ព័ត៌មានជាតិ

រដ្ឋមន្រ្តី៖ គ្រឿងចក្របញ្ជូនទៅដល់ខេត្តក្រចេះ ត្រៀមបើកការដ្ឋានស្ថាបនាស្ពានឆ្លងទន្លេ

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

ឆ្លើយតបសំនួររបស់សារព័ត៌មានកម្ពុជាថ្មីក្នុងសន្និសីទព្រឹកនេះ រដ្ឋមន្ត្រីក្រសួងសាធារណការនិងដឹកជញ្ជូនបានបញ្ជាក់ថា គ្រឿងចក្រមួយចំនួនពិតជាបានបញ្ជូនដើម្បីត្រៀមទៅបើកការដ្ឋានសាងសង់ស្ពាននៅខេត្តក្រចេះ។

“រូបថតដែលបែកធ្លាយពិតជា ១០០% ជាគ្រឿងចក្របញ្ជូនទៅដើម្បីស្ថាបនាស្ពាននៅខេត្តក្រចេះ។ ជាធម្មតាក្រុមហ៊ុនត្រូវបញ្ជូនគ្រឿងចក្រទៅមុន ហើយចាប់ផ្តើមធ្វើការបណ្តើរៗលើការដ្ឋានដែលត្រូវសាងសង់”។ លោក ស៊ុន ចាន់ថុល បានបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោករដ្ឋមន្រ្តី កិច្ចព្រមព្រៀងបានចុះហត្ថលេខារួចហើយ។ មេដឹកនាំចិននឹងចុះហត្ថលេខាលើការផ្តល់ប្រាក់កម្ចីសាងសង់ក្នុងដំណើរទស្សនកិច្ចមកចូលរួមកិច្ចប្រជុំអាស៊ាននៅរាជធានីភ្នំពេញប៉ុន្មានថ្ងៃទៀតនេះ។

ស្ពានឆ្លងកាត់ទន្លេមេគង្គក្នុងខេត្តក្រចេះ សាងសង់ឡើងក៏នឹងតភ្ជាប់ជាមួយខេត្តកំពង់ធំ និងខេត្តសៀមរាប ដែលសម្រួលកាត់បន្ថយចម្ងាយផ្លូវត្រឹម ១២៩គីឡូម៉ែត្រតែប៉ុណ្ណោះ។ កន្លងមកលោក ស៊ុន ចាន់ថុល បានឱ្យដឹងថា ស្ពានឆ្លងកាត់ទន្លេមេគង្គខេត្តក្រចេះ មានប្រវែងសរុប ១១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក ដោយគ្រោងចំណាយថវិកាសរុបជាង ៥៦លានដុល្លារ៕