ព័ត៌មានជាតិ

ស្មារតីអន្តរជាតិដ៏អស្ចារ្យ៖ មូលដ្ឋានគ្រឹះនៃទំនាក់ទំនងកម្ពុជា-វៀតណាមបច្ចុប្បន្ន

បានផុស

៤ years មុន

នៅ

ថ្ងៃសុក្រ ១ មករា ២០២១

ដោយ

ឆ្នាំ២០២១គឺជាឆ្នាំ “ពិសេស”សម្រាប់ប្រទេសជាតិនិងប្រជាជនកម្ពុជានៅ ខណៈដែលកំពុងទប់ទល់“សត្រូវ” គឺCovid-19 ដើម្បីនាំមកនូវជីវិតសុខសន្តិភាព សម្រាប់ប្រជាជនផងហើយផ្តោតលើការអភិវឌ្ឍសេដ្ឋកិច្ចផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការឯកភាពគ្នារបស់ប្រជាជាតិទាំងមូល ការដឹកនាំប្រកបដោយគតិបណ្ឌិតរបស់គណបក្សប្រជាជនកម្ពុជា និងសម្តេចអគ្គសេនាបតីតេជោ ហ៊ុន សែន នាយករដ្ឋមន្ត្រី ការគាំទ្រពីមិត្តអន្តរជាតិ គឺកម្ពុជានឹងជម្នះនូវដំណាក់កាលដ៏លំបាកនេះ។ ទោះបីមានការលំបាកជាច្រើនក្នុងជីវិតក៏ដោយ ប្រជាជនយើងនៅតែមិនអាចបំភ្លេចបាននូវប្រវត្តិសាស្ត្រកាលពី៤២ឆ្នាំមុន គឺថ្ងៃទី៧ ខែមករា ឆ្នាំ១៩៧៩ ដោយបានផ្តួលរំលំរបបប្រល័យពូជសាសន៍ខ្មែរក្រហម រំដោះប្រជាជន ប្រទេសកម្ពុជាពីភាពសាហាវឃោរឃៅនៃរបបប្រល័យពូជសាសន៍ កសាងប្រទេសឲ្យមានការអភិវឌ្ឍដូចសព្វថ្ងៃ។ ដើម្បីទទួលបានជ័យជំនះជាប្រវត្តិសាស្ត្រ៤២ឆ្នាំមុននេះ មិនត្រឹមតែ មានតួនាទីសំខាន់របស់ប្រជាជនកម្ពុជាទាំងមូលទេ គឺការដឹកនាំដ៏ឈ្លាសវៃរបស់គណបក្សប្រជាជនកម្ពុជា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅមានស្មារតីអន្តរជាតិនិយមដ៏ខ្ពង់ខ្ពស់ការលះបង់ដ៏សុទ្ធចិត្ត ជំនួយឥតកង្វល់របស់បក្សរដ្ឋនិងប្រជាជនវៀតណាម ចំពោះបដិវត្តកម្ពុជា។

