ព័ត៌មានជាតិ
រថយន្តពាក់ស្លាកលេខ ខ ម រាប់រយគ្រឿង ត្រូវបានត្រួតពិនិត្យ បើមានសេះហោះចាត់បញ្ជូនទៅគយបន្ត
មន្ត្រីជាន់ខ្ពស់អាវុធហត្ថរាជធានីភ្នំពេញ បានប្រាប់កម្ពុជាថ្មីឲ្យដឹង នៅរសៀលថ្ងៃទី០៥ ខែមករា ឆ្នាំ២០២១នេះថា មានរថយន្តពាក់ស្លាកលេខ ខ ម រាប់រយគ្រឿងគ្រឿងហើយត្រូវបានឆ្លងកាត់ការត្រួតពិនិត្យរបស់កម្លាំងកងរាជអាវុធហត្ថរាជធានីភ្នំពេញ ក្នុងរយៈពេលជាង៣ខែនេះ ដោយក្នុងនោះបើមានរថយន្តពាក់ស្លាកលេខ ខ ម សេះហោះត្រូវចាត់បញ្ជូនទៅខាងគយចាត់ការបន្តតាមច្បាប់។
មន្ត្រីដដែលបានបន្តថា មួយរយៈមកនេះ មហាជនទូទៅក៏ដូចអ្នកដំណើរពិសេសអ្នករស់នៅភ្នំពេញ បានសម្តែងនូវការគាំទ្រយ៉ាងពេញទំហឹងចំពោះសកម្មភាពកម្លាំងអាវុធហត្ថរាជធានី បាននិងកំពុងតែបន្តចាត់វិធានការណ៍ត្រួតពិនិត្យទៅលើរថយន្តពាក់ស្លាកលេខ ខ ម សេះហោះ ដែលកំពុងធ្វើចរាចរយ៉ាងអានាធិបតេយ្យតាមដងផ្លូវនៅរាជធានីភ្នំពេញ ពិសេសក្រុមឡានដឹកដី ដឹកថ្ម ដឹកខ្សាច់ ពាក់ស្លាកលេខ ខ ម លោតឆត្រនោះតែម្ដង ដែលប៉ះពាល់ដល់កិត្តិយសក្រសួងការពារជាតិ។ ការត្រួតពិនិត្យនេះ បានធ្វើឡើងពីសំណាក់កម្លាំងកងយានយន្ត នៃមន្ទីរសម្ភារៈបច្ចេកទេស កងរាជអាវុធហត្ថរាជធានីភ្នំពេញ បានបន្តចុះអនុវត្តការងារ ត្រួតពិនិត្យស្លាកលេខរថយន្តខេមរភូមិន្ទក្លែងក្លាយ ប័ណ្ណបើកបរ ខេមរភូមិន្ទ បកកញ្ចក់ខ្មៅ អាវុធជាតិផ្ទុះ វិទ្យុទាក់ទងនិងបកកញ្ចក់នៅលើដងផ្លូវជាតិលេខ៤ ក្នុងសង្កាត់កំបូលខណ្ឌកំបូល រាជធានីភ្នំពេញ ស្ទើរជារៀងរាល់ថ្ងៃរួមនឹងក្រុមចល័ត ផងដែរ។
មន្ត្រីកងរាជអាវុធហត្ថរាជធានីបានឲ្យដឹងបន្ថែមថា ជាក់ស្ដែងថ្ងៃនេះសកម្មភាពកម្លាំងកង យានយន្ត នៃ មន្ទីរ សម្ភារៈ បច្ចេកទេស កងរាជអាវុធហត្ថរាជធានីភ្នំពេញ បានបន្តចុះអនុវត្តន៍ ត្រួតពិនិត្យ អាវុធជាតិផ្ទុះ ផងនិង រថយន្តដែលបំពាក់ស្លាកលេខ ខេមរភូមិន្ទក្លែងក្លាយ ពិសេសឡានដឹកដីតែម្ដង មិនដឹងគេអាងអីបានហ៊ានប្រើស្លាកខ ម មករកស៊ីឯកជនខ្លួនឯងទៅវិញ។ ចំពោះឡានដឹកដី ដឹកថ្ម ដឹកខ្សាច់ខ្លះពាក់ស្លាកលេខសេះហោះបើរកឃើញត្រូវតែចាត់វិធានការជាបន្ទាន់តាមបទបញ្ជាដ៏ម៉ឺងម៉ាត់របស់លោកឧត្តមសេនីយឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេសនិងជាមេបញ្ជាការកងរាជអាវុធហត្ថរាជធានី ដែលបានបន្តអនុវត្តន៍នៅជាយក្រុង ពិសេសផ្លូវជាតិធំៗជាក់ស្ដែងផ្លូវជាតិលេខ៤ នៅកំបូលតែម្ដងដែលកម្លាំងអាវុធហត្ថបន្តចុះអនុវត្តជាប្រចាំ។
