Rashford ឧទ្ទិសគ្រាប់បាល់របស់ខ្លួន ដល់មិត្តភក្តិដែលទើបស្លាប់ដោយសារជំងឺ មហារីក

ខ្សែប្រយុទ្ធក្រុមតោកំណាចអង់គ្លេស Marcus Rashford បានអបអរគ្រាប់បាល់របស់គាត់កាលពីយប់មិញ ដើម្បីឧទ្ទិសដល់មិត្តភក្តិរបស់គាត់ ដែលទើបទទួលមរណភាពដោយសារជំងឺមហារីក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Rashford និយាយថា “ជាអកុសល ខ្ញុំបានបាត់បង់មិត្តរបស់ខ្ញុំម្នាក់កាលពីពីរបីថ្ងៃមុន។ គាត់បានតស៊ូ​ជាមួយ​​ជំងឺ​មហារីកជាយូរមកហើយ ដូច្នេះ​ខ្ញុំ​រីករាយ​ដែល​ខ្ញុំ​អាច​រក​គ្រាប់​បាល់​ឲ្យ​គាត់បាន។ គាត់តែងតែជាអ្នកគាំទ្រដ៏ធំរបស់ខ្ញុំ។ គាត់​គឺ​​ជា​មនុស្ស​ដ៏​អស្ចារ្យ​ម្នាក់ ហើយ​ខ្ញុំ​រីករាយ​ដែល​គាត់​បាន​ចូល​មក​ក្នុង​ជីវិត​របស់​ខ្ញុំ”។

គួរបញ្ជាក់ថា ២គ្រាប់របស់ Rashford ជួយឲ្យក្រុមរបស់លោក Gareth Southgate យកឈ្នះលើនាគភ្លើងវេលស៍ ក្នុងលទ្ធផល ៣-០ ធ្វើឲ្យអង់គ្លេសរក្សាតំណែងកំពូលតារាងពូល B។

ដូចនេះ នៅវគ្គ១៦ក្រុមចុងក្រោយនៃពានរង្វាន់ World Cup 2022 អង់គ្លេស ​នឹងត្រូវ​​ជួប​ក្រុមតោអាហ្វ្រិក​សេណេហ្គាល់ ​ដែល​បាន​ទទួល​ជ័យ​ជម្នះ​លើ​អេក្វាឌ័រ​ នៅថ្ងៃជាមួយគ្នា៕

ប្រែសម្រួល៖ Vann Vann

ប្រភព៖ SUN

ចុចអាន៖ រកឃើញ ៤ក្រុមទៀត ឡើងទៅវគ្គ ១៦ក្រុមចុងក្រោយ World Cup 2022