សន្តិសុខសង្គម

រដ្ឋបាលជលផលខេត្តកំពង់ធំ បន្តចុះបង្ក្រាប និងទប់ស្កាត់បទល្មើសនេសាទ ជាបន្តបន្ទាប់

បានផុស

២ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

លោក ជិន ស៊ីថា នាយខណ្ឌរដ្ឋបាលជលផលកំពង់ធំ បានបន្តដឹកនាំកម្លាំង ចុះបង្ក្រាបបទល្មើសនេសាទ ក្នុងដែនបឹងទន្លេសាប ជាបន្តបន្ទាប់ដូចភ្លៀងរលឹម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីថ្ងៃទី ១៦ ខែវិច្ឆិកា ឆ្នាំ ២០២២ ខណ្ឌរដ្ឋបាលជលផលកំពង់ធំ សហការជាមួយ ក្រុមការងារប្រចាំការអនុវត្តបទបញ្ជាទប់ស្កាត់ និងបង្ក្រាបបទល្មើសនេសាទ នៅដែនបឹងទន្លេសាបក្នុងខេត្តកំពង់ធំ។

ក្នុងប្រតិបត្តិការបង្ក្រាបនេះដែរ ជាលទ្ធផលទទួលបាន ក្រុមការងារប្រចាំការអនុវត្តបទបញ្ជាទប់ស្កាត់ និងបង្ក្រាបបទល្មើសនេសាទបឹងទន្លេសាបឈរជើងនៅឃុំពាមបាង ស្រុកស្ទោង លោក ម៉េង ភក្តី ស្នងការរងនគរបាលខេត្តកំពង់ធំ និងជាអនុប្រធានក្រុមការងារ បានដឹកនាំកម្លាំងចម្រុះចុះទប់ស្កាត់បង្ក្រាបបទល្មើសជលផល នៅក្នុងភូមិសាស្ត្រឃុំពាមបាង ស្រុកស្ទោង ខេត្តកំពង់ធំ។

កម្លាំងចម្រុះចុះទប់ស្កាត់បង្ក្រាបបទល្មើសជលផលលទ្ធផលអនុវត្តបាន ០១ ករណី បានរុះរើបំផ្លាញចោលវត្ថុតាងឧបករណ៍នេសាទខុសច្បាប់ (ឆ្នុកប្រើភ្លើងរួមផ្សំ) នៅនឹងកន្លែងរួមមាន ៖ សាច់ឆ្នុកក្រឡាញឹកទំហំ (១៦ ម៉ែត្រ គុណ ១៦ ម៉ែត្រ គុណ ២០ ម៉ែត្រ គុណ ១៥ សង់ទីម៉ែត្រ) ចំនួន ០២ វង់ អាគុយ ១២V ចំនួន ៦ គ្រឿង ដុំភ្លើង ៤ គ្រឿង អំពូលម៉ែត្រ ២ គ្រឿង ខ្សែភ្លើងប្រវែង ៣០ ម៉ែត្រ បង្គោលឫស្សី ២៤ ដើម ខ្សែនីឡុងប្រវែង ៣០០ ម៉ែត្រ។

គួរបញ្ជាក់ផងដែរថា សម្រាប់ក្រុមការងារប្រចាំការអនុវត្តបទបញ្ជាទប់ស្កាត់ និងបង្ក្រាបបទល្មើសនេសាទបឹងទន្លេសាប ប្រចាំការឃុំផាត់សណ្តាយ ថ្ងៃនេះប្រចាំការនៅកន្លែង៕

អត្ថបទ ៖ ឈាង មករា