងមួយផ្នែក ដោយសារការរាយការណ៍ប្រកបដោយតម្លាភាពរបស់គម្រោងរោងចក្រកាន់តែប្រសើរនៅកម្ពុជា (BFC) លើបញ្ហាសំខាន់ៗ។
លោកបានបន្តថា BFC នឹងប្ដេជ្ញាបន្តដើរតួជាអ្នកសម្របសម្រួល នៃភាគីពាក់ព័ន្ធក្នុងឧស្សាហកម្ម រួមទាំងអ្នកទិញអន្តរជាតិ ដែលដើរតួយ៉ាងសំខាន់ផងដែរក្នុងការកែលំអវិស័យនេះ តាមរយៈការអនុវត្តអាជីវកម្មប្រកបដោយការទទួលខុសត្រូវរបស់ពួកគេ៕
អត្ថបទ ៖ សំអឿន
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
តម្លៃមាសបន្តធ្លាក់ចុះតិចតួច ខណៈវិនិយោគិនចាំមើលការអត្ថាធិប្បាយរបស់ ត្រាំ ថ្ងៃស្បថចូលកាន់តំណែង
ក្លិប Como ផ្ដល់លក្ខខណ្ឌពិសេសដល់ Alli ដើម្បីស្តារអាជីពឡើងវិញ
ឯកឧត្ដម ឃួង ស្រេង និង ឯកឧត្ដម ម៉ប់ សារិន គោរពជូនពរ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក្នុងឱកាសពិធីចម្រើនជន្មាយុ គម្រប់ ៤៤ ឈានចូល ៤៥ ឆ្នាំ
បទបញ្ជាផ្ទៃក្នុងព្រឹទ្ធសភា ត្រូវបានក្រុមប្រឹក្សាធម្មនុញ្ញ បញ្ជាក់ថា ស្របរដ្ឋធម្មនុញ្ញកម្ពុជា
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
មិនដល់មួយខែផង ភ្នំភ្លើង Ibu នៅឥណ្ឌូណេស៊ី ផ្ទុះជាង ១ ០០០ដងហើយ
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៤ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