KPT+

ការសិក្សាបង្ហាញថា ចង្ក្រានហ្គាសអាចបញ្ចេញសារធាតុបង្កជាមហារីក

បានផុស

២ years មុន

នៅ

ថ្ងៃសុក្រ ២ ធ្នូ ២០២២

ដោយ

ការសិក្សាថ្មីមួយពីរដ្ឋកាលីហ្វ័រញ៉ាបានបង្ហាញថា ចង្ក្រានហ្គាសដែលយើងប្រើប្រាស់រាល់ថ្ងៃនេះ អាចលេចធ្លាយសារធាតុបំពុលបរិយាកាសដ៏គ្រោះថ្នាក់ ដូចជាសារធាតុ Benzene ដែលផ្សារភ្ជាប់ទៅនឹងការកើតជំងឺមហារីក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតEric Lebel ជាអ្នកដឹកនាំការស្រាវជ្រាវខាងលើបានឲ្យដឹងថា ចង្ក្រានហ្គាស អាចលេចធ្លាយបាន បើទោះបីជាយើងបិទហ្គាសហើយក៏ដោយ។ ពិតណាស់ សារធាតុពុលនៅក្នុងឧស្ម័នធម្មជាតិ អាចសាយភាយនៅក្នុងផ្ទះ ហើយនឹងកាន់តែគ្រោះថ្នាក់សម្រាប់គ្នាយើងដែលមានផ្ទះបាយតូចចង្អៀត និងមិនសូវមានខ្យល់ចេញចូល។

ការសិក្សាស្រដៀងគ្នាមួយ ដែលចេញផ្សាយនៅទស្សនាវដ្ដី Environmental Science & Technology បានធ្វើការសិក្សាលើសំណាកឧស្ម័នធម្មជាតិដែលមិនឆេះពីគ្រួសារចំនួន១៥៩ នៅរដ្ឋកាលីហ្វ័រញ៉ា។ លទ្ធផលបានបង្ហាញថា មានការបំពុលខ្យល់ដ៏គ្រោះថ្នាក់ចំនួន១២ប្រភេទផ្សេងគ្នា ដែលអាចបង្កឲ្យកើតមានជំងឺមហារីក និងផលប៉ះពាល់សុខភាពធ្ងន់ធ្ងរផ្សេងទៀត។ សូម្បីតែសារធាតុBenzene ដែលមានកម្រិតទាប ក៏អាចប្រមូលផ្ដុំនៅក្នុងរាងកាយយើងបន្តិចម្ដងៗបានដែរ ហើយថែមទាំងអាចបង្កឲ្យមានហានិភ័យសុខភាពដូចគ្នា។

ហេតុដូច្នេះហើយ ក្រុមអ្នកស្រាវជ្រាវបានណែនាំឲ្យគ្រួសារដែលប្រើចង្ក្រានហ្គាស គួរកាត់បន្ថយការប៉ះពាល់ទៅនឹងសារធាតុប្រភេទនេះ ដោយការប្រើម៉ាស៊ីនបន្សុទ្ធខ្យល់ ឬម៉ាស៊ីនបឺតផ្សែង និងបើកបង្អួចអំឡុងពេលចម្អិនម្ហូបអាហារ ដើម្បីកាត់បន្ថយហានិភ័យសុខភាពផ្សេងៗ ជាពិសេសគឺជំងឺមហារីកតែម្ដង៕

អត្ថបទផ្ដល់ដោយ៖Hello Krupet

ចុចអាន៖សារាយទំពាំងបាយជូរ មិនត្រឹមតែឆ្ងាញ់ តែក៏ជួយទប់ស្កាត់កោសិកាមហារីក