ព័ត៌មានអន្ដរជាតិ

រុស្ស៊ី បញ្ជូនទាហានស៊ីឈ្នួល ២ ពាន់នាក់បន្ថែមទៀតទៅ អ៊ុយក្រែន

បានផុស

២ years មុន

នៅ

ថ្ងៃចន្ទ ២១ វិច្ឆិកា ២០២២

ដោយ

ក្រុមសិទ្ធិមនុស្សនិយាយថា រុស្ស៊ីបានបញ្ជូនទាហានស៊ីឈ្នួលប្រហែល ២,០០០ នាក់មកពីប្រទេសស៊ីរីទៅកាន់អ៊ុយក្រែន ដើម្បីបន្ថែមកម្លាំងក្នុងសង្គ្រាមលុកលុយរបស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមសង្កេតការណ៍សិទ្ធិមនុស្សស៊ីរីនិយាយថា ទាហានស៊ីឈ្នួលកំពុងធ្វើការជាចម្បងគាំទ្រផ្នែកដឹកជញ្ជូន និងបេសកកម្មផ្សេងទៀត នៅក្នុងតំបន់ដែលកាន់កាប់ដោយរុស្ស៊ីនៅភាគខាងកើត និងភាគខាងត្បូងអ៊ុយក្រែន ។

ក្រុមនេះនិយាយថា គិតត្រឹមខែមុន មនុស្សប្រហែល ៥០,០០០ នាក់នៅស៊ីរីបានចុះឈ្មោះដើម្បីប្រយុទ្ធឲ្យរុស្ស៊ី ។ ការចុះឈ្មោះបែបនេះបាននិងកំពុងធ្វើឡើងនៅក្នុងតំបន់ដែលស្ថិតក្រោមការគ្រប់គ្រងរបស់ប្រធានាធិបតីស៊ីរី Bashar al-Assad ដែលគាំទ្រដោយរដ្ឋាភិបាលរុស្ស៊ី ។

ទន្ទឹមនោះ អ្នកជ្រើសរើសបុគ្គលិកនៅភាគខាងជើងនៃទីក្រុង Aleppo បានប្រាប់ប្រជាជនថាពួកគេអាចរកប្រាក់បាន ៣,០០០ ដុល្លារក្នុងមួយខែ ហើយអាចទទួលបានសញ្ជាតិរុស្ស៊ី ប្រសិនបើពួកគេចុះឈ្មោះទៅប្រយុទ្ធនៅអ៊ុយក្រែន ។

ស្របពេលជាមួយគ្នានេះ ស្ថាបនិក និងជានាយកអង្គការឃ្លាំមើលសិទ្ធិមនុស្សស៊ីរី លោក Rami Abdulrahman បាននិយាយថា កងកម្លាំងរុស្ស៊ីអាចបន្ថែមកម្លាំងទាំងនេះទៅកាន់ជួរមុខរបស់ពួកគេ និងផ្តោតលើការប្រយុទ្ធនឹងកងទ័ពអ៊ុយក្រែន ប្រសិនបើទាហានស៊ីឈ្នួលស៊ីរីចូលរួមគាំទ្រផ្នែកដឹកជញ្ជូន ។