ព័ត៌មានជាតិ
ប្រធានក្រុមប្រឹក្សារាជធានី ស្នើបន្តផ្សព្វផ្សាយឲ្យទូលំទូលាយ ដើម្បីពលរដ្ឋមកចាក់វ៉ាក់សាំងការពារ កូវីដ-១៩ បានច្រើន
ប្រធានក្រុមប្រឹក្សារាជធានីភ្នំពេញ លោក ម៉ប់ សារិន ស្នើមន្ទីរសុខាភិបាលរាជធានីភ្នំពេញ និងអាជ្ញាធរដែនដី បន្តផ្សព្វផ្សាយឲ្យទូលំទូលាយ ដើម្បីប្រជាពលរដ្ឋមកទទួលការចាក់វ៉ាក់សាំងការពារជំងឺកូវីដ-១៩ បានច្រើន។ ខណៈពលរដ្ឋមួយចំនួន ហាក់លែងយកចិត្តទុកដាក់ចំពោះការចាក់វ៉ាក់សាំងនេះ។
ការស្នើបែបនេះបានធ្វើឡើងក្នុងកិច្ចប្រជុំសាមញ្ញលើកទី ៤១ របស់ក្រុមប្រឹក្សារាជធានីភ្នំពេញ អាណត្តិទី ៣ កាលពីព្រឹកថ្ងៃទី ១២ ខែតុលា ឆ្នាំ ២០២២ ក្រោមវត្តមាន លោក ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក កើត ឆែ អភិបាលរងរាជធានីភ្នំពេញ តំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងមន្ត្រីពាក់ព័ន្ធជាច្រើនរូបទៀត នៅសាលារាជធានីភ្នំពេញ។
លោក ម៉ប់ សារិន មានប្រសាសន៍លើកឡើងថា រយៈពេលចុងក្រោយនេះ ប្រជាពលរដ្ឋមួយចំនួនហាក់លែងយកចិត្តទុកដាក់ចំពោះការចាក់វ៉ាក់សាំងការពារជំងឺកូវីដ-១៩។ ដូច្នេះ លោក ស្នើមន្ទីរសុខាភិបាលរាជធានីភ្នំពេញ អាជ្ញាធរដែនដី និងស្ថាប័នពាក់ព័ន្ធ បន្តផ្សព្វផ្សាយឲ្យបានទូលំទូលាយ នៅក្នុងកម្មវិធីនានា សំដៅធ្វើយ៉ាងណា ឲ្យប្រជាពលរដ្ឋមកទទួលការចាក់វ៉ាក់សាំងការពារជំងឺកូវីដ-១៩ បានច្រើន។
លោក កើត ឆែ ពាក់ព័ន្ធនឹងការងារនេះ ក៏បានមានប្រសាសន៍លើកឡើងដែរថា សម្រាប់ការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋ អាជ្ញាធររាជធានីភ្នំពេញ បានយកចិត្តទុកដាក់ណាស់ ដោយបង្កើតឡើងនូវទីតាំងសម្រាប់ចាក់វ៉ាក់សាំងនេះរហូតដល់ ៤៣ ទីតាំង។ ប៉ុន្តែទោះបីជាយ៉ាងណាក្តី លោកស្នើអាជ្ញាធរ និងមន្ទីរសុខាភិបាលរាជធានីភ្នំពេញ កុំបង្ខំប្រជាពលរដ្ឋទៅទទួលការចាក់វ៉ាក់សាំងឲ្យសោះ ត្រូវធ្វើឡើងដោយការស្ម័គ្រចិត្តរបស់ពួកគាត់ មិនមានការបង្ខិតបង្ខំ។
