ជួបជាមួយអ្នកបង្កើតពានរង្វាន់ World Cup ដែលប្រទេសរបស់ខ្លួនមិនមានមុខនៅឆ្នាំនេះ

ខណៈដែលវាមានតម្លៃប្រហែល ៥០,០០ដុល្លារនៅពេលផលិត ប៉ុន្តែតម្លៃពិតប្រាកដរបស់វាមានតម្លៃប្រហែល ២០លានដុល្លារ នោះគឺ ‘ពានរង្វាន់ World Cup’ ដែលបច្ចុប្បន្នបានទៅដល់ប្រទេសកាតា មុនការប្រកួតនៅថ្ងៃទី២០ ខែវិច្ឆិកា។

ពានរង្វាន់នេះត្រូវបានបង្ហាញបន្ទាប់ពីដំណើរទេសចរណ៍ពិភពលោកចំនួន ៥១ប្រទេស (រួមទាំងកម្ពុជា) ជាមួយនឹងការឈប់សម្រាកក្នុងប្រទេសទាំង៣២ ដែលបានជម្រុះជាប់សម្រាប់ការប្រកួតនៅឆ្នាំនេះ។ ពានរង្វាន់នេះធ្វើពីមាស​១៨ការ៉ាត់ កម្ពស់ត្រឹមតែ ៣៧សង់ទីម៉ែត្រ និងមានទម្ងន់ជាង ៦គីឡូក្រាម វាបង្ហាញរូបមនុស្ស ២នាក់ដែលកាន់ផែនដីខ្ពស់។

ហើយខណៈដែលក្រុមបាល់ទាត់ជម្រើសអ៊ីតាលី មិនបានចូលរួមក្នុងការប្រកួតនោះ គ្រួសារអ៊ីតាលីមួយនឹងត្រូវបានតំណាងនៅក្នុងប្រទេសកាតា ដូចដែលពួកគេធ្លាប់ក្នុងរយៈពេលជាង ៥០ឆ្នាំមកហើយ។

Silvio Gazzaniga ដែលជាវិចិត្រករនៅទីក្រុង Milan ប្រទេសអ៊ីតាលី បានឆ្លាក់រូបពានរង្វាន់ដ៏ល្បីល្បាញ ក្នុងឆ្នាំ១៩៧១ បន្ទាប់ពីប្រេស៊ីល ត្រូវបានអនុញ្ញាតឱ្យរក្សាពានរង្វាន់ពីមុន បន្ទាប់ពីឈ្នះវាចំនួន ៣ដង។ វាត្រូវបានគេដាក់ឈ្មោះថា Jules Rimet Trophy ដើម្បីជាកិត្តិយសដល់ប្រធាន FIFA ទី៣ ដែលបានត្រួសត្រាយឱ្យមានការប្រកួត World Cup ជាលើកដំបូង។ ហើយអាជីវកម្មគ្រួសារសិប្បករដែល Gazzaniga ធ្វើការ នៅតែរក្សាសិទ្ធិក្នុងការបង្កើតពានរង្វាន់ជានិមិត្តរូបដដែលដល់សព្វថ្ងៃ៕

ប្រភព៖ aljazeera.com

អត្ថបទ៖ មន្នីរ័ត្ន