រុស្ស៊ី នឹងដាក់មុខវិជ្ជាបណ្ដុះបណ្ដាលយោធាក្នុងកម្មវិធីសិក្សារបស់សាលា

យោងតាមរដ្ឋមន្ត្រីក្រសួងអប់រំរុស្ស៊ីលោក Sergey Kravtsov បានឲ្យដឹងថា មុខវិជ្ជាបណ្ដុះបណ្ដាលយោធាបឋម នឹងត្រូវដាក់ឲ្យប្រើប្រាស់ក្នុងកម្មវិធីសិក្សារបស់សាលារៀននៅប្រទេសរុស្ស៊ី ចាប់ពីឆ្នាំក្រោយទៅ ។

លោក Sergey Kravtsov បានប្រាប់អ្នកយកព័ត៌មានកាលពីពេលថ្មីៗនេះថា វគ្គសិក្សានេះនឹងត្រូវបានដាក់បញ្ចូលទៅក្នុងមុខវិជ្ជា Fundamentals of Life Safety (FLS) ដែលជាផ្នែកមួយនៃកម្មវិធីសិក្សារបស់សាលាដែលមិនអាចខ្វះបាន ។

លោកបានកត់សម្គាល់ថា ក្រសួងអប់រំរុស្ស៊ីបច្ចុប្បន្នកំពុងធ្វើការលើកម្មវិធីសិក្សានេះ ហើយគ្រូបង្រៀនក៏នឹងទទួលការបណ្តុះបណ្តាលផងដែរ ។

លោក Kravtsov បាននិយាយថា វគ្គសិក្សានេះនឹងដាក់ដំណើរការនៅថ្ងៃទី ១ ខែមករា ឆ្នាំ ២០២៣ ខណៈដំបូងឡើយ វាត្រូវបានគេបង្រៀនជាកម្មវិធីសាកល្បងប៉ុណ្ណោះ មុនពេលទទួលបានការអនុម័តលើកចុងក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ុយក្រែន ថា ការដកទ័ព រុស្ស៊ី ចេញពីតំបន់ Kherson មិនមែនជារឿងល្អទេ