មន្ត្រីដដែលបានបន្តថា ក្រៅពីនេះ កម្លាំងក្នុងទីបញ្ជាការ ក៏ដូចជាកម្លាំងតាមបណ្តាមូលដ្ឋានអាវុធហត្ថខណ្ឌទាំង១៤ នៃកងរាជអាវុធហត្ថរាជធានីភ្នំពេញ បានធ្វើការត្រួតពិនិត្យសុខភាព វាស់កម្ដៅ បាញ់ថ្នាំសម្លាប់មេរោគ ដល់នាយទាហាន នាយទាហានរង ពលទាហាន ជាប្រចាំដើម្បីបង្ការទប់ស្កាត់ និងជៀសផុតពីជំងឺឆ្លងកូវីដ១៩។
ក្រៅពីអនុវត្តវិធានការត្រួតពិនិត្យអាវុធជាតិផ្ទុះ និងរថយន្តពាក់ស្លាកលេខ ខ ម ក្លែងក្លាយមកសកម្មភាពកម្លាំងកងរាជអាវុធហត្ថរាជធានីភ្នំពេញ ក្រោកពីព្រលឹម រួសរាន់ងូតទឹក ស្លៀកពាក់ រួចរង់ចាំបទបញ្ជាចេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ដល់គណៈប្រតិភូជាតិ អន្តរជាតិ ជួយសម្រួលចរាចរជូនបងប្អូនប្រជាពលរដ្ឋ និងសិស្សានុសិស្សឆ្លងផ្លូវ តាមភូមិសាស្ត្រសំខាន់ៗ ក្នុងរាជធានីភ្នំពេញ។ ដោយឡែកកម្លាំងក្នុងទីបញ្ជាការ កម្លាំងមូលដ្ឋានអាវុធហត្ថខណ្ឌទាំង១៤នៃរាជធានីភ្នំពេញ ក៏បានបន្តចេញល្បាតការពារ សន្តិសុខ សុវត្ថិភាព ជួយសម្រួលចរាចរជូនបងប្អូនប្រជាពលរដ្ឋ ទាំងនៅលើដងផ្លូវ និងទាំងកំពុងសម្រាន្តលង់លក់ក្នុងគេហដ្ឋាន តាមភូមិសាស្ត្រខណ្ឌរៀងៗខ្លួននាពេលរាត្រី ដោយពុំខ្លាចភាពនឿយហត់ឡើយ ក្នុងនាមជាអ្នកបម្រើរាស្ត្រក្នុងទឹកចិត្តស្មោះត្រង់៕
អត្ថបទ៖ វិមាន
ជប៉ុនប្រគល់ ឡដុតសំណល់ឆ្លងរោគចំនួន២៩ ដល់គម្រោងកែលម្អការគ្រប់គ្រងសំណល់ឆ្លងរោគនៅកម្ពុជា
លាឈប់ពីការងារអូតេស នារីចិនម្នាក់ បែកគំនិតចិញ្ចឹមជ្រូក ខណៈចំណូលមួយខែៗកាក់កបខ្លាំង
កម្ពុជាទទួលបានអ្នកដំណើរចេញ-ចូល តាមជើងហោះហើរជាង ៦ លាននាក់ កើន ២២% នៅឆ្នាំ ២០២៤
បង្កើនប្រសិទ្ធភាពការងារ សហព័ន្ធគុនខ្មែរលែងដាក់អគ្គលេខាធិការពីគណៈកម្មការប្រតិបត្តិ
អ្នកនាំពាក្យថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីអាកាសធាតុមិនប៉ះពាល់ដល់គម្រោងលក់កាបូនរបស់កម្ពុជាទេ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់