ព័ត៌មានជាតិ

ថ្ងៃឆ្លងឆ្នាំសកល ទេសចរខេត្ដព្រះសីហនុមានជាង ៣ ម៉ឺននាក់

បានផុស

៤ years មុន

នៅ

ថ្ងៃសុក្រ ១ មករា ២០២១

ដោយ

កំណើនភ្ញៀវទេសចរសម្រាប់ថ្ងៃទី៣១ ខែធ្នូ ឆ្នាំ២០២០ ដែលជាថ្ងៃឆ្លងឆ្នាំសកល២០២០ឈានចូលឆ្នាំ២០២១នេះ មានចំនួនច្រើនលើសលុបគួរឲ្យកត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការសង្កេតមើលឃើញថា នៅតាមដងផ្លូវសាធារណៈជាច្រើន ត្រូវបានកកស្ទះចរាចរណ៍ជាអន្លើៗ រីឯនៅតាមទីប្រជុំជនផ្សារឬតាមតំបន់កម្សាន្តផ្សេងៗកន្លែងណាក៏ដូចកន្លែងណាដែរ សុទ្ធសឹងមានភ្ញៀវទេសចរណ៍យ៉ាងច្រើនកុះករជាពិសេស គឺតំបន់ឆ្នេរអូរឈើទាលតែម្តង។ដោយឡែកសម្រាប់នៅតាមសណ្ឋាគារទាំងដីគោកនិងដីកោះវិញ គឺមានភ្ញៀវទេសចរស្នាក់នៅ ពេញៗ។

យោងតាមរបាយការណ៍របស់មន្ទីរទេសចរណ៍ ខេត្តព្រះសីហនុ បានឲ្យដឹងថា ភ្ញៀវទេសចរដែលបានចូលមកលេងកម្សាន្តនាឱកាសឆ្លងឆ្នាំសកលនាពេលនេះ មានចំនួនប្រមាណ៣៦,៨៤៨នាក់ ក្នុងរយៈពេល តែមួយថ្ងៃកើនឡើង២៣,៧៣ភាគរយ បើធៀបនឹងឆ្នាំ២០១៩ ក្នុង នោះភ្ញៀវជាតិ៣៥,២៧៨ កើនឡើង៥៦,៧៩ភាគរយ។ ទន្ទឹមនឹងចំនួនភ្ញៀវទេសចរមកលេងខេត្តព្រះសីហនុ នេះដែរ លោក តាំង សុចិត្តគ្រឹស្នា ប្រធានមន្ទីរ ទេសចរណ៍ ខេត្តព្រះសីហនុ ក៏បានបញ្ជាក់បន្ថែមផងដែរថា មន្ទីរបានចុះផ្សព្វផ្សាយខិត្តប័ណ្ណទៅដល់បងប្អូន អាជីវករលក់ដូរ នៅតាមអាហារដ្ឋានភោជនីយដ្ឋាន សណ្ឋាគារ ផ្ទះសំណាក់ កុំឲ្យមានការឡើងថ្លៃ តាមការណែនាំរបស់អាជ្ញាធរខេត្តក៏ដូចជាក្រសួងទេសចរណ៍ ហើយសម្រាប់ក្នុងឱកាសនៃពិធីឆ្លងឆ្នាំសកល ២០២០-២០២១នេះ គឺអាជ្ញាធរមិនមានការរៀបចំការប្រគំតន្ត្រីការតាំងពិព័រណ៍និងកម្មវិធីកម្សាន្តសប្បាយផ្សេងៗជូនដល់បងប្អូនប្រជាពលរដ្ឋភ្ញៀវទេសចរទាំងជាតិនិងអន្តរជាតិនោះទេ ដោយអនុវត្តតាមការណែនាំរបស់ក្រសួងសុខាភិបាល ក្នុងការការពារទប់ស្កាត់ជំងឺកូវីដ១៩ហើយ បងប្អូនដែលបានអញ្ជើញមកលេងនាឱកាសនេះ សូមមានការប្រុងប្រយ័ត្ន ចូលរួមអនុវត្តតាមការណែនាំរបស់ក្រសួងសុខាភិបាលត្រូវរក្សាគម្លាតសុវត្ថិភាព លាងដៃជាមួយ នឹង អាល់កុលជែល និងទឹកសម្លាប់មេរោគផ្សេងៗ ដើម្បីយើងចូលរួមការពារជំងឺកូវីដ-១៩ ទាំងអស់គ្នា៕

អត្ថបទ៖ កោះពស់

សូមចុចអាន៖ ភ្ញៀវទេសចរជាង៥ម៉ឺននាក់ សម្រុកទៅលេងខេត្ត កែប នៅថ្ងៃឆ្លងឆ្នាំ