ព័ត៌មានជាតិ

តម្លៃដំឡូងមីឆ្នាំនេះបានខ្ពស់ តែទិន្នផលធ្លាក់ចុះដោយសារភ្លៀងធ្លាក់ច្រើន

បានផុស

២ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

កសិករដាំដំឡូងមីនៅខេត្តឧត្តរមានជ័យបានឲ្យដឹងថា តម្លៃដំឡូងមីនៅឆ្នាំនេះបានល្អប្រសើរគួរសម ប៉ុន្តែបរិមាណទិន្នផលរាងធ្លាក់ចុះបន្ដិចដោយសារតែមានភ្លៀងធ្លាក់ច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈៀង សុខវណ្ណី កសិករដាំដំឡូងមីនៅខេត្តឧត្តរមានជ័យបានប្រាប់កម្ពុជាថ្មីនៅថ្ងៃអង្គារ៍ ទី ២២ ខែវិច្ឆិកា ឆ្នាំ ២០២២នេះថា ទីផ្សារដំឡូងមីបច្ចុប្បន្នមានភាពល្អប្រសើរច្រើនគួរសម ខណៈរូបលោកទើបតែចាប់ផ្ដើមប្រមូលផលបណ្ដើៗហើយលក់បានតម្លៃ ៣០០ រៀល ក្នុងមួយគីឡូ (សម្រាប់ដំឡូងមីស្រស់) និងតម្លៃ ៨៣០ រៀល ទៅ ៨៥០ រៀល ក្នុង១គីឡូ សម្រាប់ដំឡូងមីក្រៀម។

លោកថា នៅឆ្នាំនេះបរិមាណដំឡូងមីធ្លាក់ចុះបន្ដិចដោយសារមានភ្លៀងធ្លាក់ច្រើនធ្វើឲ្យមើមមិនសូវរីក។ បរិមាណជាមធ្យមដែលទទួលបានប្រមាណ ៣៥ តោន ក្នុង១ហិកតា (ធ្វើតាមបច្ចេកទេស)។

លោក សូត្រ ស៊ីសុខឃាង ប្រធានមន្ទីរ កសិកម្ម រុក្ខប្រមាញ់ និងនេសាទ ខេត្តឧត្តរមានជ័យប្រាប់ថា ប្រជាពលរដ្ឋសប្បាយចិត្តក្នុងការប្រមូលផលដំឡូងមី ខណៈតម្លៃបានល្អប្រសើរ ហើយផ្ទៃដីដាំដំឡូងមីនៅខេត្តឧត្តរមានជ័យកើនដល់ជាង ៧ ម៉ឺនហិកតា។

ទិន្ន័យពីក្រសួងកសិកម្ម រុក្ខា ប្រមាញ់ និងនេសាទបង្ហាញនៅក្នុងរយៈពេល ១០ ឆ្នាំ ២០២២ ផលិតផលដំឡូងមីប្រមាណជាង ២,៨ លានតោន ត្រូវបានកម្ពុជានាំចេញទៅលក់នៅទីផ្សារអន្តរជាតិក្នុងនោះមានប្រទេសថៃ និងវៀតណាមជាទីផ្សារធំសម្រាប់កម្ពុជា៕