ព័ត៌មានជាតិ
មន្ទីរពេទ្យលោកសង្ឃ កម្ពស់ ១១ ជាន់ សាងសង់ប្រើពេល ៤០ ខែ អាចរួចរាល់មុនផែនការ
មន្ទីរពេទ្យព្រះកុសុមៈ ឬមន្ទីរពេទ្យលោកសង្ឃ ដំណើរការការដ្ឋានសាងសង់គ្រោងនឹងអាចបញ្ចប់មុនផែនការ។ នេះបើតាមការកត់សម្គាល់របស់សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ។
ក្នុងពេលចុះការដ្ឋានសាងសង់មន្ទីរពេទ្យជាជំនួយរបស់ប្រទេសចិនកាលពីថ្ងៃអាទិត្យម្សិលមិញ សម្តេចក្រឡាហោម បានវាយតម្លៃខ្ពស់លើដំណើរការសាងសង់ដែលក្រុមហ៊ុនបានសាងសង់លឿន និងមានគុណភាព ពោលគឺអាចនឹង លឿនជាងផែនការគ្រោងទុក។
សម្ដេចក្រឡា ហោម ស ខេង ឧបនាយករដ្ឋមន្រ្តី បានគូសបញ្ជាក់ថា ដំណើរការសាងសង់មន្ទីរពេទ្យនេះ បង្កើតនូវសមិទ្ធផលដ៏មានសារៈសំខាន់សម្រាប់សេវាសុខភាពសាធារណៈជូនពលរដ្ឋ។
មន្ទីរពេទ្យព្រះកុសុមៈដែលស្ថិតចំកណ្តាលរាជធានីភ្នំពេញ ត្រូវបានកសាងតាំងពីឆ្នាំ១៩៥៣ និងដាក់ឲ្យដំណើរការនៅឆ្នាំ១៩៥៦ ត្រូវពលរដ្ឋខ្មែរទូទៅស្គាល់ថា ជាមន្ទីរពេទ្យលោកសង្ឃ។
អគារមន្ទីរពេទ្យមិត្តភាពកម្ពុជាចិនថ្មីនៃមន្ទីរពេទ្យព្រះកុសុមៈ ចំណាយថវិកាជាង ៨០ លានដុល្លារ សាងសង់លើផ្ទៃដីសរុប ១៣.៧៤០ ម៉ែត្រការ៉េ នឹងចប់រួចរាល់ក្នុងរយៈពេល៤០ខែ។
អគារថ្មីនៃមន្ទីរពេទ្យនេះមានកម្ពស់៥៣ម៉ែត្រ និងមាន១១ជាន់ អាយុកាលនៃការប្រើប្រាស់មានរយៈពេល៥០ឆ្នាំ ហើយអាចសម្របតាមអាកាសធាតុរដូវប្រាំង និងរដូវវស្សា។ អគារដដែលក៏នឹងមានប្រព័ន្ធផ្គត់ផ្គង់ទឹក អគ្គិសនី និងប្រព័ន្ធបង្ហូរលូទឹកស្អុយ អនុវត្តតាមស្ដង់ដាប្រទេសចិនស្របតាមស្ថានភាពជាក់ស្ដែង មានបន្ទប់សរុប១៣២បន្ទប់ និង បង្គន់អនាម័យ២១៩បន្ទប់។
អគារដែលត្រូវសាងសង់ ក៏មានទីវាលសម្រាប់ការចុះចតរបស់ឧទ្ធម្ភាគចក្រ (helicopter) ដែលអាចទ្រទម្ងន់មធ្យមពី៣ ទៅ៥តោននៅលើដំបូលអគារ។ អគារថ្មី ត្រូវចែកចេញជាផ្នែកសម្រាប់មុខងារមួយចំនួនដូចជា ផ្នែកពិគ្រោះជំងឺក្រៅ ផ្នែកសង្គ្រោះបន្ទាន់ ផ្នែកបច្ចេកវិទ្យាវេជ្ជសាស្ដ្រ ផ្នែកជំងឺទូទៅ ផ្នែកជំងឺវះកាត់ព្រមទាំងសេវាជំនួយផ្សេងៗទៀត។ អគារនេះ មានសមត្ថភាពអាចដាក់គ្រែទទួលឲ្យអ្នកជំងឺសម្រាកព្យាបាលចំនួនសរុប៤០០គ្រែ៕
ផ្លូវក្រាលកៅស៊ូមួយខ្សែប្រវែងជាង ៥ គីឡូម៉ែត្រ នៅស្រុកបាធាយ ត្រៀមសម្ពោធដាក់ឲ្យប្រើប្រាស់នៅខែមីនានេះ
តបតាមការសួររក! សេន រ៉ានុត និពន្ធនិងច្រៀងបទ «លោកពុក» ផ្ញើជូនសម្តេចតេជោ
យោធាមីយ៉ាន់ម៉ា បន្តដាក់ប្រទេសក្នុងគ្រាអាសន្នរយៈពេលប្រាំមួយខែទៀត
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះបញ្ចប់បាន ២៧៨៤ផ្ទះហើយ
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានដោះស្រាយ នឹងបញ្ចប់បាន 2784 ផ្ទះហើយ
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៨ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ២១ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»