អ្នកបើកបរធ្វើឲ្យប៉ះពាល់ក្បួនដង្ហែគណៈប្រតិភូមានទោសជាប់ពន្ធនាគារ និងពិន័យប្រាក់ពី ៨ សែនដល់ ៤ លានរៀល

យោងតាមមាត្រា ៨១ នៃច្បាប់ស្ដីពីចរាចរណ៍ផ្លូវគោកចែងថា ជនណាបើកបរ​មិនគោរពសញ្ញាបញ្ជារបស់មន្ត្រី​មានសមត្ថកិច្ច​ការពារក្បួនដំណើរ​គណៈប្រតិភូ ឬថ្នាក់ដឹកនាំជាន់ខ្ពស់​បង្កការខូចខាត​ដល់យានយន្តរបស់ក្បួន​ត្រូវផ្ដន្ទាទោសដាក់ពិន័យ​ពន្ធនាគារ​ពី១ ខែទៅ ប្រាំ ៦ ខែ និងពិន័យជាប្រាក់​ពី ៨ សែនរៀល ទៅ ៤ លានរៀល។

សូមជំរាបថា រដ្ឋបាលរាជធានីភ្នំពេញបានប្រកាសបញ្ចៀសចរាចរណ៍យានយន្តគ្រប់ប្រភេទជាបណ្ដោះអាសន្នក្នុងកិច្ចប្រជុំកំពូលអាស៊ានលើកទី៤០ និងលើកទី៤១ និងកិច្ចប្រជុំពាក់ព័ន្ធនានានៅរាជធានីភ្នំពេញ។ ផ្លូវត្រូវបញ្ចៀសរួមមាន៖

១-ចំពោះយានយន្តដែលធ្វើដំណើរចូលរាជធានីភ្នំពេញតាមមហាវិថីសហព័ន្ធរុស្ស៊ី ត្រូវបង្វែរទិសចរាចរណ៍ត្រង់ចំណុចស្ពានអាកាសចោមចៅឆ្ពោះទៅមហាវិថីចោមចៅ។

២-ចំពោះយានយន្តដែលធ្វើដំណើរចេញ-ចូលមហាវិថីព្រះនរោត្តម ត្រូវបង្វែរទិសចរាចរណ៍តាមផ្លូវលេខ៦៣ និងតីរវិថីព្រះស៊ីសុវត្ថិ។

៣-ចំពោះយានយន្តដែលធ្វើដំណើរចេញ-ចូលមហាវិថីព្រះមុនីវង្ស ត្រូវបង្វែរទិសចរាចរណ៍ត្រង់ ចំណុចច្រមុះជ្រូកក្បាលថ្នល់ឆ្ពោះទៅមហាវិថីកងយោធពលខេមរភូមិន្ទ(ផ្លូវលេខ២៧១)ត្រង់រង្វង់មូលកួចកាណុងត្រូវបង្វែរទៅវិថីឧកញ៉ា ឃ្លាំងមឿង(ផ្លូវលេខ៧០)។

៤-ចំពោះយានយន្តដែលធ្វើដំណើរចូលរាជធានីភ្នំពេញតាមផ្លូវជាតិលេខ៦ ត្រូវបង្វែរទិសចរាចរណ៍ តាមមហាវិថីឈ្នះឈ្នះ។ ករណីយានយន្តស្ថិតនៅក្នុងតំបន់ជ្រោយចង្វារត្រូវបង្វែរចរាចរណ៍តាម រង្វង់មូលនាងទេពមច្ឆាឆ្លងតាមស្ពានបេឡេចូលរាជធានីភ្នំពេញ។

៥- ចំពោះយានយន្តដែលធ្វើដំណើរលើវិថីឧកញ៉ា ឃ្លាំងមឿង (ផ្លូវលេខ៧០) ក្នុងទិសដៅទៅរង្វង់ មូលកួចកាណុងត្រូវបង្វែរទិសចរាចរណ៍ចូលតាមមហាវិថីស៊ីធីសេនធ័រ(ផ្លូវលេខ១៦៩តំបន់ បឹងកក់) និងផ្លូវបេតុងផ្សារសំហាន់ឆ្ពោះទៅផ្លូវលេខ៥៩៨៕