ប្រវត្តិសាស្ត្របាល់ទាត់ World Cup នឹងកើតឡើងក្នុងជំនួបរវាង អាល្លឺម៉ង់ និងកូស្ដារីកា យប់នេះ

ប្រវត្តិសាស្ត្របាល់ទាត់ World Cup ឆ្នាំ ២០២២ នឹងកើតឡើងនៅយប់ថ្ងៃព្រហស្បតិ៍នេះ ក្នុងជំនួបរវាងក្រុមបាល់ទាត់ឥន្ទ្រីដែកអាល្លឺម៉ង់ និងកូស្ដារីកា សម្រាប់ការប្រកួតវគ្គសន្សុំពិន្ទុតាមពូលជុំចុងក្រោយ ។

ជំនួបក្រុមទាំងពីរនេះនឹងក្លាយជាការប្រកួតបាល់ទាត់ពិភពលោក FIFA World Cup ផ្នែកបុរសលើកដំបូងមិនធ្លាប់មានដែលកាត់សេចក្ដីលើទីលានដោយអាជ្ញាកណ្ដាលនារី ។

ស្ថាប័នគ្រប់គ្រងបាល់ទាត់ពិភពលោក FIFA បានប្រកាសថា លោកស្រី Stephanie Frappart សញ្ជាតិបារាំងនឹងដឹកនាំក្រុមមន្ត្រីអាជ្ញាកណ្ដាលនារីទាំងអស់សម្រាប់ការប្រកួតរវាងអាល្លឺម៉ង់ និងកូស្តារីកា ។

ចំណែកជំនួយការលើទីលាន ២ រូបទៀតរបស់លោកស្រីអាជ្ញាកណ្ដាល Stephanie Frappart គឺមានលោកស្រីអាជ្ញាកណ្ដាល Neuza Back សញ្ជាតិប្រេស៊ីល និង Karen Diaz មកពីប្រទេសម៉ិកស៊ិក ។

គួរបញ្ជាក់ថា លោកស្រី Frappart គឺ​ជា​ស្ត្រី​ម្នាក់​ក្នុង​ចំណោម​ស្ត្រី​ ៣ ​នាក់​ដែល​ត្រូវ​បាន​ជ្រើសរើស​ជា​អាជ្ញាកណ្តាល​ក្នុងព្រឹត្តិការណ៍បាល់ទាត់ពិភពលោកនៅ​ប្រទេស​កាតា ខណៈលោកស្រីអាជ្ញាកណ្ដាលជប៉ុន Yamashita Yoshimi និង Salima Mukansanga របស់ប្រទេសរវ៉ាន់ដា ក៏ស្ថិតក្នុងបញ្ជីរបស់ FIFA ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកទស្សនា World Cup នឹងលែងបានមើលការប្រកួតនៅម៉ោង ៥ ល្ងាចនិង ៨ យប់ទៀតហើយ