ការនាំចេញទំនិញរបស់ វៀតណាម អាចជួបបញ្ហាជាប់គាំងនៅចុងឆ្នាំនេះ

យោងក្រសួងឧស្សាហកម្ម និងពាណិជ្ជកម្មរបស់វៀតណាមបានឲ្យដឹងថា សកម្មភាពនាំចេញនាំចូលទំនិញរបស់វៀតណាម នឹងជួបប្រទះបញ្ហាជាប់គាំងមួយចំនួននៅចុងឆ្នាំនេះ ក៏ដូចជានៅដើមឆ្នាំក្រោយផងដែរ ។

ការជួបប្រទះនៅបញ្ហានេះ លោក Nguyen Cam Trang អនុប្រធាននាយកដ្ឋាននាំចេញ-នាំចូលទំនិញញបានលើកឡើងថា គឹអាចបណ្តាលមកពី កត្តានៃការធ្លាក់ចុះនៃសេដ្ឋកិច្ចសកល និងតម្លៃនៃផលិតកម្មឡើងថ្លៃជាដើម ហើយបញ្ហាទាំងនោះ នឹងប៉ះពាល់ដល់ការនាំចេញផលិតផលសំខាន់ៗ ដូចជាវាយនភណ្ឌ ស្បែកជើង និងគ្រឿងសង្ហារឹម ។

ស្របពេលជាមួយគ្នានេះ បញ្ហាអតិផរណាខ្ពស់ក្នុងទីផ្សារ ជាពិសេសទៅលើការនាំចេញ ក៏ធ្វើឲ្យមានការកាត់បន្ថយ តម្រូវការប្រើប្រាស់ដូចគ្នាផងដែរ ។

ជាមួយបញ្ហានេះ អ្នកជំនាញសេដ្ឋកិច្ចវៀតណាម បានព្យាករណ៍ថា កំណើនផលិតកម្មឧស្សាហកម្ម និងការនាំចេញរបស់វៀតណាម នឹងថយចុះនៅក្នុងត្រីមាសទី ៤ ប៉ុន្តែបរិមាណនៃការធ្លាក់ចុះនេះ នឹងមានកម្រិតមធ្យមប៉ុណ្ណោះ ៕

ប្រែសម្រួលដោយ ៖ នាង រតនៈ

ប្រភព ៖ Xinhua

ចុចអាន ៖ ថៃ សង្ឃឹមទទួលបានភ្ញៀវទេសចរ សិង្ហបុរី ជាង ៥០ ម៉ឺននាក់ក្នុងឆ្នាំនេះ