បើតាមរបាយការណ៍ដែលបានលើកឡើងក្នុងកិច្ចប្រជុំសាមញ្ញលើកទី ៤១ របស់ក្រុមប្រឹក្សារាជធានីភ្នំពេញ អាណត្តិទី ៣ កាលពីព្រឹកថ្ងៃទី ១២ ខែតុលា ឆ្នាំ ២០២២ នេះ បានឲ្យដឹងថា ស្ថានភាពជំងឺកូវីដ-១៩ នៅរាជធានីភ្នំពេញ (គិតត្រឹមថ្ងៃទី ៣០ ខែកញ្ញា ឆ្នាំ ២០២២) ៖ អ្នកជំងឺកូវីដ-១៩ វិជ្ជមាន សរុបចំនួន ១១២.៣៤០ នាក់។ អ្នកជាសះស្បើយ ចំនួន ១១០.៨១០នាក់។ អ្នកស្លាប់ដោយជំងឺកូវីដ-១៩ វិជ្ជមាន ចំនួន ១.៥០៥ នាក់ អ្នកជំងឺកំពុងសម្រាកព្យាបាលនៅមន្ទីរពេទ្យគ្មាន។ អ្នកជំងឺកំពុងសម្រាកព្យាបាលនៅផ្ទះ សរុបចំនួន ២៥ នាក់។
ការចាក់វ៉ាក់សាំងជូនឥស្សរជន/ប្រជាពលរដ្ឋ និងកុមារ អាយុចាប់ពី ៣ ឆ្នាំឡើង (គិតត្រឹមថ្ងៃទី ៣០ ខែកញ្ញា ឆ្នាំ ២០២២) ៖ លទ្ធផលចាក់វ៉ាក់សាំងជូនកុមារពី ៣ ឆ្នាំ ដល់អាយុក្រោម ៥ ឆ្នាំ ៖ (គោលដៅ ៧២.៨៥៤ នាក់) ដូសទី ១ សរុប ៧៦.២៧៥ នាក់ = ១០៤,៧០%។ ដូសទី ២ សរុប ៥៦.៧៥៥ នាក់ = ៧៧,៩០%។ ដូសទី ៣ សរុប ៤.០១៦ នាក់ = ៥,៥១%។
លទ្ធផលចាក់វ៉ាក់សាំងជូនកុមារ អាយុ ៥ ឆ្នាំ ៖ ដូសទី ១ សរុប ៦១,៤៩៩ នាក់ = ១២៣,៣៧%។ ដូសទី ២ សរុប ៥៤.០៨៩ នាក់ = ១០៦,៥០%។ ដូសទី ៣ សរុប ១១.៦៩១ នាក់ = ២៣,៤៥%។ ដូសទី ៤ សរុប ២.៥៩៤ នាក់ = ៥,២០%។
លទ្ធផលចាក់វ៉ាក់សាំងជូនកុមារ អាយុចាប់ពី ៦ ឆ្នាំ ដល់ក្រោម ១២ ឆ្នាំ។ ដូសទី ១ សរុប ២៣៦.២៤៥ នាក់ = ១០៦,៨៣%។ ដូសទី ២ សរុប ២៤៧.៧១៦ នាក់ = ១១២,០២%។ ដូសទី ៣ សរុប ១៦៥.៨៧៥ នាក់ = ៧៥,០១%។ ដូសទី ៤ សរុប ២៦.២៣៩ នាក់ = ១១,៨៧%។
លទ្ធផលចាក់វ៉ាក់សាំងជូនកុមារ អាយុចាប់ពី ១២ ឆ្នាំ ដល់ក្រោម ១៨ ឆ្នាំ។ ដូសទី ១ សរុប ២២២.៨៤២ នាក់ = ១១៦,៣៨%។ ដូសទី ២ សរុប ២២៣.៦៤១ នាក់ = ១១៦,៧៩%។ ដូសទី ៣ សរុប ២១៩.៦០៨ នាក់ = ១១៤,៦៩%។ ដូសទី ៤ សរុប ៦៣.២៨៨ នាក់ ៣២,០៥%។ ដូសទី ៤ សរុប ៨.៦៣៨ នាក់ = ៤,៥១%។
លទ្ធផលចាក់វ៉ាក់សាំងជូនប្រជាពលរដ្ឋ អាយុចាប់ពី ១៨ ឆ្នាំឡើង ៖ ដូសទី ១ សរុប ១.៧៧៣.១៣៦ នាក់ = ១២៥,៥១%។ ដូសទី ២ សរុប ១.៧២៦.១២៣ នាក់ = ១២២,១៨%។ ដូសទី ៣ សរុប ១.៥០៧.៥៣២ នាក់ = ១០៦,៧១%។ ដូសទី ៤ សរុប ១.១៥៦.៣០៥ នាក់ = ៨១,៨៥%។ ដូសទី ៥ សរុប ១៧៧.៩៣៥ នាក់ = ១២,៥៩%៕
អត្ថបទ ៖ ស្រីរ័ត្ន
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