Mark បើកជំនួញថ្មី មុនដឹកដៃ Kimberly ចូលរោងការឆ្នាំក្រោយ

មុនបណ្ដើរមិត្តស្រីចូលរោងជ័យ នា​ខែវិច្ឆិកា ឆ្នាំ​២០២៣ ខាងមុខនេះ តារាសម្ដែង​ ​Mark Prin ​​បានបើកសម្ពោធជំនួញថ្មីសន្លាង ដោយមានមិត្តភក្តិក្នុងវិស័យសិល្បៈ និងគូស្នេហ៍ Kimberly ចូលរួមអបអរសាទរយ៉ាងកក់ក្ដៅ។

កាលពីម្សិលមិញនេះ Mark Prin បានបើកសម្ពោធហាងលក់ស្បែកជើងបុរស “The Recrafting” ដែលមានវត្តមានរបស់ Kimberly ទៅលើកទឹកចិត្តក្នុងកម្មវិធីសម្ពោធនេះ។ ជាមួយគ្នានោះ ប្រិយមិត្តបានឃើញ Kimberly បង្ហោះរូបភាពជាច្រើនសន្លឹក និងបាច់ផ្កាមួយបាច់ធំ ជាមួយនឹងខេបសិនចូលរួមអបអរសាទរ និងពាក្យជូនពរចំពោះមិត្តប្រុសសំណព្វចិត្តផងដែរ។

ភ្លាមៗមានអ្នកគាំទ្រជាច្រើនបានចូលមកសម្តែងការអបអរសាទរជាមួយ Kimberly ដោយអ្នកខ្លះជូនពរឱ្យអាជីវកម្មទទួលបានភាពជោគជ័យ ខណៈអ្នកខ្លះឆ្លៀតចំអន់ថា អនាគតកូនកំលោះញញឹមស្រស់ណាស់ ព្រោះមានអនាគតភរិយាដ៏គួរឱ្យស្រឡាញ់ចាំជួយគាំទ្រ ហើយពួកគេពិតជាចង់ឃើញពិធីមង្គលការឆាប់ៗ៕

ប្រែសម្រួល៖ សន្យា

ចុចអាន៖ Kimberly ទស្សនាផ្ទះថ្មី ត្រៀមរស់នៅជាមួយអនាគតស្វាមី Mak Prin

ចុចអាន៖ ស្ដាប់បទនេះ​ហើយ ទើបដឹងថា Engfa ចេះច្រៀងពីរោះប៉ុនណា (មានវីដេអូ)