ជីវិតកម្សាន្ដ
ពេជ្រ ចរណៃ រំភើបស្រក់ទឹកភ្នែក ខណៈគុនល្បុក្កតោ ចុះបញ្ជីបេតិកភណ្ឌវប្បធម៌អរូបីអង្គការយូណេស្កូ
តារាសម្ដែង និងជាគ្រូបង្ហាត់គុនល្បុក្កតោកញ្ញា ពេជ្រ ចរណៃ សម្ដែងអារម្មណ៍រំភើបខ្លាំងរហូតស្រក់ទឹកភ្នែក បន្ទាប់ពី“គុនល្បុក្កតោ” ត្រូវបានចុះក្នុងបញ្ជីតំណាង នៃបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ។
តារាស្រីដែលតែងលេចមុខយ៉ាងសកម្មក្នុងការចូលរួមផ្សព្វផ្សាយបង្ហាញ“គុនល្បុក្កតោ”ខ្មែរ កញ្ញា ពេជ្រ ចរណៃ បានប្រាប់កម្ពុជាថ្មីឲ្យដឹងទាំងអារម្មណ៍រំភើបដូច្នេះថា តើបងប្អូនទាំងអស់គ្នាដឹងទេថា អារម្មណ៍មួយដែលបំណងប្រាថ្នាដ៏ធំបំផុតសម្រាប់ការខិតខំប្រឹងប្រែងរយៈពេល ៧ ទៅ ៨ ឆ្នាំ ទទួលបានជោគជ័យ មានអារម្មណ៍យ៉ាងណា?។ ចរណៃ សង្កត់ធ្ងន់ថា គ្រាន់តែឮដំណឹងច្បាស់ការថា”ល្បុក្កតោ” បានចូលក្នុងបញ្ជីអរូបីរបស់អង្គការយូណេស្កូភ្លាម ខ្ញុំបានធូរពីជំងឺទាំងដៃនៅព្យួរសេរ៉ូមបានប្រហែល ៣០ ភាគរយទៅហើយ។
តារាស្រី ពេជ្រ ចរណៃ បានបន្តទៀតថា ទឹកភ្នែកខ្ញុំហូរស្របពេលដែលខ្ញុំកំពុងរំភើបត្រេកអរ(អារម្មណ៍មួយនេះបងប្អូនដឹងហើយ)។ រឿងអារម្មណ៍នេះពិតជាពិបាកបរិយាយណាស់ ដឹងត្រឹមថាមានក្ដីសុខ។ សមិទ្ធផលនេះគឺបានមកពីថ្នាក់ដឹកនាំជួយខ្នះខ្នែង និងពុកម៉ែបងប្អូនទាំងអស់គ្នាដែលជួយលើកទឹកចិត្តគាំទ្រ ហើយអ្វីដែលពិសេសគឺលោកគ្រូតា និងបងប្អូនអ្នកហាត់គុនល្បុក្កតោទាំងអស់ ដែលខិតខំហ្វឹកហាត់ និងផ្សព្វផ្សាយ ហើយក៏មានការរួមចំណែកពីសំណាក់បងប្អូនខាងសារព័ត៌មានផងដែរ និយាយរួមបានមកពីប្រជាជនខ្មែរទាំងអស់គ្នា។
សូមបញ្ជាក់ដែរថា នៅក្នុងសេចក្ដីប្រកាសព័ត៌មានរបស់ក្រសួងវប្បធម៌ និងវិចិត្រសិល្បៈស្ដីពីការចុះគុនល្បុក្កតោក្នុងបញ្ជីតំណាង នៃបេតិកភណ្ឌវប្បធម៌អរូបីមនុស្សជាតិរបស់អង្គការយូណេស្កូ បានឲ្យ ដឹងថា កាលពីថ្ងៃទី ២៩ ខែវិច្ឆិកា ឆ្នាំ ២០២២ នៅក្នុងកិច្ចប្រជុំលើកទី ១៧ នៃគណៈកម្មាធិការអន្តររដ្ឋាភិបាលដើម្បីការពារបេតិកភណ្ឌវប្បធម៌អរូបីរបស់អង្គការយូណេស្កូដែលប្រារព្ធធ្វើនៅទីក្រុងរ៉ាបាត នៃព្រះរាជាណាចក្រម៉ារ៉ុក បានអនុម័តយល់ព្រមចុះគុនល្បុក្កតោ ក្នុងបញ្ជីតំណាងបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ តាមសេចក្ដីសម្រេច 17.COM7..។
ការចុះបញ្ជី”គុនល្បុក្កតោក្នុងបញ្ជីតំណាងបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ គឺជាជោគជ័យ និងមោទកភាពជាតិដ៏ធំធេងថ្មីមួយទៀតដែលកើតចេញពីកិច្ចខិតខំប្រឹងប្រែង និងការប្ដេជ្ញាចិត្តខ្ពស់របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជា ក្នុងការការពារ និងលើកតម្លៃបេតិកភណ្ឌវប្បធម៌ជាតិ ជាពិសេសបេតិកភណ្ឌវប្បធម៌អរូបី ដែលងាយប្រឈមនឹងបាត់បង់៕
អត្ថបទ ៖ ចាន់រ៉ា
អេក្វាទ័របន្ថយការផ្គត់ផ្គង់ថាមពលអគ្គិសនីពាក់កណ្តាលប្រទេស ខណៈប្រឈមគ្រោះរាំងស្ងួតជាប្រវត្តិសាស្ត្រ
ផលិតកម្មស្ករសថៃ ធ្លាក់ចុះជាង ២០ ភាគរយ ក្នុងឆ្នាំប្រមូលផល ២០២៣ និង ២០២៤
អតីតរដ្ឋមន្ត្រីដឹកជញ្ជូនសិង្ហបុរីសារភាពកំហុសនៅមុខតុលាការកំពូល
សម្ដេច ឃួន សុដារី៖ការទូតសភាកម្ពុជា-ចិន មានសន្ទុះខ្លាំងផ្តល់ប្រយោជន៍ឱ្យគ្នាទៅវិញទៅមក
គណៈមេធាវីកម្ពុជា នឹងដឹកនាំមេធាវី ៣០០នាក់ ទៅទស្សនកិច្ចតំបន់ព្រំដែននៅខេត្តត្បូងឃ្មុំ
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
៦ខេត្តរបស់ថៃ នៅតែរងគ្រោះ ដោយទឹកជំនន់
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