KPT+

គិតមកទល់បច្ចុប្បន្ន មហាក្សត្រិយានីសម័យបុរាណ ៥ អង្គ ជាស្ដេចស្រីមានទ្រព្យច្រើនជាងគេ

បានផុស

២ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

ព្រះមហាក្សត្រីដែលមានទ្រព្យសម្បត្តិច្រើនជាងគេបំផុតលើពិភពលោកនាពេលបច្ចុប្បន្ននេះ គឺជាព្រះមហាក្សត្រី Elizabeth ក្រោយទ្រង់បានសោយទិវង្គតកាលពីខែកញ្ញា។

ទោះជាយ៉ាងណាក៏ដោយ បើប្រៀបធៀបជាមួយរាជវង្សដែលមានជាងគេបំផុតក្នុងពិភពលោកគឺស្ដេចថៃ Maha Vajiralongkorn មានទ្រព្យសម្បត្តិ ៤៣ ពាន់លានដុល្លារ និងស្តេចស៊ុលតង់ Hassanal Bolkiah នៃប្រទេសព្រុយណេ មានទ្រព្យសម្បត្តិ ២៨ ពាន់លានដុល្លារអាមេរិក នេះបើយោងតាមសារព័ត៌មាន TBS News។ ប៉ុន្តែប្រសិនបើយើងត្រលប់ទៅប្រវត្តិសាស្ត្រវិញ មានមហាក្សត្រិយានី៥អង្គ បានគ្រប់គ្រងទ្រព្យដែលមានជាងគេបំផុត គិតមកទល់បច្ចុប្បន្ន នេះបើយោងតាមការប៉ាន់ស្មានរបស់ Money.com បញ្ចាក់ ។

១ ព្រះចៅអធិរាជ Wu ទ្រព្យសម្បត្តិសុទ្ធប៉ាន់ស្មាន ១៦ពាន់ពាន់លានដុល្លារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិរាជចិន Wu នៃរាជវង្សថាងត្រូវបានគេអះអាងថា ជាស្តេចស្រីដែលមានជាងគេបំផុតក្នុងប្រវត្តិសាស្ត្រ។ ទោះបីជាយ៉ាងណាក៏ដោយ ទ្រព្យសម្បត្តិដ៏ច្រើនរបស់នាង បានមកពីការបង្ហូរឈាមនិងអំណាច។ យោងទៅតាមប្រវត្ដិសាស្រ្ដ នាងប្រើវិធីឃោរឃៅ ហើយថែមទាំងបានសម្លាប់កូនៗខ្លួនឯង និងទម្លាក់តំណែងកូនប្រុសថែមទៀតផង។ នៅក្រោមរជ្ជកាល ១៥ ឆ្នាំរបស់ Wu ក្សត្រីអង្គនេះបានជួយពង្រីកអាណាចក្ររបស់ប្រទេសនេះទៅក្នុងអាស៊ីកណ្ដាល ហើយបានឃើញសេដ្ឋកិច្ចរបស់ខ្លួនរីកចម្រើនជាមួយនឹងការជួញដូរតែ និងសូត្រជាមួយបណ្តាប្រទេសលោកខាងលិច នៅលើវិថីសូត្រ ។ សព្វថ្ងៃនេះ ព្រះចៅអធិរាជ Wu នៅតែជារឿងដ៏ចម្រូងចម្រាសសម្រាប់មនុស្សមួយចំនួន ប៉ុន្តែត្រូវបានគេចាត់ទុកថា បានចូលរួមចំណែកយ៉ាងសំខាន់ក្នុងការគាំទ្រដល់ការរីកចម្រើនរបស់ប្រទេសនៅពេលនោះ។

២ Catherine the Great ទ្រព្យសម្បត្តិសុទ្ធប៉ាន់ស្មាន ១.៥ ពាន់ពាន់លានដុល្លារ

បើយោងតាម Sky History និយាយថា “យុគសម័យមាសនៃប្រទេសរុស្ស៊ី” Catherine the Great គឺជាស្ដេចដ៏មានឥទ្ធិពលមួយអង្គដែលបានប្រែក្លាយប្រទេសទៅជាមហាអំណាចពិភពលោកក្នុងអំឡុងសតវត្សទី១៨។ ទ្រង់ទទួលបានងារជាស្ត្រីដែលសោយរាជ្យយូរជាងគេ ក្នុងប្រវត្តិសាស្ត្ររុស្ស៊ី ដែលគ្រប់គ្រងប្រហែល ៥ ភាគរយនៃផលិតផលក្នុងស្រុកសរុបរបស់ពិភពលោកនៅពេលនោះ ។ ក្នុងអំឡុងពេលនៅលើបល្ល័ង្ក ទ្រង់បានរស់រានមានជីវិតពីការបះបោរប៉ុនប៉ងជាច្រើនដង និងបានប្រមូលទ្រព្យសម្បត្តិដែលប៉ាន់ស្មានថាមានតម្លៃ ១.៥ពាន់ពាន់លានដុល្លារអាមេរិក គិតមកដល់ពេលបច្ចុប្បន្ននេះ។

