ថៃ ជួបគ្រោះរញ្ជួយដី ៣លើក ត្រឹមមួយព្រឹក

ការ​រញ្ជួយ​ដី​ចំនួន៣លើក បានកើតឡើងក្នុងខេត្ត​ភាគ​ខាងជើងប្រទេសថៃគឺ Chiang Mai និង Phrae នៅ​ព្រឹក​ថ្ងៃ​ព្រហស្បតិ៍ទី ២០ខែតុលានេះ។

លោក Chomparee Chompurat អគ្គនាយកនៃនាយកដ្ឋានឧតុនិយម បាននិយាយថា នៅវេលាម៉ោង ១:៣៩ នាទីព្រឹក គ្រោះរញ្ជួយដីកម្រិត ៣.៧រ៉ិចទ័រ បានកើតឡើង ដោយចំណុចកណ្តាលមានជម្រៅ ៣គីឡូម៉ែត្រ នៅក្រោមឃុំ Mae Pan ស្រុក Long ខេត្ត Phrae។ ប្រជាជនក៏មានអារម្មណ៍ញ័រផងដែរ​ នៅក្នុងស្រុក Den Chai, Sung Men និង Wang Chin។

នៅម៉ោង ៤:៣៦ ព្រឹក ការរញ្ជួយដីមួយទៀតកម្រិត ៤.១ រ៉ិចទ័រ ត្រូវបានកត់ត្រា ជាមួយជម្រៅ ២គីឡូម៉ែត្រនៅក្រោមភូមិ Mae Khue នៃស្រុក Doi Saket ខេត្ត Chiang Mai។

ហើយនៅវេលាម៉ោង ៥:១៦ព្រឹក មានការរញ្ជួយដីកម្រិត ២.៩រ៉ិចទ័រ ជម្រៅ ១គីឡូម៉ែត្រ នៅក្រោមឃុំ Ban Pin ស្រុក Long ខេត្ត Phrae។

នាយកដ្ឋានធារាសាស្ត្រថៃ បានរាយការណ៍ថា ទំនប់ Mae Kuang Udom Thara ក្នុងស្រុក Doi Saket និងទំនប់ Mae Ngat Somboon Chon ក្នុងស្រុក Mae Taeng នៃខេត្ត Chiang Mai មិនមានផលប៉ះពាល់អ្វីឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ឈៀងម៉ៃ ជួបគ្រោះរញ្ជួយដី ខណៈខេត្តភាគច្រើន ថៃ កំពុងមានទឹកជំនន់