សង្គ្រាមបានបញ្ចប់មនោសញ្ចេតនានៅជានិច្ចកាល…

ជ័យជំនះដ៏អស្ចារ្យជាប្រវត្តិសាស្ត្រនៅឆ្នាំនេះ កើតឡើងនៅក្នុងបរិការណ៍នៃកិច្ចខិតខំប្រឹងប្រែងរបស់ប្រទេសកម្ពុជា ក្នុងការយកឈ្នះផលប៉ះពាល់អវិជ្ជមាននៃការរីករាលដាលនៃCovid-19 លើគ្រប់វិស័យនៃជីវិតនិងការអភិវឌ្ឍសេដ្ឋកិច្ច មានឥទ្ធិពលផ្ទាល់លើសកម្មភាពក្នុងស្រុក និងបរទេសជាច្រើនក្នុងប្រទេសរួមទាំង ការរៀបចំសកម្មភាព ដើម្បីអបអរទិវាជ័យជំនះនៃរបបប្រល័យពូជសាសន៍ខ្មែរក្រហម ៤២ ឆ្នាំមុន។ ជ័យជំនះជាប្រវត្តិសាស្ត្រនេះ មិនត្រឹមតែធ្វើឲ្យប្រទេសកម្ពុជារស់ឡើងវិញប៉ុណ្ណោះទេ តែថែមទាំងជានិមិត្តរូបនៃសាមគ្គីភាពអន្តរជាតិដ៏ខ្ពង់ខ្ពស់ ផងដែរ។ ប្រជាជនកម្ពុជាមុនរបបប្រល័យពូជសាសន៍ មានជំនឿយ៉ាងមុតមាំថា មានតែទេវតាជាមួយព្រះពុទ្ធប៉ុណ្ណោះ ដែលអាចជួយសង្គ្រោះជីវិតមនុស្សនៅពេលមានការពិបាក។ ភ្លាមៗនៅពេលដែលប្រជាជនកម្ពុជា ហៀបនឹងស្លាប់ពួកគេអាចធ្វើបានដោយកាន់ដៃគ្នាបន់ព្រះសំពះទេវតាជួយសង្គ្រោះពេលនោះ ហើយកងទ័ពវៀតណាម គឺជាកងទ័ពព្រះពុទ្ធសាសនា ដែលបានមកជួយប្រជាជនកម្ពុជាពីរបបប្រល័យពូជសាសន៍ខ្មែរក្រហម។ ប្រទេសកម្ពុជា ត្រូវបានរំដោះចេញពីរបបប្រល័យពូជសាសន៍ខ្មែរក្រហម ដែលជារបបឃោរឃៅបំផុត ក្នុងប្រវត្តិសាស្ត្រនៃសតវត្សរ៍ទី ២០ ដែលបើកយុគសម័យនៃការរស់ឡើងវិញ សម្រាប់ប្រទេសកម្ពុជា។ នៅរយៈពេលដ៏លំបាកតោកយ៉ាក ទើបតែដណ្តើមបានអំណាចដោយមានជំនួយពីប្រទេស

វៀតណាមរដ្ឋកម្ពុជា វ័យក្មេងមួយជំហានៗ បានពង្រឹងរដ្ឋាភិបាលជួសជុលនិងកសាងប្រទេសឡើងវិញ, រារាំងមិនឲ្យអំពើប្រល័យពូជសាសន៍របស់ខ្មែរក្រហមវិលត្រឡប់មកវិញ។ ចាប់តាំងពីទីនេះ ប្រជាជនកម្ពុជាយល់ថា ប្រទេសវៀតណាមមិនត្រឹមតែជួយប្រទេសកម្ពុជាឲ្យមានជីវិត និងសន្តិភាពប៉ុណ្ណោះទេ ប៉ុន្តែអ្វីដែលសំខាន់បំផុតនោះ គឺផ្តល់ឲ្យកម្ពុជានូវសិទ្ធិឯករាជ្យនិងស្វ័យភាពនោះ គឺជាគ្រឹះយូរអង្វែងសម្រាប់ទំនាក់ទំនងទ្វេភាគី បន្តកសាងពង្រឹងនិងអភិវឌ្ឍគោរពគ្នាទៅវិញទៅមក មិនជ្រៀតជ្រែកកិច្ចការផ្ទៃក្នុងរបស់គ្នាទៅវិញទៅមក ហើយចាត់ទុកគ្នាជាបងប្អូន។

