វៀតណាម ត្រៀមទប់ទល់ជាមួយ ព្យុះ មួយទៀត  

អ្នកជំនាញអាកាសធាតុបាននិយាយថា ព្យុះ នេសាទ នឹងចេញពីប្រទេសហ្វីលីពីន ហើយវាយប្រហារប្រទេសវៀតណាមក្នុងរយៈពេលពីរថ្ងៃខាងមុខ ជាមួយកម្លាំងខ្យល់បក់លើសពី ១១៨ គីឡូម៉ែត្រក្នុងមួយម៉ោង។

គិតត្រឹមម៉ោង៧ព្រឹកថ្ងៃអាទិត្យ ព្យុះនេះស្ថិតនៅចម្ងាយ ១១០គីឡូម៉ែត្រ ភាគខាងជើងកោះ Luzon ហើយត្រូវបានគេព្យាករថា នឹងរំកិលទៅទិសពាយព្យ ចូលទៅក្នុងសមុទ្រខាងកើតនៅព្រឹកថ្ងៃចន្ទ។

នៅម៉ោង៧ព្រឹកថ្ងៃចន្ទ ព្យុះ នេសាទ នឹងស្ថិតនៅចម្ងាយ៦៥០គីឡូម៉ែត្រ ភាគខាងកើតប្រជុំកោះ Paracel ជាមួយខ្យល់បក់ក្នុងល្បឿនពី ១០៣ទៅ ១១៧គីឡូម៉ែត្រក្នុងមួយម៉ោង។ ព្យុះនេះ នឹងរំកិលកាន់តែជិតប្រទេសវៀតណាម នៅព្រឹកថ្ងៃអង្គារ ហើយកាន់តែមានកម្លាំងខ្យល់បក់ខ្លាំង។

ទីភ្នាក់ងារឧតុនិយមជប៉ុនបានព្យាករថា កម្លាំងខ្យល់របស់ព្យុះនេះ នឹងឈានដល់កម្រិតខ្លាំងបំផុត នៅថ្ងៃអង្គារ មុនពេលធ្វើដំណើរទៅកាន់ឆ្នេរសមុទ្រភាគកណ្តាលប្រទេសវៀតណាម ចាប់ពីខេត្ត Quang Binh ទៅដល់ខេត្ត Thua Thien Hue។

នេសាទ នឹង​ក្លាយ​ជា​ព្យុះ​ទី​ប្រាំមួយ​ ដែល​ចូល​ក្នុង​ដែន​ទឹក​វៀតណាម​នៅ​ឆ្នាំ​នេះ និង​ជា​ព្យុះ​ទី​បី​ក្នុង​រយៈ​ពេលត្រឹម​បី​សប្តាហ៍​កន្លង ដែលវាយប្រហារប្រទេសវៀតណាម​។

ព្យុះចុងក្រោយបំផុតគឺ Son Ca ដោយបាននាំមកនូវភ្លៀងធ្លាក់ខ្លាំង ដែលបង្កការបាក់ដី និងជន់លិចតំបន់ធំៗនៃទីក្រុង Da Nang និងខេត្តនៅជាប់នោះ ដូចជា Quang Nam និង Thua Thien Hue ជាដើម៕

ប្រែសម្រួល៖ Vann Vann

ប្រភព៖ VN Express

ចុចអាន៖ ទីក្រុង Da Nang ជួបគ្រោះទឹកជំនន់ធ្ងន់ធ្ងរ, មនុស្ស ៤នាក់បាត់បង់ជីវិត