កុមារី Ella Gross ដែលមានមុខស្រដៀង Jennie ពេលនេះធំពេញវ័យហើយ

កុមារី Ella Gross ដែលគ្រប់គ្នាស្គាល់ច្បាស់ដោយសារទម្រង់មុខស្រដៀង Jennie និងជា Trainee របស់ YG ពេលនេះពេញរូបរាងធ្វើឲ្យអ្នក​លេង​អ៊ីនធឺណិតភ្ញាក់ផ្អើល ព្រោះនាងពិតជាស្ទុះធំលឿនក្នុងរយៈពេលដ៏ខ្លី។

កាលពី ២០១៩ នាងបានទស្សនាការប្រគំតន្ត្រីរបស់ BLACKPINK ហើយឈានដល់ឆ្នាំ ២០២២ នេះ នាងក៏បានទស្សនាការប្រគំតន្ត្រីជាថ្មីម្តងទៀត អំឡុងពេលក្រុម BLACKPINK ទៅសម្ដែងនៅ L.A ប៉ុន្តែលើកនេះ កម្ពស់ក៏ដូចជាមុខមាត់និងសម្រស់កាន់តែស្រស់ស្អាត់មិនធម្មតា ដែលធ្វើឲ្យអ្នក​គាំទ្រ​ភ្ញាក់​ផ្អើល​នឹង​ការ​លូត​លាស់​របស់​នាង។

ជាមួយគ្នានេះ អ្នក​និយមលេង​អ៊ីនធឺណិតរ​ជាច្រើនបានសរសើរសម្រស់របស់នាង​នឹង​បញ្ចេញមតិថា “នាងស្អាតណាស់” ខណៈអ្នកខ្លះទៀតថា ” នាងមើលទៅដូច Jennie និង NingNing សមាជិកក្រុម Aespa នៅពេលបច្ចុប្បន្ននេះ” និងអ្នកផ្សេងទៀតលើកឡើងថា “នាងមានរូបរាងបែបលោកខាងលិចច្រើនជាងបន្ទាប់ពីធំឡើង” ។

យ៉ាងណាមិញ Ella Gross បានទាក់ទាញការចាប់អារម្មណ៍ពីសាធារណជនក្នុងនាមជាតារាម៉ូដែលកុមារ ជាពិសេសសម្រាប់មុខមាត់របស់នាង ការស្រដៀងទៅនឹង Jennie សមាជិកក្រុម BLACK PINK ។ នាងត្រូវបានគេរហ័សនាមថាជា “Little Jennie” ឬ “Jennie’s little sister” ហើយបានទទួលការស្រលាញ់ជាច្រើនពីក្រុមចម្រៀងនារី KPOP ជាច្រើននិងពីអ្នកគាំទ្រ BLACKPINK ផងដែរ៕

ប្រែសម្រួល៖នាងតូច

ចុចអាន៖BLACKPINK ទទួលពានរង្វាន់ “Daesang” លើកដំបូងពីកម្មវិធី Seoul Success Awards 2022