មូលដ្ឋានគ្រឹះដ៏រឹងមាំសម្រាប់មិត្តភាពប្រពៃណី

៥៤ឆ្នាំ ចាប់តាំងពីការបង្កើតទំនាក់ទំនងការទូតជាផ្លូវការ(២៤មិថុនា ១៩៦៧)ទំនាក់ទំនង កម្ពុជា-វៀតណាម ត្រូវបានពង្រឹងនិងអភិវឌ្ឍកាន់តែខ្លាំងឡើង។ ទំនាក់ទំនងនយោបាយ ត្រូវបានអភិវឌ្ឍកាន់តែខ្លាំងឡើង និងទទួលបានលទ្ធផលវិជ្ជមានជាច្រើន។ ការផ្លាស់ប្តូរគណៈប្រតិភូជាន់ខ្ពស់ កម្រិតមូលដ្ឋានរបស់ភាគីទាំងពីរបានប្រព្រឹត្តទៅជាប្រចាំ យន្តការសហប្រតិបត្តិការសំខាន់ៗបន្តត្រូវបានរក្សា និងមានប្រសិទ្ធភាពខ្ពស់ ក្រៅពីនេះ ក៏មានយន្តការសហប្រតិបត្តិការជាច្រើនរវាងក្រសួងផ្នែកនិងមូលដ្ឋាន ការផ្លាស់ប្តូរគ្នារវាងអង្គប្រជាជនគ្រប់ជាន់ថ្នាក់ កំពុងមានសភាពអ៊ឹកធឹកកាន់តែខ្លាំងឡើងៗ ជាមួយទម្រង់ផ្សេងៗគ្នា។ ដោយឈរលើមូលដ្ឋាននៃសន្ធិសញ្ញាកិច្ចព្រមព្រៀងនិងកិច្ចព្រមព្រៀងនានារបស់ថ្នាក់ដឹកនាំជាន់ខ្ពស់នៃប្រទេសទាំងពីរអាជ្ញាធរព្រំដែនអាជ្ញាធរ និងប្រជាជនមូលដ្ឋានសម្របសម្រួលយ៉ាងសកម្ម ដើម្បីអនុវត្តការងារបោះបង្គោលព្រំដែនដីគោក។ រហូតមកដល់ពេលនេះ ភាគីទាំងពីរបានបញ្ចប់ការចុះហត្ថលេខាលើឯកសារគតិយុត្តិសំខាន់ៗចំនួន ២ ដោយកត់ត្រា ៨៤% នៃការងារបោះបង្គោលកំណត់ព្រំដែននិងការប្តេជ្ញាចិត្ត ដើម្បីបំពេញចំនួន ១៦% ដែលនៅសល់ ដើម្បីធ្វើឲ្យប្រទេសទាំងពីរជាប់ខ្សែព្រំដែនសន្តិភាព មិត្តភាពកិច្ចសហប្រតិបត្តិការនិងការអភិវឌ្ឍប្រកបដោយចីរភាព។ ថ្នាក់ដឹកនាំជាន់ខ្ពស់នៃប្រទេសទាំងពីរ ក៏បានឯកភាពគ្នាបន្តបង្កលក្ខណៈអំណោយផល សម្រាប់ជនជាតិនៃប្រទេសទាំងពីរ ឲ្យរស់នៅក្នុងទឹកដីរបស់ប្រទេសនីមួយៗស្របតាមច្បាប់នៃប្រទេសនីមួយៗ។

