ព័ត៌មានជាតិ

បញ្ចប់ជួសជុលព្រះវិហារបុរាណអាយុ ១៣២ ឆ្នាំ រក្សាបានទម្រង់ដូចដើម

បានផុស

២ years មុន

នៅ

ថ្ងៃអង្គារ ២៥ តុលា ២០២២

ដោយ

ព្រះវិហារបុរាណវត្តសំរោងក្នុងនៅខេត្តបាត់ដំបង ដែលមានអាយុកាលប្រហែល ១៣២ឆ្នាំ ត្រូវបានមន្ត្រីជំនាញនាយដ្ឋានគាំពារនិងអភិរក្សសំណង់បុរាណ ធ្វើការជួសជុលឲ្យមានភាពរឹងមាំ និងមានសោភណភាពដូចដើមឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះវិហារបុរាណដែលមានអាយុកាលប្រមាណ ១៣២ឆ្នាំ ត្រូវបានមន្ត្រីជំនាញនាយដ្ឋានគាំពារនិងអភិរក្សសំណង់បុរាណអគ្គនាយកបេតិកភណ្ឌ ក្រសួងវប្បធម៌ និងវិចិត្រសិល្បៈសហការជាមួយមន្ទីរវប្បធម៌ និងវិចិត្រសិល្បខេត្តបាត់ដំបង ជួសជុលពង្រឹងនូវគ្រឿងបង្គំព្រះវិហារដែលមានស្ថានភាពទ្រុឌទ្រោម ពុកផុយ ខូចខាត ឲ្យមានស្ថានភាពល្អប្រសើរឡើងវិញ ប្រើប្រាស់សម្ភារៈដូចដើម ព្រមទាំងរក្សាបាននូវតម្លៃជាប្រវត្តិសាស្ត្ររបស់ព្រះវិហារ។ ការងារជួសជុលនេះត្រូវបានអនុវត្តឡើងចាប់ពីដើមខែឧសភា ឆ្នាំ២០២២ និងបានបញ្ចប់ទាំងស្រុងនៅខែតុលា ឆ្នាំ២០២២នេះ។

ព្រះវិហារនេះ មានទំហំទទឹង ១៥ម៉ែត្រ បណ្ដោយ ២១ម៉ែត្រ និងកម្ពស់ ១៣,៥ម៉ែត្រ។ សសរផ្នែកខាងក្នុង និងគ្រឿងបង្គំដំបូលធ្វើពីឈើ ជញ្ជាំងធ្វើឥដ្ឋបូកបាយអរ។ ក្នុងនោះនៅឆ្នាំ១៩៧៥-១៩៧៩ ខ្មែរក្រហមបានយកព្រះវិហារនេះ ធ្វើជាគុកសម្រាប់ដាក់អ្នកទោស ដែលអ្នកទោសភាគច្រើនជាស្រ្តី៕

Related Topics:វត្តអាម