កីឡា

U-20 នារីកម្ពុជា ធ្វើជាម្ចាស់ផ្ទះពូល G ទទួលក្រុមខ្លាំង ៣ នៅឆ្នាំក្រោយ

បានផុស

២ years មុន

នៅ

ថ្ងៃព្រហស្បតិ៍ ៣ វិច្ឆិកា ២០២២

ដោយ

ក្រុមជម្រើសជាតិនារីកម្ពុជា អាយុក្រោម ២០ ឆ្នាំ នឹងធ្វើជាម្ចាស់ផ្ទះពូល G ទទួលរៀបចំការប្រកួតពានរង្វាន់បាល់ទាត់នារីប្រចាំទ្វីបអាស៊ី អាយុក្រោម ២០ ឆ្នាំ (AFC U-20 Women Asian Cup 2024 Qualifiers Round) សម្រាប់វគ្គជម្រុះ។ នេះដោយយោងតាមលទ្ធផល នៃការចាប់ឆ្នោតបែងចែកពូលដែលធ្វើឡើងនៅមុននេះបន្តិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជា ស្ថិតក្នុងចំណោមប្រទេស ៨ ដែលធ្វើម្ចាស់ផ្ទះវគ្គជម្រុះរួមមាន បង់ក្លាដែស, ហ្ស៊កដានី, កៀរស៊ីស្ថាន, ឡាវ, ប៉ាឡេស្ទីន, ថៃ និងវៀតណាម ហើយត្រូវធ្វើជាម្ចាស់ផ្ទះពូល G ដើម្បីទទួលក្រុមនារី ប៉ាគីស្ថាន, នារីម៉ាឡេស៊ី និងនារីមីយ៉ាន់ម៉ា។

ក្រោយការចាប់ពូលនេះរួច ប្រកួតគ្រោងធ្វើពីថ្ងៃទី ០៤ ដល់ថ្ងៃទី ១២ ខែមីនា ឆ្នាំ ២០២៣ ដើម្បីរកក្រុមឡើងទៅប្រកួតជុំផ្ដាច់ព្រ័ត្រ នៅឆ្នាំ ២០២៤ នាប្រទេសអ៊ូសបីគីស្ថាន ដោយយកតែក្រុមលេខ ១ ប្រចាំពូលតែប៉ុណ្ណោះ។

បញ្ជាក់ថា នេះជាលើកដំបូងហើយសម្រាប់បាល់ទាត់នារីកម្ពុជា ដែលទទួលរៀបចំបាល់ទាត់កម្រិតអន្តរជាតិ ដ្បិតកន្លងមកឃើញមានតែរៀបចំបាល់ទាត់បុរស ឬកម្រិតយុវជនប៉ុណ្ណោះ៕

អត្ថបទ ៖ មន្នីរ័ត្ន

Related Topics:បាល់ទាត់នារី