ទន្ទឹមនឹងការអភិវឌ្ឍល្អនៃទំនាក់ទំនងនយោបាយ កិច្ចសហប្រតិបត្តិការសេដ្ឋកិច្ច និងពាណិជ្ជកម្ម រវាងប្រទេសទាំងពីរ ក៏ត្រូវបានលើកកម្ពស់ជាបន្តបន្ទាប់បង្កើតបានជាគ្រឹះសំខាន់ ក្នុងការបង្រួបបង្រួមនិងអភិវឌ្ឍទំនាក់ទំនងទ្វេភាគី។ គិតត្រឹមខែធ្នូ ឆ្នាំ២០២០ ប្រទេសវៀតណាមជាប់ចំណាត់ថ្នាក់ទី ៣ ក្នុងចំណោមបណ្តាប្រទេស ដែលមានសកម្មភាពវិនិយោគនៅកម្ពុជាដោយមានគម្រោងចុះបញ្ជីប្រហែល ២២០ គម្រោងដែលមានទុនវិនិយោគសរុបជាង ៣,១ ពាន់លានដុល្លារដែលភាគច្រើន ជាវិស័យកសិកម្មនិងព្រៃឈើ។ ការវិនិយោគរបស់ប្រទេសកម្ពុជា នៅប្រទេសវៀតណាម ក៏មានការកើនឡើងផងដែរ រហូតមកដល់ពេលនេះ មានគម្រោងចំនួន ២០ ដែលមានទុនវិនិយោគសរុបជាង ៥៨.១២៥ លានដុល្លារ។ សកម្មភាពវិនិយោគនិងសកម្មភាពអាជីវកម្មរបស់សហគ្រាសវៀតណាមនៅកម្ពុជា ត្រូវបានថ្នាក់ដឹកនាំនិងប្រជាជនកម្ពុជាកោតសរសើរយ៉ាងខ្លាំង ដែលបានចូលរួមយ៉ាងសកម្ម ក្នុងការធានាសន្តិសុខសង្គមនិងការអភិវឌ្ឍរីកចម្រើនរបស់កម្ពុជាជំរុញការអភិវឌ្ឍន។ សេដ្ឋកិច្ចសង្គមក្នុងស្រុកការបង្កើតការងារបង្កើនប្រាក់ចំណូល ជួយប្រជាជនកម្ពុជាឲ្យមានស្ថេរភាពក្នុងជីវិតជាពិសេសក្នុងបរិបទនៃការរីករាលដាលនៃ Covid-19 ។ នៅឆ្នាំ ២០២០ មុនការវិវឌ្ឍដ៏ស្មុគស្មាញនៃការរីករាលដាលនៃ Covid-19 កិច្ចសហប្រតិបត្តិការពាណិជ្ជកម្មរវាងប្រទេសទាំងពីរ នឹងទទួលបានផលប៉ះពាល់គួរឲ្យកត់សម្គាល់ ប៉ុន្តែជាមួយនឹងការប្តេជ្ញាចិត្តរបស់រដ្ឋាភិបាលនៃប្រទេសទាំងពីរ ភាគីទាំងពីរបានបន្តសកម្មភាពពាណិជ្ជកម្មរបស់ពួកគេឡើងវិញ។ លើសពីនេះទៀត វៀតណាមក៏បានជួយដល់ប្រទេសកម្ពុជានូវគ្រឿងបរិក្ខារវេជ្ជសាស្ត្រជាច្រើន ដើម្បីទប់ទល់នឹងការរីករាលដាលនៃ Covid-19 ។

