ឱកាស​សិក្សា​ជំនាញ​សិល្បៈ​ឥត​គិត​ថ្លៃ​ នៅ​សាលា មធ្យម​សិក្សា​វិចិត្រសិល្បៈ​ឆ្នាំ​សិក្សា ​២០២២-២០២៣​

សាលា​មធ្យម​សិក្សា​វិចិត្រសិល្បៈ បាន​ប្រកាស​ជ្រើសរើស​សិស្ស​ឱ្យ​ចូល​រៀន​​ឥត​គិត​ថ្លៃ​ជំនាញ​សិល្បៈ​ក្នុង​ឆ្នាំ​សិក្សា​ថ្មី​២០២២-២០២៣។ ជំនាញសិក្សា​មាន​ផ្នែក​​តូរ្យតន្ត្រី ​របាំ ​ល្ខោន ​សៀក និង​សិល្បៈ​សូនរូប​។

ការ​សិក្សាតម្រូវ​ឱ្យ​សិស្ស​បំពេញ​បែប​បទ​ដូចជា ពាក្យ​សុំ​ប្រឡង​១​ច្បាប់ ប្រវត្តិ​រូប​សង្ខេប​ ១ ច្បាប់ សៀវភៅ​តាម​ដាន​ការ​សិក្សា ឬ​លិខិត​បញ្ជាក់​ការ​សិក្សា ១ច្បាប់ បង្កាន់​ដៃ​ចូល​ប្រឡង ១ច្បាប់ សំបុត្រ​កំណើត​ថត​ចម្លង ១ច្បាប់ រូប​ថត​៤x៦ ថត​ចំ​ពី​មុខ​ចំនួន ៣​សន្លឹក។ ​

ចំពោះវិញ្ញាសារប្រឡង បែងចែកជា ២។ ទី១ វិញ្ញាសារប្រឡងចំណេះដឹងទូទៅ និងវិញ្ញាសារប្រឡងតាមបច្ចេកទេសជំនាញ។

សិស្សដែលមានបំណងចង់ធ្វើការប្រឡង ត្រូវមកទទួលពាក្យប្រឡងនៅការិយាល័យសិក្សានៃសាលាមធ្យមវិចិត្រសិល្បៈ ស្ថិតនៅវិថីបណ្ឌិតម៉ុងឬទ្ធី (១៩២៨) ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ កាលបរិច្ឆេទប្រឡងគឺនៅថ្ងៃទី២០ ខែធ្នូ ឆ្នាំ២០២២៕

ដោយ៖ ថារី