៣ Cleopatra VII ទ្រព្យសម្បត្តិសុទ្ធប៉ាន់ស្មាន ៩៦ ពាន់លានដុល្លារ

Cleopatra VII គឺជាឥស្សរជនប្រវត្តិសាស្ត្រដ៏ល្បីល្បាញបំផុតនៅក្នុងអត្ថិភាព ដែលគ្រប់គ្រងប្រទេសអេហ្ស៊ីបនៅចន្លោះឆ្នាំ ៥១ និង ៣០ មុនគ.ស។ តាមសេចក្តីរាយការណ៍ នៅក្នុងឧបាយកលនយោបាយបានអនុញ្ញាតឲ្យនាងបន្តទាញយកទុនលើទ្រព្យសម្បត្តិ និងចក្រភពរបស់នាង ដែលរួមបញ្ចូលទាំងការគ្រប់គ្រងឧស្សាហកម្មដែលមានភាពរុងរឿងបំផុតរបស់ប្រទេសនេះ នៅក្នុងស្រូវសាលី ដើម papyrus និង unguents។ សូម្បីតែព្រះចៅផារ៉ាអុង ក៏មានភាពល្បីល្បាញដោយសារសម្រស់ដ៏កម្ររបស់នាង ខណៈនាងក៏មានទំនាក់ទំនងស្នេហា និងសម្ព័ន្ធភាពយោធាជាមួយមេដឹកនាំរ៉ូម៉ាំង Julius Caesar និង Mark Antony ជាដើម។ ជំនាញអ្នកដឹកនាំដ៏ប៉ិនប្រសប់របស់នាង បានជួយនាំមកនូវសន្តិភាពដល់ប្រទេសមួយ ដែលពីមុនត្រូវបានបំបែកដោយការក្ស័យធន និងសង្រ្គាម ។

៤ Isabella of Castile ទ្រព្យសម្បត្តិសុទ្ធប៉ាន់ស្មាន ៥ពាន់លានដុល្លារ

មហាក្សត្រីអេស្ប៉ាញស្ថិត បានពង្រីកអាណាចក្រដោយរៀបការជាមួយបងប្អូនជីដូនមួយគឺ Ferdinand II នៃ Aragon រួមគ្នា ពួកគេបានប្រែក្លាយអេស្ប៉ាញទៅជាមហាអំណាចអឺរ៉ុបដ៏សំខាន់មួយ ហើយជាថ្នូរនឹងការទទួលបានទ្រព្យសម្បត្តិដ៏ធំសម្បើម ដែលអនុញ្ញាតឲ្យពួកគេរស់នៅយ៉ាងខ្ជះខ្ជាយជាមួយនឹងគ្រឿងអលង្ការ និងក្រណាត់ដ៏មានតម្លៃ។ យោងតាម Celebrity Net Worth បានឲ្យដឹងថា Isabella មានប្រាក់ចំណូលប្រចាំឆ្នាំចំនួន ១.៤៥ លាន ducats (រូបិយប័ណ្ណកាក់មាសឬប្រាក់របស់អឺរ៉ុបនៅពេលនោះ) រហូតដល់នាងសោយទិវង្គតនៅឆ្នាំ ១៥០៤។ ប្រសិនបើយើងគណនាជាលុយថ្ងៃនេះ ប្រភពប៉ាន់ស្មានថា ១,០០០ ducats ស្មើនឹង ១១០.៧អោនមាស។ បច្ចុប្បន្នមាសមានតម្លៃ ១,២៣០ ដុល្លារអាមេរិកក្នុងមួយអោន។ ប្រសិនបើនាងរកបាន ១.៤៥ លានducats ក្នុងមួយឆ្នាំ ប្រហែល ៥ ពាន់លានដុល្លារអាមេរិក នៅពេលដែលអ្នករាប់បញ្ចូលក្នុងរជ្ជកាល៣០ ឆ្នាំរបស់នាង។

៥ Hatshepsut ទ្រព្យសម្បត្តិសុទ្ធប៉ាន់ស្មាន ២ ពាន់លានដុល្លារ

ទ្រង់ឡើងសោយរាជ្យ បន្ទាប់ពីការសោយទិវង្គតរបស់ស្វាមី ការគ្រប់គ្រងរយៈពេលពីរទសវត្សរ៍របស់ Hatshepsut បានបង្ហាញថា ទ្រង់អាចរកចំណូលបានយ៉ាងច្រើនក្នុងប្រវត្តិសាស្ត្រ។ ទោះបីជាវាពិបាកក្នុងការគណនាទ្រព្យសម្បត្តិពិតប្រាកដរបស់ស្តេចផារ៉ោនជាស្ត្រីទីមួយរបស់ប្រទេសអេហ្ស៊ីបក៏ដោយ ប៉ុន្តែទ្រង់ត្រូវបានគេនិយាយថា ការគ្រប់គ្រងរបស់ទ្រង់លើរ៉ែមាស ទង់ដែង និងត្បូងមានតម្លៃធ្វើឲ្យក្សត្រីអង្គនេះ ជាប់ចំណាត់ថ្នាក់ទីពីរ ក្នុងចំណោមមហាក្សត្រីដែលមានជាងគេផុតក្នុងប្រវត្តិសាស្ត្រ តាមរយៈគេហទំព័រ Money.com ។ ប្រភពដដែលបានបន្តថា ដោយសារតែការជីកយករ៉ែមាសបានធ្វើឲ្យទ្រង់មានទ្រព្យសុទ្ធ ២ ពាន់លានដុល្លារ គិតមកទល់ពេលនេះ៕

ប្រែសម្រួល៖ សាង ស្រីល័ក្ខ

ចុចអាន៖ព្រះអនុជស្ដេចស៊ុលតង់ ព្រះអង្គម្ចាស់ Jefri Bolkiah ក្សត្រហ៊ានចំណាយលើវត្ថុថ្លៃៗលើសគេ

ចុចអាន៖ព្រះស្ងោយចម្លែកប្រចាំរាជវាំង ៧ មុខ ស្តេច Charles ទ្រង់សព្វព្រះរាជហឬទ័យសោយខ្លាំងបំផុត