កិច្ចសហប្រតិបត្តិការការពារសន្តិសុខ ត្រូវបានលើកកម្ពស់ជានិច្ច

ប្រទេសទាំងពីរបានសម្របសម្រួលការអនុវត្ត កិច្ចព្រមព្រៀងកិច្ចសហប្រតិបត្តិការលើវិស័យការពារជាតិនិងសន្តិសុខ ពង្រឹងកិច្ចសហប្រតិបត្តិការ និងផ្លាស់ប្តូរព័ត៌មានសម្របសម្រួល ដើម្បីធានាឲ្យបាននូវស្ថេរភាពនយោបាយ និងសង្គមនៅក្នុងប្រទេសនីមួយៗ សន្តិសុខនិងសុវត្ថិភាពនៃព្រំដែនគោកនិងសមុទ្រ សហការឲ្យទាន់ពេលដើម្បីការពារនិងប្រយុទ្ធប្រកបដោយប្រសិទ្ធភាពលទ្ធផលនៃសកម្មភាពប្រឆាំងដោយកម្លាំងអរិភាព បន្តសហការស្វែងរក លើក និងការធ្វើមាតុភូមិនិវត្តន៍នៃសាកសពយុទ្ធស្ម័គ្រចិត្ត និងអ្នកជំនាញវៀតណាម ដែលបានធ្វើពលីកម្មនៅកម្ពុជា។ កិច្ចសហប្រតិបត្តិការលើវិស័យ បណ្តុះបណ្តាលវប្បធម៌ សុខាភិបាល ទូរគមនាគមន៍ ការផ្លាស់ប្តូរប្រជាជននិងប្រជាជន ក៏ត្រូវបានពង្រឹងផងដែរ។ ជារៀងរាល់ឆ្នាំប្រទេសវៀតណាម ផ្តល់អាហារូបករណ៍រយៈពេលវែងរាប់រយ ដល់និស្សិតកម្ពុជា ដើម្បីទៅសិក្សានៅប្រទេសវៀតណាម និងប្រទេសកម្ពុជា ក៏ជួយបណ្តុះបណ្តាលនិស្សិតវៀតណាមតាមសំណើរបស់ក្រសួងផ្នែកនិងមូលដ្ឋានរបស់ប្រទេសវៀតណាម ដោយមានបំណងចង់ “ម្ចាស់ប្រទេសនាពេលអនាគត” នេះនឹងក្លាយជាស្ពានតភ្ជាប់ទំនាក់ទំនងសាមគ្គីភាព មិត្តភាពនិងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ។ ប្រទេសវៀតណាមនិងកម្ពុជារៀបចំការផ្លាស់ប្តូរវប្បធម៌និងប្រជាជនរវាងប្រជាជននិងប្រជាជនជាពិសេស នៅតាមតំបន់ព្រំដែន។ រៀបចំក្រុមវេជ្ជបណ្ឌិតស្ម័គ្រចិត្ត ដើម្បីពិនិត្យនិងព្យាបាលសុខភាពដល់ប្រជាជនកម្ពុជា ដោយឥតគិតថ្លៃ។ ប្រព័ន្ធបណ្តាញទូរសព្ទចល័តViettel ដែលអាចភ្ជាប់ទៅបណ្តាញមិត្តហ្វូននៅប្រទេសកម្ពុជាក៏ដំណើរការប្រកបដោយប្រសិទ្ធភាព បង្កលក្ខណៈអំណោយផល សម្រាប់ប្រជាជននៃប្រទេសទាំងពីរ ក្នុងការប្រាស្រ័យទាក់ទងផ្លាស់ប្តូរព័ត៌មាននិងកាន់តែជិតស្និទ្ធជាមួយគ្នា។ អាចនិយាយបានថា ការផ្លាស់ប្តូររវាងប្រជាជននិងប្រជាជនរួមចំណែកដល់ការលើកកម្ពស់ការយល់ដឹងរវាងប្រជាជនទាំងពីរ។

លើសពីនេះទៀត នៅក្នុងដំណើរការនៃការអនុវត្តគោលនយោបាយការបរទេសបើកចំហ,ពហុភាគីនីយកម្មនិងការធ្វើពិពិធកម្មទំនាក់ទំនងអន្តរជាតិប្រទេសទាំងពីរ ក៏បានធ្វើសហប្រតិបត្តិការយ៉ាងជិតស្និទ្ធជាមួយគ្នាផងដែរ នៅក្នុងយន្តការសហប្រតិបត្តិការក្នុងតំបន់មួយចំនួនដូចជា៖ ត្រីកោនអភិវឌ្ឍកម្ពុជា ឡាវ វៀតណាម(CLV) សហប្រតិបត្តិការ ៤ ប្រទេស កម្ពុជា ឡាវ មីយ៉ាន់ម៉ា វៀតណាម (CLMV), យុទ្ធសាស្ត្រសហប្រតិបត្តិការសេដ្ឋកិច្ចទន្លេទាំងបី Ayeyarwaddy – Chao Phraya – មេគង្គ(ACMECS)។

