ជីវិតកម្សាន្ដ

មិនទាន់ដល់ថ្ងៃរៀបការផង Patricia ទម្លាយភ្ញៀវចូលរួម និងត្រៀមយកកូនភ្លោះដូច chompoo

បានផុស

២ years មុន

នៅ

ថ្ងៃចន្ទ ៣១ តុលា ២០២២

ដោយ

Patricia Good ជាកូនក្រមុំមួយរូបទៀត ដែលមហាជនចាប់អាម្មណ៍យ៉ាងខ្លាំង ក្រោយនាងនិងមិត្តប្រុសហៃសូ បានធ្វើពិធីលាភាពនៅលីវ និងថែមទាំងអញ្ជើញមិត្តជិតស្និទ្ធ ព្រមទាំងអ្នកជំនួញល្បីៗក្នុងប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាននេះ Patricia បានបើកចំហអំពីគម្រោងរៀបការរបស់នាង ជាមួយមិត្តប្រុស Note Wiset ដោយនិយាយថា វាមានទំហំមធ្យម ហើយមានសំបុត្រអាពាហ៍ពិពាហ៍៤០០សន្លឹក ស្លៀករ៉ូបកូនក្រមុំ២ឈុតក្នុងមួយថ្ងៃ ឥឡូវនាងត្រៀម៨០ភាគរយហើយ។ ចំណែកថ្ងៃទី ២០ ខែធ្នូ ឆ្នាំ ២០២២ អាចមានពិធីសែនព្រេនក្នុងផ្ទះ ហើយថ្ងៃរៀបមង្គលការគឺនៅថ្ងៃទី ២២ ខែធ្នូ ។

តារាសម្ដែងរូបនេះ បានរៀបរាប់ថា “ដំបូងខ្ញុំចង់បានពិធីតូចមួយ។ ប៉ុន្តែក្រោយពិភក្សាគ្នា និងមើលកន្លែងពិធី យើងក៏គិតថានឹងធ្វើឲ្យព្រឹត្តិការណ៍នេះមានទំហំមធ្យម។ ចំនួនសំបុត្រអញ្ញើញគឺ ៤០០ ប៉ុន្តែអ្នកគ្រប់គ្នាអាចមកជាគូ។ ដូច្នេះចំនួនភ្ញៀវត្រូវបានកំណត់ត្រឹម ៨០០នាក់។ ចំណែកសំលៀកបំពាក់កូនក្រមុំ មានទាំងសំលៀកបំពាក់ថៃ និងបរទេស។” តែយ៉ាងណា Patricia មិនចង់ស្លៀកច្រើនឡើយ នាងបង្ហើបថា សុំរ៉ូបលឿនបំផុតទើបមានទំនុកចិត្ត ស្លៀក២ឈុតក្នុងមួយថ្ងៃ។

តួឯកស្រីក្នុងរឿងសត្រូវមិត្តបានបន្ថែមទៀតថា សំណាងដែលមានអ្នករៀបចំផែនការ ប្រសិនបើអ្នកអាចធ្វើវាដោយខ្លួនឯង វាមិនអាចទៅរួចទេ។ ប្រាកដជាត្រូវមានអ្នកជួយសម្របសម្រួល ជួយរៀបចំរាល់ព័ត៌មានលម្អិត។ ដោយឡែកសម្រាប់រឿងមានអ្នកស្នងមរតកនាងនិងអនាគតស្វាមីបានត្រៀមខ្លួនជាស្រេច។ ប៉ុន្តែមើលការងារជាមុនសិនព្រោះមិនចង់មានបញ្ហាជាមួយការងារទេ។ នាងចង់បានកូនភ្លោះដូចបងថ្លៃ Chompoo Araya ប្រសិនបើរាងកាយមិនអាចទទួលបបាន នឹងពិគ្រោះជាមួយវេជ្ជបណ្ឌិត៕