ព័ត៌មានជាតិ
រដ្ឋមន្ត្រីក្រសួងរ៉ែ និងថាមពល ៖ ពលរដ្ឋទូទាំងប្រទេស មានអគ្គិសនីប្រើប្រាស់ស្ទើរគ្រប់ផ្ទះ ប្រមាណជាង ៩៥%
លោក ស៊ុយ សែម រដ្ឋមន្ត្រីក្រសួងរ៉ែ និងថាមពល ថ្លែងបែបនេះក្នុងពិធីសម្ពោធដាក់ឲ្យប្រើប្រាស់អគាររដ្ឋបាលថ្មី មន្ទីររ៉ែ និងថាមពលខេត្តប៉ៃលិន កាលពីព្រឹកថ្ងៃទី ២៦ ខែតុលា ឆ្នាំ ២០២២ ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន។
ពិធីនេះមានការអញ្ជើញចូលរួមពីលោក ជា ចាន់ឌិន ប្រធានក្រុមប្រឹក្សាខេត្ត លោកស្រី បាន ស្រីមុំ អភិបាលខេត្តប៉ៃលិន ព្រមទាំងគណៈប្រតិភូ អមគណៈអធិបតីក្រសួង និងលោក លោកស្រី តាមបណ្ដាមន្ទីរជុំវិញខេត្តជាច្រើននាក់។
លោកស្រី បាន ស្រីមុំ អភិបាលខេត្តប៉ៃលិន មានប្រសាសន៍លើកឡើងថា ក្រោមការដឹកនាំប្រកប ដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា និងការជួយឧបត្ថម្ភគាំទ្រ ពីក្រសួង ស្ថាប័នថ្នាក់ជាតិ រដ្ឋបាលខេត្តប៉ៃលិន បានខិតខំប្រមូលផ្តុំនូវគំនិតស្មារតី ធ្វើការដឹកនាំអភិវឌ្ឍន៍ខេត្ត ឲ្យរីកចម្រើនជាបន្តបន្ទាប់។ ជាក់ស្ដែងពិធីសម្ពោធដាក់ឲ្យប្រើប្រាស់ជាផ្លូវការអគាររដ្ឋបាលថ្មីរបស់មន្ទីររ៉ែ និងថាមពលខេត្តប៉ៃលិន នាឱកាសនេះ ពិតជាឆ្លុះបញ្ចាំងពីការយកចិត្តទុកដាក់ខ្ពស់ចំពោះការងារអភិវឌ្ឍន៍សេដ្ឋកិច្ចសង្គមក្នុងខេត្ត និយាយជារួម និងដោយឡែក ចំពោះវិស័យរ៉ែ និងថាមពល ដែលជាមូលដ្ឋានគ្រឹះមួយ ក្នុងចំណោមវិស័យអាទិភាពមួយចំនួនទៀត ក្នុងការលើកកម្ពស់ការអភិវឌ្ឍជាអន្តរវិស័យ មានភាពប្រទាក់ក្រឡា និងស៊ីសង្វាក់គ្នា ស្របតាមគោលនយោបាយ យុទ្ធសាស្ត្រចតុកោណដំណាក់កាលទី ៤ របស់រាជរដ្ឋាភិបាលកម្ពុជាផងដែរ។
មានប្រសាសន៍ក្នុងឱកាសនោះដែរ លោក ស៊ុយ សែម រដ្ឋមន្ត្រីក្រសួងរ៉ែ និងថាមពល លើកឡើងថា វិស័យរ៉ែ និងថាមពល និងប្រេងកាត ចូលរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ និងបានផ្ដល់ភាពងាយស្រួលជូនប្រជាពលរដ្ឋប្រើប្រាស់ក្នុងជីវភាពប្រចាំថ្ងៃ។ ដូច្នេះមន្ទីររ៉ែ និងថាមពល គឺជាសេនាធិការរបស់រដ្ឋបាលខេត្ត ធ្វើយ៉ាងណាត្រូវត្រួតពិនិត្យ និងចេញអាជ្ញាប័ណ្ណឲ្យត្រឹមត្រូវដល់ម្ចាស់សហគ្រាស ក្រុមហ៊ុន ដែលទទួលបានអាជ្ញាប័ណ្ណក្នុងការប្រកបមុខរបរអាជីវកម្មរបស់ខ្លួន ទៅតាមច្បាប់ដែលបានកំណត់។