ជំនួសឲ្យវាចាបញ្ចប់…

ក្រឡេកមើលអតីតកាល ដើម្បីឆ្ពោះទៅអនាគត។ លោកប្រធានហូជីមិញធ្លាប់បានមានប្រសាសន៍ថា ទំនាក់ទំនងសាមគ្គីភាពវៀតណាម-កម្ពុជា គឺសាមគ្គីភាពដ៏ស្មោះត្រង់សាមគ្គីភាពដោយសកម្មភាព មិនមែនសាមគ្គីភាពតែលើពាក្យសំដីទេ។ ប្រពៃណី ៥៤ ឆ្នាំនៃការបង្កើតទំនាក់ទំនងការទូត (១៩៦៧ – ២០២១) អស់រយៈពេលជាង ៤ ទសវត្សចាប់តាំងពីកងទ័ពកម្ពុជា ដែលមានជំនួយពីវៀតណាម បានផ្តួលរំលំរបបប្រល័យពូជសាសន៍ខ្មែរក្រហមអស់រយៈពេលជាង២ទសវត្ស វៀតណាមនិងកម្ពុជា ក្លាយជាសមាជិកអាស៊ាន និងបន្តដើរលើមាគ៌ាសន្តិភាព ស្ថិរភាពនិងការអភិវឌ្ឍនៃប្រទេសមួយៗនិងតំបន់នីមួយ គឺជាសក្ខីភាពដ៏រស់រវើក នៃចំណងមិត្តភាពរឹងមាំនិងភាតរភាពរវាងប្រទេសទាំងពីរ។ វៀតណាមនិងកម្ពុជាកំពុងចូលរួមវិភាគទានប្រកបដោយការទទួលខុសត្រូវ និងមានប្រសិទ្ធភាពក្នុងការរីកចម្រើនរបស់អាស៊ានរួមចំណែកកសាងសហគមន៍អាស៊ានមួយ ដែលមានសាមគ្គីភាពរឹងមាំការអភិវឌ្ឍនិងវិបុលភាពក្លាយជាមជ្ឈមណ្ឌលនៃរចនាសម្ព័ន្ធសន្តិសុខ នៅក្នុងតំបន់អាស៊ីប៉ាស៊ីហ្វិក។

ឆ្នាំ២០២១ មានសារសំខាន់ណាស់ សម្រាប់ប្រទេសកម្ពុជានៅពេលដែល ធ្វើជាម្ចាស់ផ្ទះនៃកិច្ចប្រជុំកំពូលអាស៊ី – អឺរ៉ុបលើកទី ១៣ (ASEM) ភាគីទាំងពីរនឹងពង្រឹងការសម្របសម្រួលចែករំលែកព័ត៌មាននិងការគាំទ្រគ្នាទៅវិញទៅមកនៅវេទិកាតំបន់និងអន្តរជាតិជាពិសេស នៅក្នុងអាស៊ាននិង ASEM; បន្តប្រកាន់ខ្ជាប់នូវសារៈសំខាន់នៃសាមគ្គីភាព, ឯកភាពនិងតួនាទីស្នូលរបស់អាស៊ាន,យល់ព្រមធ្វើការរួមគ្នាជាមួយបណ្តាប្រទេសជាសមាជិក ដើម្បីកសាងសហគមន៍អាស៊ានដោយជោគជ័យផ្អែកលើច្បាប់ សាមគ្គីភាព ផ្សារភ្ជាប់យក មនុស្សធ្វើជាមជ្ឈមណ្ឌល។ ក្នុងនាមជាម្ចាស់ផ្ទះនៃកិច្ចប្រជុំ ASEM13, កម្ពុជានឹងបន្តសហការយ៉ាងជិតស្និទ្ធជាមួយវៀតណាម ដើម្បីលើកកម្ពស់តួនាទីរបស់ខ្លួននិងកិត្យានុភាពរបស់ខ្លួន នៅលើវេទិកាតំបន់និងអន្តរជាតិ ដោយរួមចំណែកដល់ការដោះស្រាយបានល្អរាល់បញ្ហា ដែលកំពុងលេចចេញក្នុងតំបន់រួមចំណែកដល់សន្តិភាព,ស្ថិរភាពនិងការអភិវឌ្ឍរបស់ប្រទេសនីមួយៗនិងតំបន់៕

អត្ថបទ៖ សហការី