ជីវិតកម្សាន្ដ

ទស្សនិកជនរំពឹងថា តារាស្រី ៥ រូបនេះ នឹងត្រូវតែងតាំងសម្រាប់ពានរង្វាន់ តារាសម្តែងល្អបំផុតឆ្នាំនេះ

បានផុស

២ years មុន

នៅ

ថ្ងៃចន្ទ ២៤ តុលា ២០២២

ដោយ

ជារៀងរាល់ឆ្នាំ នឹងមានការប្រកាសរង្វាន់ដើម្បីលើកទឹកចិត្តតារាសម្ដែងក្នុងប្រទេសថៃ ខណៈកាន់តែខិតជិតដល់ចុងឆ្នាំហើយ។ ជាការពិត ពានរង្វាន់ដែលមនុស្សជាច្រើនទន្ទឹងរង់ចាំនោះ នឹងចៀសមិនផុតឡើយ គឺពានរង្វាន់សម្រាប់តារាស្រីជួរមុខ។

ក្នុងឆ្នាំនេះ ក៏មានតួឯកស្រីជាច្រើនរូបដែលបន្សល់ទុកនូវជំនាញសម្ដែងរបស់ខ្លួន មកបង្ហាញឲ្យមហាជនឃើញយ៉ាងច្រើនចាប់តាំងពីដើមឆ្នាំ ២០២២មកម្ល៉េះ ហើយថ្ងៃនេះ យើងខ្ញុំនឹងបង្ហាញជូនលោកអ្នក ពីតារាស្រី ៥រូប ដែលអ្នកគាំទ្រពេញចិត្តខ្លាំងក្នុងប្រទេសនាឆ្នាំនេះដូចគ្នា។

១ Mint Chalida

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ ឆ្នាំនេះរឿង “Sarn Sanaeha ” ពិតជាផ្ទុះខ្លាំងមិនធម្មតានោះទេ ខណៈសាច់រឿងនេះបានបញ្ចប់កាលពីប៉ុន្មានខែមុន តែនៅតែត្រូវបានពិភាក្សាយ៉ាងទូលំទូលាយនៅក្នុងពិភពសង្គមអនឡាញ។ ក្រៅពីរឿងភាគដែលនាងសម្ដែង Mint ក៏ជាតារាស្រីលេចធ្លោខ្លាំងផងដែរ។

២ Joy Sirilak

វិលមកសម្ដែងរឿងភាគម្ដងទៀត Joy Sirilak បានធ្វើឲ្យអ្នកគាំទ្រហាក់រំភើបចិត្ត និងរឿងភាគចុងក្រោយ ដែលធ្វើឲ្យមនុស្សជាច្រើនចាប់អារម្មណ៍ គឺរឿង “Buang Bai Bun” របស់ស្ថានីយ៍ទូរទស្សន៍ប៉ុស្តិ៍លេខ ៨ ជាហេតុធ្វើឲ្យ Joy ជាប់ឈ្មោះជាតួឯកស្រីក្នុងឆ្នាំនេះដែរ។

៣ Marie Broenner

បន្ទាប់ពីសម្តែងក្នុងរឿង “Revenge From The Past” វាបានក្លាយជាស្នាដៃដែលធ្វើឲ្យអ្នកគាំទ្រពេញចិត្តនិង ចាប់អារម្មណ៍យ៉ាងខ្លាំង។ ជាពិសេសហ្វេនដែលនិយមតាមដានរឿងភាគនេះ បានឲ្យពិន្ទុពេញលើតារាស្រី Marie ដែលពូកែដើរតួធ្វើជាមនុស្សដល់ទៅពីរនាក់ផ្សេងគ្នា។

៤ Yaya Urassaya

ជាមួយនឹងរឿង “Bad Romeo” ជារឿងដែលមានឥទ្ធិពលបំផុតរបស់ប៉ុស្ដិ៍លេខ៣ក្នុងឆ្នាំនេះដូចគ្នា ។ ដោយសារតែការវាយតម្លៃសម្រាប់ការមើលតាមរយៈផ្សាយផ្ទាល់តាមអ៊ីនធឺណិតបានហក់ឡើង។ ហើយវាមិនគួរឲ្យភ្ញាក់ផ្អើលទេ ដែល Yaya មានឈ្មោះនៅលីសជាតួឯកស្រីឆ្នាំនេះ។

៥ Nune Woranuch

រឿង “Khemsonplai” របស់ស្ថានីយ៍ទូរទស្សន៍ប៉ុស្តិ៍លេខ 7 HD ទើបតែបញ្ចប់ទៅកាលពីថ្មីៗនេះទេ។ សាច់រឿងនេះដែរបានធ្វើឲ្យមហាជន ជាច្រើនរញ្ជួយចិត្តនឹងតួស្រីទាំងពីរ ដែលព្យាយាមដណ្ដើមរបស់ដែលខ្លួនស្រលាញ់រៀងៗខ្លួន។ចុងក្រោយអ្នកទាំងពីរបានមកសុំទោសគ្នាទៅមក ដើម្បីលុបលាងភ្លើងកំហឹង បង្កឡើយដោយចិត្តមានៈ និងតណ្ហាដឹកមុខ។

ទោះយ៉ាងនេះក្ដី ទស្សនិកជនជាច្រើននៅតែទន្ទឹងរង់ចាំំមើលថា តើតារាសម្ដែងស្រី ៥ ដូចដែលបានរៀបរាប់ខាងលើ នឹងត្រូវតែងតាំងសម្រាប់ពានរង្វាន់ តារាសម្តែងល្អបំផុតក្នុងឆ្នាំនេះពិតមែនឬអត់?

ប្រែសម្រួល៖ សាង ស្រីល័ក្ខ

ចុចអាន៖Patricia ដឹកដៃមិត្តប្រុសមហាសេដ្ឋី ជប់លៀងលាភាពនៅលីវ មុនមង្គលការចាប់ផ្ដើមចុងឆ្នាំនេះ

ចុចអាន៖Pooklook ទម្លាយចរិតពិត Aum Patcharapa ពេលនៅក្រៅឆាកសម្ដែង