លោករដ្ឋមន្ត្រីក្រសួងរ៉ែ និងថាមពល ក៏បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងយកចិត្តទុកដាក់របស់មន្ទីររ៉ែ និងថាមពលខេត្តប៉ៃលិន ដែលធ្វើការងារអស់កម្លាំងកាយចិត្ត និងអនុវត្តតាមគោលការណ៍បែបបទរបស់ក្រសួងដាក់ជូនយ៉ាងល្អប្រសើរ។
ជាមួយគ្នានេះ លោករដ្ឋមន្ត្រី ក៏មានប្រសាសន៍ផ្ដាំផ្ញើដល់មន្ត្រីរាជការទាំងអស់ ពេលបានអគារល្អហើយ ត្រូវខិតខំធ្វើការ និងចូលរួមថែរក្សាអគារឲ្យស្អាត ដើម្បីជាប្រយោជន៍ប្រើប្រាស់បានយូរអង្វែង ។ ក្នុងនោះ ត្រូវសហការចូលរួមដឹកនាំគ្រប់គ្រងវិស័យរ៉ែ និងថាមពល ឲ្យបានល្អប្រសើរផងដែរ។
បើតាមរបាយការណ៍របស់លោក សុខ សួន ប្រធានមន្ទីររ៉ែ និងថាមពលខេត្តប៉ៃលិន ឲ្យដឹងថា អគាររដ្ឋបាលថ្មី នៃមន្ទីររ៉ែ និងថាមពល ដែលសម្ពោធដាក់ឲ្យប្រើប្រាស់ជាផ្លូវការនេះ ត្រូវបានបញ្ចប់ការសាងសង់ ១០០% កាលពីថ្ងៃទី ១៦ ខែឧសភា ឆ្នាំ ២០២១។ ប្រើរយៈពេលសាងសង់ចំនួន ៥ ខែ ១៩ ថ្ងៃ គឺមានទំហំ ២០ ម៉ែត្រ x ១០ ម៉ែត្រ,កម្ពស់ ២ ជាន់, ក្នុងនោះជាន់ក្រោម ៧ បន្ទប់ មានបន្ទប់ទឹកចំនួន ២, ជាន់លើ ៣ បន្ទប់ (សាលប្រជុំ ១) និងបន្ទប់ទឹក ២ និងបានបំពាក់ម៉ាស៊ីនត្រជាក់ និងសង្ហារិមសម្រាប់បំពេញការងាររួចរាល់៕
អត្ថបទ ៖ សេង សុវណ្ណារិទ្ធ
លោកបណ្ឌិត អុិន ចាន់នី អះអាងថា ២០២៥ ជាឆ្នាំដ៏ពិសេសសម្រាប់ការរីកចម្រើនលូតលាស់ខ្លាំងរបស់ធនាគារ អេស៊ីលីដា
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
ខេត្តរតនគិរី មានវត្តអារាម៤០វត្ត និងព្រះសង្ឃ៣៥៤អង្គ មាន២៦អង្គ ជាជនជាតិដើមភាគតិច
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
លោក Amorim ស្នើក្លិប Man United រកកីឡាករថ្មីជំនួស Antony
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
ការកក់បន្ទប់ស្នាក់នៅ មុនពេលបុណ្យចូលឆ្នាំចិន មិនទាន់មាន ខណៈអ្នកជំនាញអះអាងថា ជាទម្លាប់ប្រជាជនមិនចូលចិត្តកក់ទុកមុន
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម១៩ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